کینسر کے مرض میں مبتلا حنا خان نے رمضان المبارک کا خصوصی استقبال کیسے کیا؟
اشاعت کی تاریخ: 3rd, March 2025 GMT
بھارتی ٹیلی ویژن کی معروف اداکارہ حنا خان نے رمضان المبارک کے مقدس مہینے کا آغاز اپنے مداحوں کے ساتھ خصوصی تصاویر اور پیغام کے ساتھ کیا۔
انہوں نے سحری اور افطاری کے دوران کی گئی تصاویر سوشل میڈیا پر شیئر کیں، جن میں وہ ہلکے سمندری سبز رنگ کے خوبصورت لباس میں نظر آئیں۔
حنا خان نے اپنی پوسٹ کے کیپشن میں لکھا، ’’رمضان مبارک! کیسی لگ رہی ہوں؟.
A post shared by ???????????????? ???????????????? (@realhinakhan)
کینسر کے مرض سے لڑتی حنا خان کی یہ پوسٹ جلد ہی وائرل ہو گئی، اور کمنٹ سیکشن مداحوں کی مبارکبادوں اور نیک خواہشات سے بھر گیا۔
ایک مداح نے لکھا، ’’رمضان مبارک! اللہ آپ کو اچھی صحت اور خوشی دے۔‘‘ جبکہ ایک اور نے تبصرہ کیا، ’’ماشاللہ رمضان کریم۔‘‘
کچھ مداحوں نے اداکارہ کی صحت کےلیے دعائیں بھی کیں، ایک صارف نے لکھا، ’’اللہ ہمارے نیک اعمال کو قبول فرمائے، ہمارے گناہوں کو معاف فرمائے، اور پریشانیوں کو آسان فرمائے۔‘‘
یہ بات قابل ذکر ہے کہ حنا خان گزشتہ سال جون میں اسٹیج 3 بریسٹ کینسر کی تشخیص کے بعد سے اپنی صحت کی بحالی کی جدوجہد میں مصروف ہیں۔ انہوں نے ایک انٹرویو میں بتایا تھا کہ انہیں کچھ علامات محسوس ہو رہی تھیں، لیکن انہیں اندازہ نہیں تھا کہ صورتحال اتنی سنگین ہوسکتی ہے۔ تاہم، حال ہی میں انہوں نے اپنی کیموتھراپی مکمل ہونے کا اعلان کیا ہے اور وہ صحت یابی کی طرف گامزن ہیں۔
حنا خان آخری بار ٹی وی سیریز ’گرہ لکشمی‘ میں نظر آئی تھیں، جو جنوری میں ریلیز ہوئی تھی۔ انہوں نے اپنی صحت کے ساتھ ساتھ اپنے کیریئر پر بھی توجہ مرکوز رکھی ہے، اور اپنے مداحوں کو ہر قدم پر اپ ڈیٹ کرتی رہتی ہیں۔
ذریعہ: Express News
کلیدی لفظ: انہوں نے
پڑھیں:
مقبوضہ کشمیر کی موجودہ سیاسی صورتحال پر منتظر محی الدین کا خصوصی انٹرویو
اسلام ٹائمز کیساتھ اپنے خصوصی انٹرویو میں جموں و کشمیر "اپنی پارٹی" کے ترجمان اعلٰی کا کہنا تھا کہ کشمیری عوام کو تاریکی میں دھکیلنے میں یہاں کی مقامی سیاسی جماعتیں برابر کی شریک ہیں، مقامی سیاسی جماعتوں نے بھی ہمیشہ کشمیری عوام کا استحصال کیا اور اپنے ذاتی مفادات کو قومی مفادات پر ترجیح دی۔ متعلقہ فائیلیںمنتظر محی الدین کا تعلق جموں و کشمیر کے شہر خاص سے ہے۔ آپ سالہا سال کشمیر کی سب سے بڑی تجارتی یونین کے سربراہ رہے ہیں۔ جموں و کشمیر پیپلز ڈیموکریٹک پارٹی سے اپنے سیاسی کیئریر کی شروعات کرنے کے بعد مختلف سیاسی سرگرمیوں میں پیش پیش رہے۔ فی الوقت وہ جموں و کشمیر "اپنی پارٹی" سے وابستہ ہیں اور پارٹی کے ترجمان اعلٰی ہیں۔ اسلام ٹائمز کے نمائندے نے منتظر محی الدین سے جموں و کشمیر کی سیاسی صورتحال پر ایک تفصیلی انٹرویو کا اہتمام کیا، جس دوران انہوں نے کہا کہ کشمیری عوام سالہا سال سے سخت سیاسی دباؤ کے تحت زندگی گزار رہے ہیں۔ انہوں نے کہا کہ کشمیری عوام کو تاریکی میں دھکیلنے میں یہاں کی مقامی سیاسی جماعتیں برابر کی شریک ہیں، مقامی سیاسی جماعتوں نے بھی ہمیشہ کشمیری عوام کا استحصال کیا اور اپنے ذاتی مفادات کو قومی مفادات پر ترجیح دی۔ انہوں نے کہا کہ مختلف بہانوں سے کشمیر میں نوجوانوں و بزرگ افراد کو پولیس تھانوں پر طلب کرنا مایوس کن ہے۔ انہوں نے کہا کہ دفعہ 370 کی بحالی کے دعوے اب یہاں کی سیاسی جماعتوں کا محض دھوکہ و فریب ہے، کیونکہ اب یہاں قانون بن چکا ہے۔ انہوں نے کہا کہ وقف ترمیمی قانون مسلمانوں کے حقوق پر شب خون مارنے کے مترادف ہے، لیکن ہم نے سپریم کورٹ میں عرضی دائر کی ہے، امید ہے کہ وہاں سے مسلمانوں کو انصاف مل جائے گا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
لندن میں نواز شیرف کے گھر کے باہر پی ٹی آئی کا کارکن گرفتار