ساؤتھ کا سپراسٹار، شاہ رخ، سلمان اور اکشے کمار بھی جس کی فلموں کا ریکارڈ نہ توڑ سکے
اشاعت کی تاریخ: 2nd, March 2025 GMT
MUMBAI:
رجنی کانت، شاہ رخ خان، سلمان خان اور اکشے کمار بھارتی فلمی دنیا کے کامیاب ترین اداکار ہیں جنہوں نے فلم انڈسٹری کو متعدد بلاک بسٹر فلمیں دی ہیں، مگر ان میں سے کوئی بھی تمل سپراسٹار تھلاپتھی وجے کے ریکارڈ کو نہ پہنچ سکا جس کی مسلسل سات فلمیں دو ارب روپے سے زیادہ کا بزنس کرچکی ہیں۔
ہندی فلموں کے شائقین کے لیے تھلاپتھی وجے کا نام شائد غیرمانوس ہو مگر تمل فلم نگری میں اسے وہی حیثیت حاصل ہے جو بولی وڈ میں شاہ رخ خان کی ہے۔
وجے جوزف جسے اس کے چاہنے والے تھلاپتھی ( کمانڈر) وجے کہتے ہیں کی مسلسل دو ارب روپے سے زیادہ کمانے والی فلموں میں مرسل، سرکار، بیگل، ماسٹر، بیسٹ، وریسو اور لیو شامل ہیں۔
ایک فلمی جریدے کے مطابق 50 سالہ سپراسٹار کی 2017 میں ریلیز ہونےو الی فلم ’’ مرسل‘‘ نے دنیا بھر میں 220 کروڑ روپے کمائے۔ 2018 میں نمائش کیلیے پیش کی گئی فلم ’’ سرکار‘‘ نے 252 کروڑ روپے کا بزنس کیا۔ 2019 میں ’’ بیگل‘‘ کی ریلیز سے باکس آفس پروجے کی حکمرانی ایک بار پھر برقرار رہی ہے۔ بیگل نے 295 کروڑ روپے کمائے۔
2020 میں آنے والی کورونا کی وبا بھی وجے کی کامیابیوں کی راہ میں ریکاوٹ نہ بن سکی، اور 2021 میں اس کی اگلی فلم ’’ ماسٹر ‘‘223 کروڑ روپے کماکر بلاک بسٹر قرار پائی۔ 2022میں ’’ بیسٹ ‘‘ 216 کروڑ روپے کی آمدن حاصل سال کی سب سے زیادہ نفع بخش تمل فلم قرار پائی۔ پھر اگلے ہی سال ’’ وریسو‘‘ نے 297 کروڑ روپے کما کر سپراسٹار اور فلم سازوں کے بینک بیلنس میں اضافہ کیا۔
2023 میں تھلاپتھی وجے کی فلم ’’ لیو‘‘ نمائش کے لیے پیش کی گئی جس نے باکس آفس پر تہلکہ مچا دیا۔ ایکشن اور سنسنی خیزی سے بھرپور فلم نے ملکی سطح پر 3 ارب روپے سے زائد جبکہ عالمی باکس آفس پر 5 ارب روپے سے زائد کما کر نئے ریکارڈ قائم کردیے۔
مسلسل 7 فلموں کی تاریخ ساز کامیابی نے وجے کو ہندوستانی فلم انڈسٹری کے کامیاب ترین اور سب سے زیادہ معاوضہ لینے والے اداکاروں کی صف میں لا کھڑا کیا ہے، تاہم یہ اعزاز صرف وجے کو حاصل ہے کہ اس کی مسلسل سات فلمیں دو ارب روپے سے زیادہ کا بزنس کرچکی ہیں۔
.
