باسمتی چاول سے لدا پاکستانی جہاز آئندہ ہفتے بنگلہ دیش کی مونگلا بندرگاہ پہنچے گا
اشاعت کی تاریخ: 2nd, March 2025 GMT
بنگلہ دیش کے قیام کے بعد پہلی مرتبہ پاکستان سے چاول لے کر ایک مال بردار بحری جہاز اس ہفتے کھلنا شہر مونگلا کی بندرگاہ پہنچنے والا ہے۔
25 میٹرک ٹن باسمتی چاول سے لدا پاکستانی فاگڈ کیریئر جہاز چند روز قبل کراچی کی بن قاسم بندرگاہ سے روانہ ہوا تھا اور توقع ہے کہ وہ دو یا تین دن میں چٹاگانگ بندرگاہ پر لنگر انداز ہو جائے گا۔
یہ بھی پڑھیں:
ذرائع نے بتایا کہ چٹاگانگ بندرگاہ پر 60 فیصد چاول اتارنے کے بعد بقیہ چاول کی مقدار کے ساتھ جہاز مونگلا کی بندرگاہ کی طرف روانہ ہو جائے گا۔
مونگلا بندرگاہ کھلنا شہر کی ایک سمندری بندرگاہ ہے، جو خلیج بنگال کے شمالی کنارے پر واقع ہے، یہ چٹاگانگ کی بندرگاہ کے بعد بنگلہ دیش کی دوسری سب سے بڑی اور دوسری مصروف ترین بندرگاہ ہے۔
مزید پڑھیں:
ٹریڈنگ کارپوریشن آف پاکستان کے ذریعے 50 باسمتی چاول درآمد کرنے کے لیے بنگلہ دیش اور پاکستان کے درمیان حکومتی سطح پر گزشتہ ماہ کے آغاز میں ایک معاہدے پر دستخط کیے گئے تھے۔
معاہدے کے مطابق چاول کی پہلی کھیپ بنگلہ دیش کے لیے روانہ کردی گئی ہے جبکہ دوسری کھیپ رواں ماہ کے آخر میں آنے کی امید ہے۔
مزید پڑھیں:
کھلنا کے کنٹرولر آف موومنٹ اینڈ پرزرویشن آفس کے ڈپٹی کنٹرولر اندرجیت سرکار نے کہا کہ 25 میٹرک ٹن چاول میں سے 40 فیصد کو مونگلا بندرگاہ پر اتارا جائے گا، کھلنا ضلع کے اسسٹنٹ فوڈ کنٹرولر طیب الرحمان کے مطابق بویرا اور مہیشورپاشا کے مرکزی گودام میں 47 ہزار میٹرک ٹن چاول موجود ہے۔
بنگلہ دیشی اہلکاروں کے مطابق دونوں گوداموں کی مجموعی گنجائش ایک لاکھ میٹرک ٹن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسمتی چاول پاکستان چٹاگانگ ڈھاکہ کھلنا مونگلا.ذریعہ: WE News
کلیدی لفظ: باسمتی چاول پاکستان چٹاگانگ ڈھاکہ کھلنا مونگلا باسمتی چاول بنگلہ دیش میٹرک ٹن
پڑھیں:
پاکستان میں پیٹرول کی قیمت انڈیا، بنگلہ دیش اور نیپال کے مقابلے میں کم ترین ہے، وزیرپیٹرولیم
وفاقی وزیرپیٹرولیم علی پرویز ملک نے کہا ہے کہ حکومتی اقدامات کی بدولت مہنگائی میں کمی ہورہی ہے، ملکی زرمبادلہ کے ذخائر بڑھ رہے ہیں، آج پاکستان میں پیٹرول کی قیمت خطے میں انڈیا، بنگلہ دیش اور نیپال سے بھی کم ترین سطح پر ہے۔
یہ بھی پڑھیں: چند ہفتوں میں بجلی کی قیمتوں میں خاطر خواہ کمی ہوگی، وزیر پیٹرولیم علی پرویز ملک
