امریکہ اور یورپ میں بڑھتا عدم اعتماد
اشاعت کی تاریخ: 2nd, March 2025 GMT
اسلام ٹائمز: یوکرینی صدر کو وائٹ ہاوس سے نکال باہر کر دیے جانے کے بعد تقریباً تمام یورپی ممالک نے اس کی حمایت کا اعلان کیا ہے۔ فرانس کے علاوہ پولینڈ کے وزیراعظم ڈونلڈ ٹاسک نے بھی زیلنسکی کے نام اپنے پیغام میں کہا ہے: "عزیز یوکرینی دوستو آپ اکیلے نہیں ہو۔" سویڈن کے وزیراعظم نے اپنے پیغام میں کہا: "آپ نہ صرف اپنی آزادی بلکہ پورے یورپ کے لیے جنگ کر رہے ہو۔" اسی طرح جمہوریہ چیک، اسپین اور لتھوانیا نے بھی ملے جلے پیغامات یوکرین کو بھیجے ہیں۔ جارجیا میلونی، اٹلی میں دائیں بازو کی رہنما جو ٹرمپ کی قریبی اتحادی تصور کی جاتی ہے نے یورپی رہنماوں سے کہا ہے کہ وہ امریکہ سے اختلافات مزید شدید ہونے سے روکیں۔ انہوں نے کہا کہ روم عنقریب امریکہ اور یورپی یونین کا مشترکہ اجلاس منعقد کرے گا تاکہ سفارتکاری اپنے درست راستے پر واپس آ جائے۔ تحریر: علی احمدی
جمعہ کے دن ڈونلڈ ٹرمپ اور جی ڈی وینس کی مدد سے امریکہ کی جنرل ڈپلومیسی کا بت صحافیوں کے سامنے ٹوٹ کر چکناچور ہو گیا۔ یوکرین کے صدر ولادیمیر زیلنسکی، جو امریکہ کی سربراہی میں مغربی طاقتوں کی مدد سے روس کے خلاف جنگ جاری رکھے ہوئے ہیں، نے جمعہ کے دن امریکہ کا دورہ کیا۔ ان کے دورے کا مقصد روس کے خلاف حمایت کے عوض امریکہ کو اپنے معدنیات کے ذخائر دینے پر مشتمل معاہدے پر دستخط کرنا تھا۔ امریکہ کے 47 ویں صدر ڈونلڈ ٹرمپ نے وائٹ ہاوس کے دروازے سے ہی یوکرینی صدر ولادیمیر زیلنسکی کو آڑے ہاتھوں لیا اور ان کی بے عزتی کرنا شروع کر دی۔ جیسے جیسے ملاقات آگے بڑھتی گئی ڈونلڈ ٹرمپ اور اس کے نائب جی ڈی وینس کی طعنہ آمیز گفتگو میں شدت آتی گئی اور انہوں نے زیلنسکی پر جنگ بندی کی مخالفت کرنے کا الزام عائد کیا۔
مغربی ذرائع ابلاغ کے بقول یوکرین کا سفارتی وفد سمجھتا ہے کہ امریکی صدر ڈونلڈ ٹرمپ نے زیلنسکی سے تلخ کلامی کے ذریعے امریکی ذرائع ابلاغ اور عوام کے سامنے اس کی بے عزتی کرنے کا منصوبہ پہلے سے تیار کر رکھا تھا۔ ٹرمپ کے نائب جی ڈی وینس نے بھی زیلنسکی کے خلاف سخت باتیں کیں اور بعض مبصرین کی نظر میں ملاقات میں تناو پیدا ہونے کی اصل وجہ ہی امریکہ کا نائب صدر جی ڈی وینس تھا۔ اخبار فارن پالیسی نے اپنی رپورٹ میں دعوی کیا ہے کہ امریکی صدر ڈونلڈ ٹرمپ نے 2015ء سے ہی میڈیا کے سامنے توجہ حاصل کرنے کی کوشش کی ہے۔ اس کی حکمت عملی وسیع پیمانے پر دھچکہ پہنچانا ہے اور کیمروں کے سامنے آزاد گفتگو اس بات کی واضح دلیل ہے کہ ڈونلڈ ٹرمپ بین الاقوامی رہنماوں پر اپنا رعب جمانے کا ڈرامہ رچانے کی کوشش کرتا ہے۔
دوسری طرف یورپی سربراہان اور رہنماوں نے یوکرینی صدر ولادیمیر زیلنسکی کی حمایت کا اظہار کرنا شروع کر دیا ہے۔ یورپی رہنما اس وقت خود کو قیادت سے محروم تصور کر رہے ہیں۔ یورپ کے سب سے بڑے اسلحہ کے ذخائر رکھنے والا ملک فرانس ہے جس کے صدر ایمانوئیل میکرون نے صحافیوں سے خطاب کرتے ہوئے کہا: "ہم سب نے تین سال پہلے یوکرین کی مدد اور روس پر پابندیاں عائد کر کے درست اقدام انجام دیا ہے اور ہمیں اس کام کو جاری رکھنا چاہیے۔" امریکی صدر ڈونلڈ ٹرمپ کی جانب سے اپنے یورپی اتحادیوں کے خلاف مسلسل بیان بازی اور اقدامات سے یوں محسوس ہوتا ہے گویا امریکہ اور یورپ کے درمیان تعلقات کا نیا باب شروع ہونے والا ہے جس میں اداروں کی حکمرانی، آزاد تجارت اور چند طرفہ پالیسیوں کی جگہ طاقتور افراد، نیشنلزم اور اقتصادی مرچنٹلزم لے لے گا اور یوں ہمیشگی اتحادوں کا تصور ختم ہو جائے گا۔
