راولپنڈی ٹریفک پولیس کا ون ویلرز کے خلاف اینٹی ون ویلنگ سکواڈ تشکیل
اشاعت کی تاریخ: 2nd, March 2025 GMT
ارشاد قریشی : راولپنڈی میں سٹی ٹریفک پولیس نے رمضان المبارک کے دوران انسداد ون ویلنگ کیلئے اینٹی ون ویلنگ سکواڈتشکیل دے دیا،
سی ٹی او بینش فاطمہ کا کہنا ہے کہ اینٹی ون ویلنگ سکواڈ میں 60 سے زائد اہلکاروں پر مشتمل ہے۔ رمضان المبارک کے دوران ون ویلنگ کی روک تھام کیلئے پانچ سپیشل سکواڈ تشکیل دیے ہیں ۔ اسکواڈز میں 07 ڈی ایس پیز /سرکل آفیسرز، 07 سینئر ٹریفک وارڈنز، 49 ٹریفک وارڈنز اور ٹریفک اسٹنٹس شامل ہیں ،سکواڈز سحری کے اوقات چار بجے سے 07 بجے تک اور افطاری کے بعد شام 07 بجے سے رات ایک بجے تک کام کریں گے۔ اہم شاہراؤں پر خصوصی پکٹس بھی قائم کی گئی ہیں جہاں ون ویلنگ کے مرتکب منچلوں کیخلاف بلا تفریق قانونی کارروائی عمل میں لائی جائے گی، مساجد ڈیوٹی کے لیے 10 ڈی ایس پیز / سرکل آفیسرز، 17 سینئر ٹریفک وارڈنز، 62 ٹریفک وارڈنز اور 22 ٹریفک اسٹنٹس سمیت کل 111 افسران و اہلکاراں شامل ہیں۔ راولپنڈی ٹریفک پولیس انسانی جانوں کے تحفظ اور انسداد ون ویلنگ کے لیے تمام تر وسائل بروکار لا رہی ہے ۔ ون ویلنگ کیلئے موٹر سائیکلوں کی آلٹریشن کرنیوالے مکینکس کی بھی خصوصی مانیٹرنگ کی جا رہی ہے، ون ویلنگ کی روک تھام کے حوالے سے خصوصی پکٹس و اہم پوائنٹس پر ضلعی پولیس کی بھر پور معاونت حاصل ہو گی ۔خلاف ورزی کے مرتکب عناصر کیخلاف موثر و جامع کارروائی عمل میں لائی جائے گی۔
والدین سے بھی خصوصی اپیل ہے کہ ان خاص دنوں میں اپنے بچوں پر خصوصی نظر رکھیں اور کم عمری میں انھیں موٹر سائیکل یا گاڑی دینے سے گریز کریں تا کہ وہ حادثات سے محفوظ رہ سکیں۔
لاہور میں 255 ٹریفک حادثات ، ایک شخص جاں بحق ، 310 زخمی
.ذریعہ: City 42
کلیدی لفظ: ٹریفک وارڈنز ون ویلنگ کی
پڑھیں:
راولپنڈی پولیس نے عمران خان کی تینوں بہنوں اور دیگر رہنماؤں کو حراست میں لے لیا
قومی اسمبلی میں اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بچھر، سنی اتحاد کونسل کے سربراہ صاحبزادہ حامد رضا اور عمران خان کے فوکل پرسن قاسم نیازی بھی بانی پی ٹی آئی سے ملاقات کے لیے گئے تھے جنہیں حراست میں لے لیا گیا ہے۔ اسلام ٹائمز۔ اڈیالہ جیل میں عمران خان سے ملنے کیلئے آنے والے رہنماؤں اور ان کی تینوں بہنوں کو راولپنڈی پولیس نے حراست میں لے لیا۔ نجی ٹی وی کے مطابق عمران خان سے ملاقات کے لیے ان کی تینوں بہنیں، علیمہ خان، عظمی خان، نورین خان اڈیالہ جیل پہنچی تھیں جنہیں پولیس نے حراست میں لے لیا۔ اس کے علاوہ، قومی اسمبلی میں اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بچھر، سنی اتحاد کونسل کے سربراہ صاحبزادہ حامد رضا اور عمران خان کے فوکل پرسن قاسم نیازی بھی بانی پی ٹی آئی سے ملاقات کے لیے گئے تھے جنہیں حراست میں لے لیا گیا ہے۔ راولپنڈی پولیس نے عمران خان سے ملنے کے لیے آنے والے پی ٹی آئی رہنماؤں کو اڈیالہ جیل کے قریب ناکے پر روکا تھا، حراست میں لیے جانے سے قبل پی ٹی آئی رہنماؤں نے پولیس سے بحث وتکرار کی۔ جس پر پولیس نے مجموعی طور 7 افراد کے وارنٹ گرفتاری دکھا دیے جن میں عمران خان کی بہنوں، قاسم زمان خان، احمد خان بچھر، صاحبزادہ حامد رضا کے وارنٹ دکھائے۔ پی ٹی آئی رہنماؤں نے کہا کہ آپ سب کو گرفتار کریں گے، پولیس نے تمام رہنماؤں کو حراست میں لے کر قیدی وین میں بٹھا دیا۔
پانی کے ضیاع پر جمعہ کے خطبات میں آگاہی دینے کا سرکلر لاہور ہائیکورٹ میں پیش