خالد مقبول صدیقی کو مصطفیٰ کمال کی کابینہ میں شمولیت کا پتا بعد میں چلا
اشاعت کی تاریخ: 2nd, March 2025 GMT
متحدہ قومی موومنٹ ( ایم کیو ایم) پاکستان کے چیئرمین ڈاکٹر خالد مقبول صدیقی کو مصطفیٰ کمال کی وفاقی کابینہ میں شمولیت کا پتا بعد میں چلا۔
جیو نیوز سے گفتگو کرتے ہوئے سربراہ ایم کیو ایم خالد مقبول صدیقی نے تصدیق کی کہ انہیں اس بارے میں پیشگی نہیں بتایا گیا تھا۔
خالد مقبول صدیقی نے مصطفیٰ کمال سے اختلافات کی خبروں کو مسترد کرتے ہوئے کہا کہ مصطفیٰ کمال سے کوئی لڑائی نہیں۔
انہوں نے کہا کہ یہ بات بھی درست نہیں کہ انہیں اور مصطفیٰ کمال کو گورنر سندھ ایک ساتھ بٹھاتے ہیں۔
خالد مقبول صدیقی نے مزید کہا کہ ایم کیو ایم لندن نہ قانونی اور نہ تنظیمی طور پر کوئی وجود رکھتی ہے۔ اداروں کی ذمہ داری ہے کہ وہ ایم کیو ایم لندن کے ذریعے بیرونی مداخلت کی کوشش کو روکیں۔
سربراہ ایم کیو ایم نے کہا کہ الطاف حسین کو چاہیے کہ وہ بلوچستان پر کتاب لکھنے کے بجائے کراچی کا مقدمہ لکھیں۔ الطاف حسین بلوچستان پر کتاب لکھ کر ملک دشمنوں کا مقصد پورا کریں گے۔
.ذریعہ: Jang News
کلیدی لفظ: خالد مقبول صدیقی ایم کیو ایم کہا کہ
پڑھیں:
کیماڑی کی مقبول ڈش ‘ابلے ہوئے انڈہ املیٹ’، خاص بات کیا ہے؟
کراچی:کراچی میں بہت سے کھانے مشہور ہیں، سردی اور گرمی میں کھانے کی ڈشز الگ الگ ہوتی ہیں لیکن شہر قائد میں ایک ایسی کھانے کی ڈش ہے جو ابلے ہوئے انڈوں کے ساتھ املیٹ کی شکل میں تیار ہوتی ہے، یہ عباس انڈا والا المعروف کچھی انڈا املیٹ کے نام سے مشہور ہے، 120 روپے ابلے انڈا املیٹ اور نرم ذبل روٹی کے ساتھ لوگ ذائقہ کے ساتھ سستا ہونے کی وجہ سے رات کے کھانے کے طور پر کھاتے ہیں۔
ایکسپریس کو کیماڑی کچھی پاڑا میں انڈا املیٹ بنانے والے محمد بلال عباس نے بتایا کہ یہ ابلے ہوئے انڈوں کا املیٹ کچھی انڈا املیٹ کے نام سے مشہور ہے اور میرے والد نے 1987 میں کیماڑی کے علاقہ کچھی پاڑامیں انڈا املیٹ بنانے کا آغاز کیا تھا، یہ انڈا املیٹ بنانے کا منفرد طریقہ ہے۔
انہوں نے کہا کہ 38 برس بعد والد جس ترکیب سے انڈا املیٹ بنارہے ہیں، ان کی ترکیب کی کوئی نقل نہیں کرسکا، یہ ہنر انہوں نے ہمیں منتقل کیا لیکن اس انڈا املیٹ میں جو منفرد مصالحہ ڈالتے ہیں وہ میرے والد بناتے ہیں، اب اس انڈا املیٹ میں کیا جادو ہے کہ لوگ اتنے شوق سے یہ کھاتے ہیں یہ خدا بہتر جانتا ہے یہ رب کا ہم پر اس کا کرم ہے۔
بلال عباس نے بتایا کہ انڈا املیٹ کی کئی اقسام ہیں، ایک سادہ انڈا املیٹ ہے، سب سے مقبول ابلے ہوئے انڈے کے ساتھ انڈا املیٹ فرائی ہے، سب سے منفرد انڈا گٹالہ ہے، سادہ انڈا املیٹ 60 روپے اور ابلے ہوئے انڈوں کے ساتھ انڈا املیٹ بمعہ ڈبل روٹی 120 روپے اور انڈا گٹالہ 250 روپے بمعہ ڈبل روٹی ہے۔
انہوں نے بتایا کہ انڈے پہلے ابالے جاتے ہیں، پھر چھیل کر پہلے دو انڈے کو توڑ کر اس میں پیاز، مرچ، ٹماٹر اور مصالحوں کے ساتھ مکس کرلیا جاتا ہے پھر اس کو پھینٹ لیا جاتا ہے جس کے بعد فرائی پین میں اس کو تیل میں تلا جاتا ہے، پھر اس میں ابلے انڈے ڈال کر انڈہ املیٹ تیار کیا جاتا ہے اور اس میں خصوصی مصالحہ ڈالا جاتا ہے، یہ ابلے انڈے املیٹ تیار ہوجاتا ہے۔
انڈا املیٹ کھانے والے اپنے شاگردوں اور دوستوں کے گروپ میں موجود مقامی نجی اسکول کے پرنسپل آصف شاہ نے بتایا کہ عباس انڈہ املیٹ والا صرف کیماڑی میں نہیں پورے شہر میں مشہور ہے، یہ 38 سال سے کچھی پاڑا میں انڈا املیٹ فروخت کر رہے ہیں، آج جو بچے یہاں انڈا املیٹ کھانے آتے ہیں بچپن اور نوجوانی میں ان کے والد کھاتے تھے اب بھی کھا رہے ہیں، یہ ہر موسم میں ابلے انڈوں کا املیٹ کھایا جاتا ہے۔
انہوں نے کہا کہ اس کی خصوصیت ہے کہ اس اسپیشل بوائل انڈہ املیٹ کی کوئی نقل نہیں کرسکا، انہوں نے بتایا کہ یہ انڈا املیٹ 365 دستیاب ہوتا ہے، یہ شام 5 بجے رات 2 بجے تک فروخت ہوتا ہے۔
ان کا کہنا تھا کہ لوڈشیڈنگ اور تفریح کے مواقع نہ ہونے اور دیگر مسائل کی وجہ سے علاقہ مکین شدید مشکلات میں مبتلا ہیں، اس لیے رات میں لوگ اس انڈے املیٹ کی دکان پر جمع ہوجاتے ہیں اور کھانے کے ساتھ گپ شپ ہوجاتی ہے کچھ ذہنی سکون مل جاتا ہے، یہ انڈا املیٹ کی دکان بیٹھک ہے۔
پشاور، جماعت اسلامی کیجانب سے اسرائیل کیخلاف بھرپور احتجاج