1956ء میں جب اس وقت کے امریکی صدر آئزنہاور نے برطانیہ اور فرانس کو سویز کینال پر کنٹرول واپس لینے کے لیے فوجی طاقت کے استعمال سے روک دیا تھا تب سے ہی فرانس اور امریکہ میں بے اعتمادی کی فضا پیدا ہونا شروع ہو گئی تھی۔ اگرچہ آئزنہاور نے 1944ء میں جرمن نازیوں کے تسلط سے فرانس کو آزادی دلوانے میں اہم کردار ادا کیا تھا لیکن سویز کینال والے بحران میں امریکہ نے اقوام متحدہ کے ذریعے جنگ بندی کی کوشش کی۔ امریکہ کا یہ اقدام فرانس کی نظر میں غداری اور بے عزتی قرار پایا۔ تقریبا ستر برس بعد فرانس فوجی شعبے میں یورپ کا امریکہ پر انحصار کم کرنے کی ناکام کوشش میں مصروف ہے۔ امریکہ کی فوجی مدد نے ہی دوسری عالمی جنگ کے بعد سے اب تک براعظم یورپ کی سلامتی کو یقینی بنایا ہوا ہے۔
جب ڈونلڈ ٹرمپ صدر بنا تو اس نے وعدہ کیا کہ وہ دوبارہ امریکہ کی شان و شوکت زندہ کر دے گا اور امریکہ اس کی پہلی ترجیح ہے۔ یہ نعرے پاپولسٹک، نیشنلسٹ اور اینٹی گلوبلائزیشن ہیں۔ یہ نعرے اس وقت سامنے آئے جب عالمی سطح پر امریکہ کی سربراہی میں لبرل عالمی نظام تشکیل پا رہا تھا۔ جب 2020ء میں ٹرمپ کو جو بائیڈن سے شکست ہوئی تو ایسا دکھائی دے رہا تھا کہ امریکہ گذشتہ صورتحال میں واپس لوٹ گیا ہے۔ جو بائیڈن کی سربراہی میں امریکہ سرد جنگ کے بعد والے موقف کی جانب واپس جا رہا تھا اور لبرل نظام مضبوط بنانے اور پاپولسٹک رجحانات کنٹرول کرنے کی کوشش میں مصروف تھا۔ لیکن اب ٹرمپ کے دوبارہ صدر بن جانے کے بعد یوں دکھائی دے رہا ہے کہ ٹرمپ نہیں بلکہ جو بائیڈن غلط راستے پر گامزن تھا۔ ٹرمپ اور اس کی ٹیم خود کو طاقتور افراد کے طور پر پیش کرتے ہیں اور بین الاقوامی قوانین کو بالکل اہمیت نہیں دیتے۔
یوکرینی صدر کو وائٹ ہاوس سے نکال باہر کر دیے جانے کے بعد تقریباً تمام یورپی ممالک نے اس کی حمایت کا اعلان کیا ہے۔ فرانس کے علاوہ پولینڈ کے وزیراعظم ڈونلڈ ٹاسک نے بھی زیلنسکی کے نام اپنے پیغام میں کہا ہے: "عزیز یوکرینی دوستو آپ اکیلے نہیں ہو۔" سویڈن کے وزیراعظم نے اپنے پیغام میں کہا: "آپ نہ صرف اپنی آزادی بلکہ پورے یورپ کے لیے جنگ کر رہے ہو۔" اسی طرح جمہوریہ چیک، اسپین اور لتھوانیا نے بھی ملے جلے پیغامات یوکرین کو بھیجے ہیں۔ جارجیا میلونی، اٹلی میں دائیں بازو کی رہنما جو ٹرمپ کی قریبی اتحادی تصور کی جاتی ہے نے یورپی رہنماوں سے کہا ہے کہ وہ امریکہ سے اختلافات مزید شدید ہونے سے روکیں۔ انہوں نے کہا کہ روم عنقریب امریکہ اور یورپی یونین کا مشترکہ اجلاس منعقد کرے گا تاکہ سفارتکاری اپنے درست راستے پر واپس آ جائے۔
ذریعہ: Islam Times
