ویرات کوہلی نے چیمپیئنز ٹرافی سیمی فائنل سے قبل میچ میں ایک اور عالمی ریکارڈ بنالیا
اشاعت کی تاریخ: 2nd, March 2025 GMT
DUBAI:
بھارت کے مایہ ناز بلے باز ویرات کوہلی نے چمپیئنز ٹرافی 2025 کے سیمی فائنل سے قبل گروپ مرحلے کے آخری میچ میں نیوزی لینڈ کے خلاف میچ میں ایک اور عالمی ریکارڈ اپنے نام کرلیا۔
ویرات کوہلی نے دبئی میں کھیلے گئے چمپیئنز ٹرافی کے 12 ویں میچ میں صرف 11 رنز کی اننگز کھیلی اور گلین فلپس کے ایک شان دار کیچ بن کر آؤٹ ہوگئے تاہم انہوں نے ایک روزہ کرکٹ میں 300 میچز کھیلنے کا اعزاز بھی حاصل کرلیا۔
مایہ ناز بلے باز ایک روزہ کرکٹ کی تاریخ میں 300 میچز کھیلنے والے 18 کھلاڑی بن گئے ہیں تاہم ویرات کوہلی نے ون ڈے کے ساتھ ساتھ ٹیسٹ اور ٹی20 کرکٹ میں بھی 100 سے زائد میچز کھیلے ہیں۔
ویرات کوہلی 300 ون ڈے میچوں کے ساتھ دیگر دو طرز ٹیسٹ اور ٹی20 میں بھی 100 یا اس سے زائد انٹرنیشنل میچز کھیلنے والے دنیا کے پہلے کھلاڑی بن گئے ہیں۔
بھارتی بلے باز نے اپنے کیریئر کا 200 واں میچ بھی نیوزی لینڈ کے خلاف کھیلا تھا اور اب 300 واں میچ بھی کیویز کے خلاف کھیل کر منفرد ریکارڈ اپنے نام کیا۔
ویرات کوہلی 300 ون ڈے کھیلنے والے 7ویں بھارتی اور دنیا کے 18 ویں کھلاڑی بن گئے ہیں تاہم ان 18 کھلاڑیوں میں سے کسی نے بھی ٹیسٹ اور ٹی20 کے 100 میچز نہیں کھیلے۔
نیوزی لینڈ کے خلاف اس میچ سے قبل ویرات کوہلی نے ون ڈے اپنے 14 ہزار رنز مکمل کیے تھے جو تیز ترین 14 ہزار انفرادی رنز کا بھی ریکارڈ تھا، انہوں نے 300 میچوں میں 58.
ویرات کوہلی اس سے قبل تیز ترین 14 ہزار ایک روزہ رنز کے علاوہ 175 اننگز میں تیز ترین 8 ہزار رنز، 194 اننگز میں تیز ترین 9 ہزار رنز، 205 اننگز میں تیز ترین 10 ہزار رنز، 222 اننگز میں تیز تراین 11 ہزار رنز، 242 اننگز میں تیز تراین 12 ہزار رنز، 287 اننگز میں 13 ہزار رنز اور 299 ایک روزہ میچز میں تیز ترین 14 ہزار رنز بنانے کا ریکارڈ قائم کرچکے ہیں۔
ریکارڈ بنانے والے کوہلی نے چمپیئنز ٹرافی کے ہی ایک میچ میں روایتی حریف پاکستان کے خلاف شان دار سنچری بنا کر اپنی ٹیم کو باآسانی کامیابی دلائی تھی اور یہ ان کے ایک روزہ کیریئر کی 51 ویں سنچری تھی۔
ذریعہ: Express News
کلیدی لفظ: ویرات کوہلی نے اننگز میں تیز میں تیز ترین ایک روزہ کے خلاف میچ میں
پڑھیں:
اسپنر ابرار احمد کی انسٹاگرام پوسٹ وائرل، ویرات کوہلی سے متعلق کیا کہا؟
پاکستانی اسپنر ابرار احمد نے دبئی میں ہندوستان اور پاکستان کے درمیان چیمپیئنز ٹرافی 2025 کے میچ کے دوران سابق بھارتی کپتان ویرات کوہلی کا سامنا کرنے کے بعد ایک جذباتی سوشل میڈیا پوسٹ میں مایہ ناز بلے باز کے لیے اپنے دلی جذبات کا اظہار کیا ہے۔
انسٹاگرام پر اپنی حالیہ پوسٹ میں بھارت بمقابلہ پاکستان چیمپئنز ٹرافی 2025 میچ کے ایک وائرل لمحے کی تصویر شیئر کرتے ہوئے، 26 سالہ پاکستانی بولر نے ویرات کوہلی کو اپنا ’بچپن کا ہیرو‘ قرار دیتے ہوئے اسٹار کرکٹر کی شائستہ شخصیت کی تعریف کی۔
یہ بھی پڑھیں:ابرار احمد چیمپیئنز ٹرافی میں پہلی وکٹ لینے والے پہلے پاکستانی بولر بن گئے
’اپنے بچپن کے ہیرو ویرات کوہلی کو بولنگ کرنا، ان کی جانب سے سراہے جانے پر شکرگزار ہوں، ایک کرکٹر کے طور پر ان کی عظمت بطور انسان ان کی عاجزی سے ہم آہنگ ہے، میدان کے اندر اور باہر ایک حقیقی مثال۔‘
بھارتی سپر اسٹار ویرات کوہلی کی دنیا بھر میں مداحوں کی تعداد بہت زیادہ ہے، پاکستان کے خلاف حال ہی میں دبئی میں کھیلے گئے چیمپئنز ٹرافی 2025 کے ابتدائی میچ میں ویرات کوہلی نے شاندار سنچری بنا کر بھارت کو 6 وکٹوں سے فتح سے ہمکنار کرنے میں مدد فراہم کی تھی۔
مزید پڑھیں: چیمپیئنز ٹرافی: نیوزی لینڈ نے افتتاحی میچ میں پاکستان کو شکست دے دی
مذکورہ روایتی حریفوں کے مابین اس میچ کے دوران، ابرار احمد اور ویرات کوہلی دونوں نے اس مصافحہ کیا جب اسپن بولر نے اپنا 10 اوورز میں 28 رنز کے عوض ایک وکٹ حاصل کرتے ہوئے اپنا اسپیل مکمل کیا تھا۔
اس میچ میں پاکستانی اسپنر ابرار احمد نے اچھی فارم میں کارکردگی کا مظاہرہ کرنے والی بھارتی بلے باز شبمن گل کو ایک زبردست گیند پر کلین بولڈ کرکے سب کو حیران کردیا تھا، تاہم اس موقع پر انہوں نے شبمن گل کو باہر جانے کا جس طرح اشارہ کیا، اس پر بھی بڑی تنقید ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابرار احمد اسپنر بچپن ہیرو ویرات کوہلی
کیا کورٹ مارشل عدالتی کاررروائی نہیں ہوتا؟جسٹس جمال مندوخیل کا استفسار