وزیراعلی پنجاب مریم نواز کا مہنگائی کے سدباب کیلئے موثر کریک ڈائون کا حکم
اشاعت کی تاریخ: 2nd, March 2025 GMT
وزیراعلی پنجاب مریم نواز کا مہنگائی کے سدباب کیلئے موثر کریک ڈائون کا حکم WhatsAppFacebookTwitter 0 2 March, 2025 سب نیوز
لاہور(آئی پی ایس )وزیراعلی پنجاب مریم نواز نے صوبہ بھر میں مہنگائی کے سدباب کیلئے موثر اور جامع کریک ڈاون کا حکم دے دیا۔ وزیراعلی پنجاب مریم نواز کی زیر صدارت خصوصی اجلاس ہوا جس میں تمام کمشنرز اور ڈپٹی کمشنرز ویڈیو لنک کے ذریعے شریک ہوئے، مریم نواز نے تمام کمشنرز اور ڈپٹی کمشنرز کو گراں فروشی کے خلاف موثر مہم چلانے کی ہدایت کی۔
وزیراعلی مریم نواز نے سرکاری ریٹ لسٹ نمایاں طور آویزاں کرنے کا حکم دیا اور ضروری اشیائے خور ونوش کی طلب ورسد کے امور کی کڑی مانیٹرنگ اور ذخیرہ اندوزی روکنے کیلئے کارروائی کی ہدایت کی، وزیراعلی نے چیف سیکرٹری پنجاب کو گراں فروشی اور ذخیرہ اندوزی کے خلاف مہم کی ذاتی نگرانی کا بھی حکم دیا۔مریم نواز نے اشیائے ضروریہ کے نرخوں بارے میں روزانہ کی بنیاد پر جامع رپورٹ پیش کرنے ، اشیائے خورو نوش کے نرخ او رمعیار کو ہر صورت یقینی بنانے اور فوڈ اتھارٹی کو کھانے پینے کی اشیا کا معیار یقینی بنانے کے لیے کریک ڈاون کا حکم دیا، مریم نواز نے ڈپٹی کمشنرز اور اسسٹنٹ کمشنرز کو روٹی اور آٹے کے نرخ پر کڑی نظر رکھنے کی بھی ہدایت کی۔
دوران اجلاس گفتگو کرتے ہوئے وزیراعلی پنجاب مریم نواز کا کہنا تھا کہ رمضا ن المبارک میں پھلوں او رسبزیوں کی فراہمی اور نرخوں کی کڑی مانیٹرنگ کی جائے گی ، پھلوں او رسبزیوں کے نرخ بڑھانے والو ں کے خلاف موثر قانونی کارروائی کی جائے ، رمضان المبارک رحمتوں اور برکتوں کا مہینہ ہے، تاجر برادری غریب عوام کا احساس کرے۔ان کا کہنا تھا کہ پوری دنیا میں رمضان المبارک کے دوران اشیا کے نرخ کم کئے جاتے ہیں، ہمیں بھی رضا کارانہ طورپر نرخ کم کرنے چاہئیں، صوبہ بھر میں سہولت بازاروں میں مارکیٹ سے کم نرخ پر معیاری اشیا کی فراہمی یقینی بنائی جائے، ڈیش بورڈ پر روزانہ بار بار اشیا خورونوش کے نرخ خود چیک کررہی ہوں۔مریم نواز نے مزید کہا کہ رمضان المبارک کے دوران گراں فروشی اور ذخیرہ اندوزی کے معاملے میں بلا امتیاز کارروائی کی جائے ، رمضان المبارک کے دوران گراں فروشی کے خلاف مہم میں کسی سطح پر کوتاہی برداشت نہیں کی جائے گی۔
.ذریعہ: Daily Sub News
کلیدی لفظ: وزیراعلی پنجاب مریم نواز رمضان المبارک مریم نواز نے کی جائے کے خلاف کے نرخ کا حکم
پڑھیں:
رمضان المبارک میں گران فروشوں کے خلاف کریک ڈاؤن ہوگا، وزیراعلیٰ پنجاب معاون خصوصی برائے پرائس اینڈ کنٹرول
وزیراعلیٰ پنجاب مریم نواز کی معاون خصوصی برائے پرائس اینڈ کنٹرول سلمیٰ بٹ نے کہا ہے کہ رمضان المبارک میں صوبے میں گراں فروشوں کے خلاف کریک ڈاؤن ہوگا، مہنگی اشیا فروخت کرنے والی دکانیں سیل جبکہ دکانداروں کے خلاف مقدمات درج کیے جائیں گے۔
وی نیوز کو انٹرویو دیتے ہوئے وزیراعلیٰ پنجاب سلمیٰ بٹ کا کہنا تھا کہ اس دفعہ رمضان المبارک میں نگبان رمضان پیکج کے تحت پنجاب بھر میں 30 لاکھوں لوگوں کو 10 ہزار روپے ان کی دہلیز پر دئے جائیں گے،یہ پیسے پی آڈر بنا کر پوسٹ آفس کے ذریعے لوگوں کو دیے جارہے ہیں.
