پنجاب میں پی ٹی آئی دور میں مبینہ کرپشن کے کیسز محکمہ اینٹی کرپشن کے حوالے
اشاعت کی تاریخ: 2nd, March 2025 GMT
پبلک اکاؤنٹس کمیٹی (پی اے سی) پنجاب نے 2019 میں پی ٹی آئی دور میں ہونے والی مبینہ مالی بدعنوانیوں کے کیسز اینٹی کرپشن کو بھجوا دیے۔
پی اے سی پنجاب نے مبینہ کرپشن کے 18 کیسز اینٹی کرپشن کے حوالے کردیے۔ میڈیا رپورٹس کے مطابق یہ کیسز ڈسٹرکٹ ہیلتھ آفیسرز ڈی جی خان اور ڈسٹرکٹ ہیلتھ آفیسرز فیصل آباد سے متعلق ہیں۔
پی اے سی پنجاب نے ریکارڈ پیش نہ کرنے والے افسران کے خلاف کارروائی کی بھی سفارش کی ہے۔
یہ بھی پڑھیے: ایف بی آر میں انسانی مداخلت کم کرکے ٹیکنالوجی متعارف کرانے سے کرپشن کم ہوگی، وزیر خزانہ
رپورٹس کے مطابق پی اے سی پنجاب نے مذکورہ کیسز کی تحقیقات کے لیے وزیراعلیٰ معائنہ ٹیم سے بھی مدد کی درخواست کی ہے۔
پی اے سی نے سابق وزیراعلیٰ عثمان بزدار کے دور سے متعلق دیگر محکموں کا ریکارڈ بھی طلب کرلیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
anti corruption اینٹی کرپشن پنجاب.ذریعہ: WE News
کلیدی لفظ: اینٹی کرپشن اینٹی کرپشن کرپشن کے پی اے سی
پڑھیں:
پنجاب میں گندم کے کاشتکاروں کے لیے بڑے پیکج کا اعلان، 15 ارب روپے کی سبسڈی بھی ملے گی
وزیراعلیٰ پنجاب مریم نواز شریف نے گندم کے کاشتکاروں کے لیے صوبے کی تاریخ کے پہلے منفرد اور بے مثال پیکج کا اعلان کیا ہے، اس پیکج کے تحت گندم کے 5 لاکھ 50 ہزار کاشتکاروں کو براہ راست گندم اسپورٹ فنڈ کے تحت 15 ارب روپے کے فنڈز دیے جائیں گے۔
وزیراعلیٰ پنجاب مریم نواز شریف نے اعلان کیا ہے کہ گندم کے کاشتکاروں کو کسان کارڈ کے ذریعے براہ راست مالی مدد فراہم کی جائے گی، اس کے علاوہ اس سال گندم کے کاشتکاروں کے لیے ابیانہ اور فکس ٹیکس میں بھی چھوٹ دی جائے گی، گندم کو موسمی اثرات اور کسانوں کو مارکیٹ کے دباؤ سے محفوظ رکھنے کے لیے 4 ماہ کی مفت اسٹوریج کی سہولت مہیا کی جائے گی۔
یہ بھی پڑھیں: کاشتکاروں کے لیے خوشخبری، پنجاب حکومت نے بڑی چھوٹ دے دی
صوبائی نے ای ڈبلیو آر (الیکٹرانک وئیر ہاؤسنگ ریسیٹ) سسٹم کے نفاذ کا بھی فیصلہ کیا ہے، اس سسٹم کے تحت گندم سٹور کرنے والے کاشتکاروں کو الیکٹرانک رسید ملے گی جسے 24 گھنٹے کے اندر بینک میں جمع کروا کر ٹوٹل لاگت کا 70 فیصد تک قرض حاصل کیا جا سکے گا۔
وزیراعلیٰ پنجاب نے گندم کی خریداری کے لیے فلور ملز اور گرین لائسنس ہولڈرز کو بینک آف پنجاب سے حاصل کردہ 100 ارب روپے تک کے قرضوں کا مارک اپ ادا کرنے کا بھی فیصلہ کیا ہے۔
یہ بھی پڑھیں: پیاز اور ٹماٹر کی پیداوار بڑھانے کے لیے کاشتکاروں کو پنجاب حکومت کی انقلابی پیشکش
فلور ملز اور گرین لائسنس ہولڈرز کو گندم کی فوری اور لازمی خریداری اور اسٹوریج کی مجموعی کیپسٹی کے 25 فیصد تک لازمی گندم اسٹور رکھنے کے لیے فوری طور پر کابینہ سے منظوری لی جائے گی، گندم اور گندم سے تیار شدہ اشیاء کی ایکسپورٹ کے لیے وفاقی حکومت سے رابطہ کیا جائے گا۔
صوبائی اور ضلعی سرحدوں پر گندم اور آٹے کی نقل و حمل پر عائد پابندی ختم کردی گئی ہے، پرائیویٹ سیکٹر کو گندم اسٹوریج کے لیے ویئر ہاؤس کی بحالی اور تعمیر کے لیے بینک آف پنجاب فنانسنگ کرے گا اور گندم کے کاشتکاروں کو اسٹوریج کی سہولت مہیا کرنے کے لیے 5 ارب روپے کا مارک اپ حکومت پنجاب ادا کرے گی۔
یہ بھی پڑھیں: پنجاب میں گندم کے کاشتکار مفت ٹریکٹرز اور لینڈلیولرز کیسے حاصل کرسکتے ہیں؟
وزیراعلیٰ مریم نواز شریف نے اس عزم کا اظہار کیا کہ وہ کسی بھی صورت میں کسانوں کا نقصان نہیں ہونے دیں گی۔
انہوں نے کہا ہے کہ کہ اگر کاشتکار نے گندم لگائی ہے تو اسے بھرپور معاوضہ ملے گا۔ انہوں نے کاشتکاروں کو اپنا بھائی قرار دیتے ہوئے کہا کہ وہ ہر دم کاشتکاروں کے ساتھ ہیں اور رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پنجاب کاتشکار کسان کارڈ گندم وزیراعلیٰ مریم نواز
پی ٹی آئی سوشل میڈیا ایکٹوسٹ ایک روز کے جسمانی ریمانڈ پر پولیس کے حوالے