ذریعہ: Express News
کلیدی لفظ: ارب روپے سے کروڑ روپے سے زیادہ
پڑھیں:
بالی ووڈ کی ’منحوس ہیروئن‘ جسے 13 فلموں سے باہر ہونا پڑا؟
بالی ووڈ کی نامور اداکارہ ودیا بالن جنہوں نے متعدد ہٹ فلمیں دیں ان کا کہنا ہے کہ کیرئیر کے شروع میں انہیں اتنا بدصورت محسوس کرایا گیا کہ وہ خود کو آئینے میں دیکھ نہیں پاتیں تھیں۔
ودیا بالن نے اداکاری کا آغاز ٹی وی شو ’ہم پانچ‘ سے کیا جب وہ ایک نوعمر لڑکی تھیں۔ لیکن فلمی کرداروں کو حاصل کرنا ان کے لیے اتنا آسان نہیں تھا۔ ودیا کو شروع میں 13 فلموں سے نکال دیا گیا، اور ایک پروڈیوسر نے ان سے اتنی بری طرح سلوک کیا کہ ان کا خود پر سے اعتماد اٹھ گیا۔ ایک انٹرویو میں ودیا نے کہا، ’انہوں نے مجھے اتنا بدصورت محسوس کروایا کہ 6 ماہ تک میں خود کو آئینے میں دیکھ نہیں سکی‘۔
سالوں بعد جب وہ کامیاب ہو گئیں تو وہی لوگ جو کبھی انہیں مسترد کر چکے تھے، ان کے ساتھ کام کرنے کی کوشش کرنے لگے۔ لیکن ودیا نے ان کے ساتھ کام کرنے سے انکار کر دیا۔ انہوں نے یہ ثابت کر دیا کہ صبر کے ساتھ کامیابی آئے گی چاہے سفر آہستہ اور مشکل ہو۔
ودیا بالن نے ایک انٹرویو میں اپنے ابتدائی دنوں کے بارے میں بات کرتے ہوئے کہا کہ ایک فلم کے منسوخ ہونے کے بعد پروڈیوسر نے انہیں ’منحوس‘ (بدقسمت) کہہ دیا۔ اس بات نے انہیں گہرے طور پر تکلیف پہنچائی اور ان کا اعتماد متاثر کیا۔
حتیٰ کہ جب وہ ’پرینیتا‘ جیسی فلموں سے مشہور ہو گئیں اور کئی ہٹس دیں، تب بھی لوگوں نے ان پر تنقید کرنا نہیں چھوڑا۔ انہیں اکثر ان کے وزن اور لباس کے لیے مذاق بنایا جاتا۔ کچھ لوگوں نے تو انہیں ’سب سے بری طرح سے کپڑے پہننے والی اداکارہ‘ بھی کہا۔ لیکن ان تمام مشکلات کے باوجود ودیا نے اپنے کام پر فوکس رکھا اور اپنی صلاحیت کو بار بار ثابت کیا۔
یہ بھی پڑھیں: ’دی ڈرٹی پکچر‘ کے بعدبینکوں نے مجھے برانڈ ایمبیسیڈر کے طور پر مسترد کر دیا تھا، ودیا بالن کا انکشاف
2010 کے بعد ودیا بالن کے کیریئر نے ایک مضبوط موڑ لیا۔ انہوں نے ’کہانی‘ اور ’نو ون کلڈ جیسیکا‘ جیسی فلموں میں شاندار پرفارمنس دیں، لیکن وہ فلم ’دی ڈرٹی پکچر‘ تھی جس نے ان کی زندگی بدل دی۔ یہ فلم جو سلک اسمتھا کی زندگی پر مبنی تھی، ایک بڑا ہٹ ثابت ہوئی اور بالی ووڈ کی پہلی خاتون مرکزیت والی فلم بن گئی جس نے 100 کروڑ روپے کا بزنس کیا۔ اس کامیابی نے لوگوں کو ان کی ’خاتون ہیرو‘ کے طور پر تعریف کرنے پر مجبور کر دیا۔
اس بارے میں بات کرتے ہوئے ودیا نے ایک بار کہا تھا کہ ’دی ڈرٹی پکچر‘ نے نہ صرف ان کی زندگی بدل دی، بلکہ اس نے بالی ووڈ میں ہیروئنز کے بارے میں لوگوں کا نظریہ بھی تبدیل کر دیا۔
یہ بھی پڑھیں: نامور بالی ووڈ اداکارہ ودیا بالن اب بھی کرائے کے مکان میں کیوں رہتی ہیں؟
یاد رہے کہ ودیا بالن نے اپنے بالی ووڈ کیریئر کا آغاز 2005 میں بالی ووڈ اسٹار سنجے دت کے ساتھ فلم پرینیتا سے کیا تھا، جس میں سیف علی خان بھی شامل تھے۔
اس کے بعد وہ لگے رہو منا بھائی (2006)، بھول بھلیاں (2007)، ڈرٹی پکچر (2011) سمیت کئی ہٹ فلموں میں کام کرچکی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دی ڈرٹی پکچر ودیا بالن
پی ٹی آئی سوشل میڈیا ایکٹوسٹ ایک روز کے جسمانی ریمانڈ پر پولیس کے حوالے