یہ بھی پڑھیں: وزیراعظم غریب عوام کو رمضان پیکج میں کیا کیا ریلیف دیں گے؟
انہوں نے بتایا کہ ایک لاکھ لوگوں تک 10 ہزار روپے پہنچا دیے گئے ہیں،ہمارا ٹارگٹ ہے کہ روزانہ کی بنیاد پر 4 سے 5 لاکھ لوگوں کو 10 ہزار روپے کا پے آڈر پہنچا دیا جائے، پنجاب بھر میں 20 ہزار کے قریب ایسے پوائنٹ بھی بنائے گئے ہیں جہاں سے پے آڈر کیش ہوسکے گا۔
بینظیر انکم اسپورٹ سے ڈیٹا نہیں لیا گیا
یہ 30 لاکھوں لوگ وہ ہیں جو غربت کی لیکر سے نیچے زندگی گزار رہے ہیں، پچھلے رمضان المبارک میں بینظر انکم اسپورٹ پروگرام کے ذریعے جو لوگ رجسٹرڈ تھے ان کو ریلیف دیا گیا تھا لیکن اس دفعہ بینظر انکم اسپورٹ پروگرام سے کوئی ڈیٹا نہیں لیا گیا یہ پنجاب حکومت نے اپنی سکورٹنی کر کے ان لوگوں کو رجسٹرڈ کیا ہے جو کسی دوسرے پروگرام کے تحت امداد نہیں لے رہے تھے۔
یہ بھی پڑھیں: رمضان المبارک میں چاروں صوبے عوام کو کیا ریلیف دیں گے؟
یہ 30 لاکھ لوگ پہلی دفعہ نگہبان رمضان پیکج کے تحت رجسٹرڈ ہو ئے ہیں، ان کا کہنا تھا کہ پچھلے سال رمضان المبارک میں راشن بیگ بناکر لوگوں کے گھروں تک پہنچائے گئے تھے، جس پر خرچہ کافی زیادہ آیا تھا جس کی وجہ سے حکومت نے یہ فیصلہ کیا کہ لوگوں کو پیسے دیے جائیں تاکہ وہ خود جاکر اپنی رمضان المبارک کی خریداری کریں۔
پنجاب کے 25 اضلاع میں ماڈل بازار بنائے گئے ہیں
وزیراعلیٰ کی معاون خصوصی سلمیٰ بٹ کا کہنا تھا کہ لاہور میں 10 کے قریب ماڈل بازار لگائے گئے ہیں جن کے اندر رمضان بازار کے الگ سے اسٹال لگائے گئے ہیں، ان اسٹالز پر ڈی سی ریٹ کے مطابق پھل ،سبزیاں اور اشیائے خورونوش ملیں گیں۔
یہ بھی پڑھیں: رمضان المبارک کی آمد سے قبل کوئٹہ میں اشیائے خورونوش کی قیمتوں میں کتنا اضافہ ہوا؟
’یہ اسٹالز پنجاب کے 25 اضلاع میں لگائے گئے ہیں، جن اضلاع میں ماڈل بازار نہیں ہیں وہاں پر رمضان بازار الگ سے لگائے گئے ہیں ، میں اور میری ٹیم ہر ضلع میں جائے گئی ماڈل بازا اور رمضان بازاروں کا وزٹ کریں گے، چیزوں کی قمیتوں اور معیار کے حوالے سے سختی سے عمل کیا جائے گا ۔‘
گران فروشی کرنے والے کے سخت کارروائی ہوگی
ایک سوال کا جواب دیتے ہوئے معاون خصوصی وزیراعلیٰ پنجاب سلمی بٹ کا کہنا تھا کہ گراں فروشی کرنے والوں کے خلاف کریک ڈاؤن ہوگا، جو دوکاندار مہنگی اور غیر معیاری اشیا فروخت کرتا ہوا پکڑا گیا، اس کی دوکان پورے رمضان المبارک کے مہینے میں سیل رہے گی اور ان کے کے خلاف مقدمات بھی درج کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرائس اینڈ کنٹرول پنجاب رمضان پیکج سلمیٰ بٹ گران فروشی مریم نواز شریف معاون خصوصی نگہبان رمضان پیکج وزیراعلٰی پنجاب
کیا کورٹ مارشل عدالتی کاررروائی نہیں ہوتا؟جسٹس جمال مندوخیل کا استفسار