لاہور میں ہلکی بارش ،موسم خوشگوار ہو گیا
اشاعت کی تاریخ: 3rd, March 2025 GMT
لاہور شہر میں بادلوں کا بسیرا ہے، موسم خوشگوار ہو گیا،شہر میں مختلف مقامات پر رم جھم جاری ہے۔وزیر اعلیٰ پنجاب مریم نواز شریف کی خصوصی ہدایات پر وائس چیئرمین واسا چوہدری شہباز احمد اور ایم ڈی واسا غفران احمد نے واسا لاہور کو متحرک رہنے کی ہدایات کر دیں ۔اسلام آباد،شمال مشرقی ووسطی پنجاب میں گرج چمک سے بارش کی پیشگوئی ہے،خطہ پوٹھوہار ، مری ، گلیا ت،خیبرپختونخوامیں بارش،پہاڑوں پربرفباری متوقع ہے،شمال مشرقی بلوچستان،گلگت بلتستان ، کشمیرمیں بارش،پہاڑوں پربرفباری کاامکان ہے،خطہ پوٹھوہار،بالائی خیبرپختونخوا،کشمیر میں موسلا د ھاربارش،پہاڑوں پرشدیدبرفباری متوقع ہے۔بالائی پنجاب اورجنوبی خیبر پختونخوامیں چند مقامات پرژالہ باری کابھی امکان ہے،شدیدبارش، برفباری سےمری، گلیات، ناران، کاغان میں سڑکوں کی بندش متوقع ہے،دیر، سوات، کوہستان، مانسہرہ، ایبٹ آباد، شانگلہ، استورمیں ٹریفک کی روانی متاثرہونے کاامکان ہے۔ہنزہ، سکردو، وادی نیلم، باغ، پونچھ، حویلی میں سڑکوں کی بندش کاامکان ہے،مری،گلیات،کشمیر،گلگت بلتستان،خیبرپختونخوامیں لینڈسلائیڈنگ،برفانی تودےگرنےکاخطرہ ہے ،بارش اوربرفباری کے دوران سیاحوں کو محتاط رہنے،غیرضروری سفرسےاجتناب کی ہدایت ہیں۔لہہ منفی14ڈگری سینٹی گریڈ درجہ حرارت کے ساتھ سرد ترین علاقہ ریکارڈ کیاگیاہے۔
.ذریعہ: Nawaiwaqt
پڑھیں:
لاہور: نئی تعمیرات اور انڈسٹریز کیلئے بارش کا پانی ذخیرہ کرنے کا سسٹم لازمی قرار
—فائل فوٹو
لاہور میں پنجاب حکومت نے مختلف قسم کی تعمیرات کے لیے بارش کا پانی ذخیرہ کرنے کا سسٹم لازمی قرار دے دیا۔
پنجاب حکومت نے پولٹری، فش فارمز، پیٹرولیم ریفائنریز، ٹیکسٹائل انڈسٹری، گارمنٹس یونٹس، فوڈ انڈسٹری، فلور، رائس ملز، گھی آئل ملز، پیٹرول پمپس اور سیمنٹ پلانٹس میں پانی ذخیرہ کرنے کا سسٹم لازمی قرار دیا ہے۔
نوٹیفکیشن کے مطابق شوگر ملز، کیمیکل انڈسٹری، فارما انڈسٹری، پیپر ملز، کھادوں کے یونٹس، ایئر پورٹس، ہاؤسنگ سوسائٹیز، کمرشل بلڈنگز، ہوٹلز اور میرج ہالز میں بھی بارش کا پانی ذخیرہ کرنے کا سسٹم لازمی قرار دیا گیا ہے۔
راولپنڈی میں پانی کا بحران شدت اختیار کر گیا، واسا نے شہر میں واٹر ایمرجنسی نافذ کردی۔
اس کے علاوہ تمام تعلیمی اداروں، بسوں، ویگنوں کے اسٹینڈز پر بھی بارش کا پانی ذخیرہ کرنے کا سسٹم لازمی ہو گا۔
انتظامیہ کی جانب سے جاری نوٹیفکیشن کے مطابق تعمیراتی کام کی منظوری بارش کے پانی ذخیرہ کرنے کے سسٹم سے مشروط ہو گی جبکہ فیصلے کا اطلاق فوری طور پر ہو گا۔
امریکی تعلیمی وظائف، ہزاروں پاکستانی طلبہ کا تعلیمی مستقبل غیر یقینی صورتحال سے دوچار