کلیدی لفظ: اپنے پیغام میں کہا امریکہ اور یورپ صدر ڈونلڈ ٹرمپ کے وزیراعظم یوکرینی صدر امریکی صدر جی ڈی وینس امریکہ کی کے سامنے یورپ کے کے خلاف کی کوشش کہا ہے نے بھی کے بعد
پڑھیں:
یوکرین جنگ: امن مذاکرات میں امریکہ بھی شامل ہو گا، زیلنسکی
اسلام آباد (اُردو پوائنٹ ۔ DW اردو۔ 03 مارچ 2025ء) یوکرین کے صدر وولودیمیر زیلنسکی نے کہا کہ ان کے ملک میں امن معاہدے کے حصول کی کوششیں ایک متحدہ محاذ کے ساتھ ہوں گی جس میں یورپ اور امریکہ شامل ہیں۔
یوکرینی رہنما ویک اینڈ پر غیر معمولی سیاسی سرگرمیوں میں پر مصروف رہے۔ سب سے پہلے تو وہ امریکہ اور یوکرین کے تعلقات کو منقطع کرتے نظر آئے، لیکن اس کے بعد لندن میں بات چیت ہوئی جہاں برطانوی وزیر اعظم کیئر اسٹارمر اور یورپی رہنماؤں نے ان کا پرتپاک استقبال کیا۔
لندن سمٹ: یوکرین، برطانیہ اور فرانس مل کر سیزفائر پلان تیار کرنے پر متفق
لندن میں بات چیت کے اختتام پر، زیلنسکی نے کہا کہ وہ امریکہ کے ساتھ معدنیات کے معاہدے پر دستخط کرنے کے لیے تیار ہیں، لیکن انہوں نے اپنے اس موقف کا بھی اعادہ کیا کہ وہ امن معاہدے کے تحت روس کو کوئی علاقہ نہیں دیں گے۔
(جاری ہے)
کیر اسٹارمر کے مطابق، یورپی رہنما یوکرین میں لڑائی ختم کرنے کے لیے ایک منصوبہ تیار کرنے والے ہیں۔
اس کے بعد یہ منصوبہ امریکی صدر کو پیش کیا جائے گا۔ لندن اجلاس میں کیا ہوا؟واشنگٹن اور اس کے روایتی مغربی اتحادیوں کے درمیان خلیج پیدا ہونے کے درمیان درجنوں یورپی رہنماؤں نے یوکرین کے صدر وولودیمیر زیلنسکی سے لندن میں ملاقات کی۔
ٹرمپ اور زیلنسکی میں گرما گرمی، کس نے کس کو کیا کہا؟
یورپی رہنماؤں نے روسی افواج کے خلاف جنگ میں یوکرین کا ساتھ دینے کے اپنے عہد کا اعادہ کیا۔
برطانوی وزیر اعظم کیئر اسٹارمر نے کہا کہ یوکرین کی سلامتی "یہاں کی ہر قوم اور بہت سے دوسرے لوگوں کی سلامتی کے لیے اہم ہے۔"یوروپی کمیشن کی صدر ارزولا فان ڈیر لائن نے یورپی دفاع میں "بڑے پیمانے پر اضافے" کی ضرورت کی بات کہی۔ وہ اس ہفتے کے آخر میں یورپ کو "دوبارہ مسلح" کرنے کا منصوبہ پیش کرنے والی ہیں۔
اسٹارمر نے یوکرین کو ہزاروں جدید فضائی دفاعی میزائلوں کی فراہمی کے لیے 2 بلین ڈالر کے نئے معاہدے کا بھی اعلان کیا۔
لندن میٹنگ میں موجود کئی ممالک نے برطانیہ اور فرانس کی حمایت یافتہ امن فوج کے اتحاد میں شامل ہونے میں دلچسپی ظاہر کی۔
روس کی جانب سے مستقبل میں کسی بھی ممکنہ جارحیت کے خلاف حفاظتی ضمانت کے طور پر ایک امن معاہدہ طے پانے کے بعد اتحاد یوکرین میں فوج بھیجے گا۔
اتوار کے روز لندن سمٹ امریکہ میں وائٹ ہاؤس کے اوول آفس میں ہونے والی اس ملاقات کے صرف دو روز بعد منعقد ہوئی، جس میں یوکرینی صدر زیلنسکی صدر ٹرمپ کے مہمان تھے، مگر اس دوران ہونے والی گرما گرم بحث میں امریکی صدر نے یوکرینی ہم منصب پر شدید تنقید کی تھی اور کہا تھا کہ زیلنسکی امریکہ کی طرف سے روسی یوکرینی جنگ میں کییف کی اب تک کی جانے والی مدد پر واشنگٹن کے کافی حد تک شکر گزار نہیں تھے۔
ج ا ⁄ ص ز (اے پی، اے ایف پی، روئٹرز، ڈی پی اے)
کیا کورٹ مارشل عدالتی کاررروائی نہیں ہوتا؟جسٹس جمال مندوخیل کا استفسار