رمضان کی آمد پر وسیم بادامی نے عامر لیاقت کی قبر پر حاضری دیتے ہوئے یادیں تازہ کرا دیں
اشاعت کی تاریخ: 2nd, March 2025 GMT
پاکستان کے معروف اینکر وسیم بادامی نے رمضان المبارک کے آغاز پر مرحوم ڈاکٹر عامر لیاقت حسین کی قبر پر حاضری دی اور ان کے لیے فاتحہ خوانی کی۔
وسیم بادامی نے اس موقع پر ایک خصوصی ویڈیو پیغام جاری کیا جس میں انہوں نے ڈاکٹر عامر لیاقت کی رمضان نشریات میں خدمات کو سراہا اور ناظرین سے درخواست کی کہ وہ اس مقدس مہینے میں مرحوم اینکر کو اپنی دعاؤں میں یاد رکھیں۔
View this post on InstagramA post shared by Wasim Badami (@waseembadami_official)
ڈاکٹر عامر لیاقت حسین نے پاکستانی ٹیلی ویژن پر رمضان ٹرانسمیشن کی بنیاد رکھی اور سحر و افطار کے پروگرامز کی میزبانی کے ذریعے نیکی اور مدد کرنے کی ترغیب دی۔
ان کی ترتیب دی گئی نشریات میں علما کرام سے دینی و دنیاوی معاملات پر رہنمائی، کوکنگ، کوئز شوز اور انٹرٹینمنٹ کا عنصر شامل ہوتا تھا جس نے انہیں ناظرین میں بے پناہ مقبولیت بخشی۔
وسیم بادامی نے ویڈیو میں معروف کامیڈین عمر شریف کی قبر بھی دکھائی اور کہا: "زمین کھا گئی آسمان کیسے کیسے"۔ انہوں نے دونوں مرحومین اور سب کے لیے گناہوں کی بخشش کی دعا بھی کی۔
.ذریعہ: Express News
کلیدی لفظ: عامر لیاقت
پڑھیں:
رونالڈو کی ناسا ڈائٹ وسیم اکرم کا رمیز پر طنز
قومی ٹیم کے سابق کپتان اور سوئنگ کے سلطان وسیم اکرم نے مشتاق احمد کے بعد سابق کرکٹر و چیئرمین پی سی بی رمیز راجا کو بھی نہ بخشا۔
آئی سی سی چیمپئینز ٹرافی میں قومی کی ٹیم ناقص کارکردگی اور گروپ راؤنڈ سے باہر ہونے پر وسیم اکرم کا غصہ کم نہ ہوا، انہوں نے دو روز قبل کھلاڑیوں کے کیلے کھانے پر انہیں تقید کا نشانہ بنایا تھا۔
انکا کہنا تھا کہ اگر یہاں عمران خان میرے کپتان ہوتے تو مجھے مارتے۔
مزید پڑھیں: ٹیم میں 5 سے 6 تبدیلیاں؛ شاہد آفریدی نے وسیم اکرم کو آڑے ہاتھوں لے لیا
گزشتہ روز سابق کپتان کے پروگرام کی ویڈیو وائرل ہورہی ہے جس میں دیکھا جاسکتا ہے کہ وسیم اکرم پینل میں موجود دیگر کھلاڑیوں کیساتھ گفتگو کررہے ہیں، جس میں وقار یونس کے علاوہ بھارتی کرکٹر اجے جڈیجا بھی موجود تھے۔
وسیم اکرم نے سابق چیئرمین و کرکٹر رمیز راجا کے ایک بیان پر انہیں طنز کیا جس میں انہوں نے کہا تھا کہ پرتگال کے اسٹار فٹبالر کرسٹیانو رونالڈ کی کا ڈائٹ پلان نیشنل ایروناٹکس اینڈ اسپیس ایڈمنسٹریشن (ناسا) کے سائنسدانوں نے تیار کیا ہے۔
مزید پڑھیں: ’’رونالڈو کا ڈائٹ پلان ناسا کے سائنسدانوں نے تیار کیا ہے‘‘
رمیز راجا کے تبصرے پر انہیں دنیا بھر میں تنقید کا نشانہ بنایا گیا تھا تاہم اب شو میں وسیم اکرم نے اپنے ساتھی کرکٹر کا مذاق بنایا جس پر مداح شدید ناراض ہیں۔
سوئنگ کے سلطان وسیم اکرم نے شو کے دوران کہا کہ سنا ہے کہ ناسا کرسٹیانو رونالڈو کی خوراک بناتا ہے، (بعدازاں انہوں نے وقار یونس کی طرف اشارہ کیا) اور کہا وقار جانتا ہے، پھر دونوں ہنس پڑے۔
مزید پڑھیں: بابراعظم، شاہین سمیت کئی کھلاڑیوں کا مستقبل خطرے میں پڑگیا
سابق کرکٹر نے پروگرام میں پاکستانی ٹیم پر تنقید کرتے ہوئے الزام لگایا کہ وہ ایسے وقت میں 'قدیم کرکٹ' کھیل رہی ہے جہاں کھیل کی رفتار کئی گنا بڑھ گئی ہے۔
مزید پڑھیں: "اتنے کیلے بندر بھی نہیں کھاتے" وسیم اکرم کا پاکستانی کرکٹرز پر طنز
وسیم اکرم نے پاکستانی بولرز کے کچھ اعدادوشمار کے حوالے سے بتایا کہ ہمارے بالرز 60 کی اوسط سے 24 وکٹیں حاصل کرنے میں کامیاب ہوئے ہیں (یعنی 60 رنز پر ایک وکٹ)۔
انہوں نے کہا کہ ہماری بالنگ اوسط 14 ٹیمیں جو ون ڈے کھیل رہی ہیں ان میں 12ویں نمبر ہے یعنی عمان اور امریکا سے بھی زیادہ خراب ہے۔
یوکرین کے صدر نے امریکا کو اچانک آنکھیں دکھانا شروع کردیں