اپوزیشن میں بھی فارم47 والے لوگ بیٹھے ہیں ،مروت کادعویٰ
اشاعت کی تاریخ: 2nd, March 2025 GMT
اسلام آباد:رکن قومی اسمبلی شیرافضل مروت نے دعویٰ کیاہے کہ حکومت بینچوں میں ہی نہیں ،اپوزیشن میں بھی فارم47 والے لوگ بیٹھے ہیں ۔نجی ٹی وی سے گفتگوکرتے ہوئے شیرافضل مروت نے کہاکہ
پی ٹی آئی سمیت اپوزیشن الائنس میں فارم 47 والےلوگ موجود ہیں،ان میں وہ لوگ بھی شامل ہیں جو ہرفارم47پرتقریریں کرتے ہوئے تھکتے نہیں۔
انہوں نے اس حوالے سے کسی کا نام لینے سے گریزکرتے ہوئے کہاکہ جن لوگوں نے حلف دیئے ہوئے ہیں وہ کس چیز کے ہیں، کوئی نیکی ہوئی ہے تو حلف دیئے ہیں۔
ذریعہ: Daily Mumtaz
پڑھیں:
آرمی چیف کی تقریر:وضاحت ہوگئی نومئی پر کوئی رعایت نہیں،عطاء تارڑ
اسلام آباد:وزیراطلاعات عطاء اللہ تارڑنے کہاہے کہ بانی پی ٹی آئی کی جیل میں جتنی ملاقاتیں ہورہی ہیں اتنی کسی اوررہنماکی ملاقاتیں نہیں ہوئیں،میرے نزدیک بانی پی ٹی آئی عمران خان جیل میں نہیں بلکہ چھٹیوں پرہیں۔
نجی ٹی وی سے گفتگو کرتے ہوئے عطاء اللہ تارڑنے کہاکہ بانی پی ٹی آئی کوجیل میں کسی بھی حق سے محروم نہیں کیاجارہا، ان سے جیل میں ہفتے میں چارچارملاقاتیں بھی ہورہی ہیں۔انہوں نے کہاکہ بانی پی ٹی آئی کرپشن کے کیس میں اندرہیں چھٹیوں پر نہیں تاہم میرے نزدیک بانی پی ٹی آئی جیل میں نہیں چھٹیوں پرہیں۔
ایک سوال پر وزیراطلاعات نے کہاکہ پی ٹی آئی میں ایک علیمہ خان گروپ ہے اور ایک بشریٰ بی بی گروپ ہے،سمجھ نہیں آرہی کہ پی ٹی آئی میں کونساگروپ کس کی ملاقاتیں روک رہاہے، حکومت کے پاس اتناوقت نہیں کہ سوچے سمجھے کہ پی ٹی آئی کو کس طرح تقسیم کرناہے،تحریک انصاف آہستہ آہستہ خودہی غیرمتعلق ہورہی ہےاس جماعت کے اندرمتعددگروپس آپس میں لڑرہے ہیں۔
انہوں نے کہاکہ آرمی چیف کی تقریرکے بعدوضاحت ہوگئی ہے کہ نومئی پر کوئی رعایت نہیں۔انہوں نے کہاکہ اوورسیز پاکستانیوں کاخاص مقام ہے وہ پاکستان آکرملاقاتیں کرتے ہیں۔
ٹرانس جینڈرز کمیونٹی کیلئے ٹیکنیکل سکلز ٹریننگ پروگرام شروع، مریم نواز ترکیہ پہنچ گئیں