اسلام آباد میں پریس کانفرنس کرتے ہوئے وفاقی وزیرپیٹرولیم علی پرویز ملک نے کہا کہ جب موجودہ حکومت نے اقتدار سنبھالا تو عوام کے لیے سب سے بڑ ی تکلیف کا باعث بجلی کے بل بنے تھے، جس کے باعث وزیراعظم شہباز شریف اور وزیراعلیٰ پنجاب مریم نواز نے پچھلی گرمیوں میں نواز شریف کی ہدایت پر اقدامات کیے اور اربوں روپے کی سبسڈی دی، 200 یونٹ تک بجلی استعمال کرنے والے صارفین کو وفاقی حکومت نے 50 ارب روپے ریلیف دیا جبکہ مریم نواز شریف نے 500یونٹ استعمال کرنے والے صارفین کو تحفظ دینے کی کوشش کی۔
علی پرویز ملک نے کہا کہ مارچ میں وزیراعظم شہباز شریف نے ساڑھے 7 روپے کا ریلیف لوگوں کو مستقل بنیادوں پر دیا جو یقیناً لوگوں کے لیے گرمی کے مہینوں میں آسانی کا باعث بنے گی، اس ساری کوشش کو ساری دنیا سراہ رہی ہے۔
یہ بھی پڑھیں: منرلز فورم میں غیر ملکی سرمایہ کاروں کی شرکت پاکستان کے معدنی شعبے پر اعتماد کا مظہرہے، علی پرویز ملک
انہوں نے کہا کہ آئی ایم ایف کی ایم ڈی نے کئی موقعوں پر حکومتی اقدامات کی تعریف کی ہے، اس طرح آئی ایف سی کے نمائندگان نے پاکستان کے اقدامات کی تعریف کی ہے، فچ ریٹنگ ایجنسی کی تازہ رپورٹ میں پاکستان کو ایک انوسٹمنٹ گیٹ مارکیٹ کے طور پر بتایا گیا ہے، پاکستان کی ریٹنگ کو بڑھا کر B مائنس کردیا گیا ہے۔
وزیرپیٹرولیم نے کہا کہ منرل سمٹ ایک بین الاقوامی ایونٹ بن کے پاکستان کی ایک مارکیٹنگ اسٹوری کے طور پر سامنے آئی ہے، ترکیے، سعودی عرب کے وزیر اس ایونٹ میں شرکت کے لیے آئے، اس کے علاوہ ریکوڈک اب آپریشنل ہونے جارہا ہے، مارک برسٹو نے ریکوڈک کی آپریشنلائزیشن اور اس کی فنانشل کلوز کے بارے میں ساری تفصیلات دی ہیں۔
یہ بھی پڑھیں:پاکستان منرلز انویسٹمنٹ فورم میں بین الاقوامی کمپنیوں کے ساتھ معاہدے متوقع ہیں، وزیرپیٹرولیم
ان کا کہنا تھا کہ وزیراعظم شہباز شریف اپنی ذمہ داریوں کا احساس بھی رکھتے ہیں اور یہ ہمت بھی رکھتے ہیں کہ مشکل فیصلے لیں، وزیراعظم شہباز شریف نے بلوچستان کے عوام کی تکلیفوں کا مداوا کرنے کے لیے ایک اور مشکل فیصلہ کیا ہے، بلوچستان میں این 25 جس کے لیے ہرکوئی آواز اٹھاتا ہے، وزیراعظم نے پیٹرول کی قیمت کی کمی ودہولڈ کرتے ہوئے اضافی وسائل سے این 25 مکمل کرنے کا اعلان کیا ہے۔
انہوں نے کہا کہ جب سے حکومت آئی ہے پیٹرول اور ڈیزل کی قیمت میں 30 سے 40روپے کمی ہوئی ہے، آج پاکستان میں پٹرولیم مصنوعات کی قیمت خطے کے ممالک بشمول انڈیا اور بنگلہ دیش اور نیپال کم ترین سطح کے اوپر ہے، جب موجودہ حکومت آئی تو پیٹرول کی قیمت 300 سے اوپر تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی سوشل میڈیا ایکٹوسٹ ایک روز کے جسمانی ریمانڈ پر پولیس کے حوالے