کراچی؛ بلوچ ریپبلکن آرمی سے تعلق رکھنے والا انتہائی مطلوب ملزم گرفتار
اشاعت کی تاریخ: 2nd, March 2025 GMT
کراچی:
سندھ رینجرز اور سی ٹی ڈی نے ملیر میں مشترکہ کارروائی کے دوران سیکیورٹی فورسز کے خلاف متعدد عسکری کاررائیوں میں ملوث بلوچ ریپبلکن آرمی سے تعلق رکھنے والے انتہائی مطلوب ملزم کو گرفتار کرکے اس کے قبضے سے اسلحہ و ایمونیشن برآمد کرلیا۔
ترجمان کے مطابق گرفتار ملزم زبیر احمد عرف زبیو تمپ بلوچستان کا رہائشی ہے اور ملزم نے 2016 میں بی آر اے کے کمانڈر زرین عرف کرنٹ کے گروپ میں شمولیت ختیار کی۔ گرفتار ملزم نے 2016 میں معسکرغزن مکران بلوچستان سے 6ماہ کی عسکری تربیت حاصل کی۔
ابتدائی تفتیش کے مطابق ملزم نے اپنے دیگر ساتھیوں بشمول کمانڈر زرین عرف کرنٹ کے ساتھ مل کر سیکیورٹی فورسز کے خلاف متعدد عسکری کارروائیاں کیں اور سیکیورٹی فورسز کو بھاری نقصان پہنچایا۔
ملزم نے دوران تفتیش مزید انکشاف کیا کہ 2016 میں اپنے دیگر ساتھیوں کے ساتھ مل کر مند بھلو ایف سی چیک پوسٹ تمپ گریڈ اسٹیشن ایف سی کیمپ، رود بن ایف سی چیک پوسٹ پر راکٹ لانچر اور بھاری ہتھیاروں کے ساتھ حملے کیے۔ ان کارروائیوں میں سیکیورٹی فورسز کو بھاری جانی اور مالی نقصان پہنچایا۔
گرفتار ملزم 2016 سے 2019 تک بلوچستان میں انتہائی سرگرم رہا۔ گرفتار ملزم گرفتاری سے بچنے کے لیے سال 2020 میں بیرون ملک دبئی فرار ہو گیا تھا اور بیرون ملک سے اپنا نیٹ ورک چلاتا رہا۔ ملزم بیرون ملک سے بی ایم او کے لیے فنڈنگ اور متعدد افراد کی ذہن سازی بھی کرتا رہا۔ ملزم حال ہی میں دبئی سے کراچی پہنچ کر اپنا گروپ منظم کرکے دہشت گردی کی منصوبہ بندی کر رہا تھا کہ ملزم کو گرفتار کر لیا گیا۔
ترجمان سندھ رینجرز کے مطابق گرفتار ملزم سے مزید اہم انکشافات متوقع ہیں، ملزم کو اسلحہ ایمونیشن سمیت مزید قانونی کارووائی کے لیے پولیس کے حوالے کر دیا گیا ہے۔
.ذریعہ: Express News
کلیدی لفظ: سیکیورٹی فورسز گرفتار ملزم
پڑھیں:
ایف آئی اے کی بڑی کارروائی، انسانی اسمگلنگ میں ملوث مطلوب ملزم سمیت 4 افراد گرفتار
وفاقی تحقیقاتی ادارے (ایف آئی اے) لاہور زون نے بڑی کارروائی عمل میں لائی ہے اور انسانی اسمگلنگ میں ملوث ریڈ بک کے مطلوب ملزم راحیل پرویز سمیت 4 افراد کو گرفتار کرلیا۔
ایف آئی اے کے ترجمان نے بتایا کہ ملزم راحیل پرویز ریڈ بک کا انتہائی مطلوب انسانی اسمگلر ہے، جو 2019 سے ایف آئی اے لاہور کو مطلوب تھا جبکہ دیگر ملزمان میں محمد عمر، امام ندیم اور روحان محمود شامل ہیں۔
ترجمان نے بتایا کہ ملزمان کی جانب سے شہریوں سے ویزا فراڈ کیے گئے ہیں، جبکہ یہ دیگر غیرقانونی سرگرمیوں میں بھی ملوث تھے، جنہیں ماڈل ٹاون، رحمان گارڈن اور شمع لاہور سے گرفتار کیا گیا۔
ترجمان ایف آئی اے کی کے مطابق راحیل پرویز نے شہریوں کو کینیڈا بھجوانے کا جھانسہ دے کر ان سے 90 لاکھ روپے ہتھیائے، جبکہ دیگر ملزمان اجازت کے بغیر غیرقانونی ٹریول ایجنسیاں چلا رہے تھے اور شہریوں سے پاسپورٹ وصول کرتے تھے۔
ترجمان کے مطابق چھاپہ مار کارروائیوں کے دوران ملزمان کے قبضے سے 12 پاکستان پاسپورٹس، تعلیمی دستاویزات اور موبائل سمیں برآمد ہوئی ہیں، جن کے بارے میں ملزمان حکام کو مطمئن کرنے میں ناکام رہے۔
ترجمان نے مزید بتایا کہ ملزمان کو گرفتار کرکے ابتدائی تفتیش کا آغاز کردیا گیا ہے تاکہ ان کے جرائم کی مزید تفصیلات بھی عوام کے سامنے آسکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انسانی اسمگلر انسانی اسمگلنگ ایف آئی اے ترجمان تفتیش کارروائی گرفتاریاں وی نیوز
آئی ایم ایف کا تکنیکی وفد کلائمیٹ فنانسنگ پر مذاکرات کیلئے پاکستان پہنچ گیا