ایوارڈ شو میں گھوڑے کی شکل کی عجیب مخلوق نے شرکاء کو تجسس میں ڈال دیا
اشاعت کی تاریخ: 2nd, March 2025 GMT
لندن (نیوزڈیسک)برطانوی ایوارڈ شو کی تقریب میں ایک گھوڑے کی شرکت نے وہاں موجود شرکاء کو حیرت میں مبتلا کردیا۔ڈیلی اسٹار کی رپورٹ کے مطابق برطانوی ٹی وی کے ناظرین اس وقت الجھن میں پڑ گئے جب انہوں نے گھوڑے کے لباس میں ملبوس ایک شخص کو ٹیبل پر بیٹھا دیکھا۔
رپورٹ کے مطابق لندن کے او ٹو ایرینا میں ایوارڈ شو مشہور شخصیات سے بھرا ہوا تھا۔ لیکن جس چیز نے لوگوں کی توجہ حاصل کی وہ گھوڑے کا ماسک پہنی خاتون مہمان تھیں جنہوں نے سوشل میڈیا صارفین کو تبصرے کرنے پر مجبور کیا۔
یہ دیکھ کر لوگ الجھن میں پڑ گئے اور پوچھنے لگے کہ کیا یہ ڈینی ڈائر کے ساتھ گھوڑا بیٹھا ہے؟ یا کوئی گھوڑے کے لباس میں موجود ہے، کون ہے آخر وہ پراسرار شخص؟
ڈیلی اسٹار کی رپورٹ کے مطابق گھوڑے کے ماسک میں موجود شخص کی شناخت ہارس گرل کے طور پر ہوئی ہے، جو ایک جرمن ڈی جے ہیں۔
ہارس گرل کو اپنے مشہور گانے مائی بارن مائی رولز سے شہرت حاصل ہوئی تھی جو ٹک ٹاک پر کافی وائرل ہوا تھا۔ انسٹاگرام پروفائل میں ان کا اصل نام اسٹیلا ہے۔
خاتون ڈی جے ہمیشہ خود کو گھوڑے کے ماسک کے پیچھے رکھتے ہوئے اپنی اصل شناخت کسی کے سامنے ظاہر نہیں کرتیں جس کی وجہ بھی معلوم نہیں ہوسکی۔
برطانوی نیشنلٹی ہولڈر خاتون کے الزامات پر ایڈیشنل جج میرپور شہزاد اکرم معطل
ذریعہ: Daily Ausaf
پڑھیں:
فروری 156 دہشت گرد ہلاک، 47 اہلکار اور 55 شہری جاں بحق
اسلام آباد:فروری کے دوران دہشت گرد حملوں میں 55 شہری اور 47 سیکیورٹی اہلکار جاں بحق، 81 اہلکار اور45 شہری زخمی ہوئے، اس دوران سیکیورٹی فورسز کے ٹارگٹڈ آپریشنز میں 156 دہشتگرد مارے گئے۔
تھنک ٹینک پاکستان انسٹیٹیوٹ فار کانفلیکٹ اینڈ سیکیورٹی سٹڈیز (پکسس)کی رپورٹ کے مطابق رواں سال جنوری کے مقابلے فروری کے 79 دہشت گرد حملوں کے دوران شہری اموات میں 175 فیصد اضافہ،اہلکاروں کے اموات میں18 فیصد کمی دیکھنے میں آئی۔
قبل ازیں اگست2024 کے دوران زیادہ تعداد میں شہری دہشت گردی کا نشانہ بنے تھے۔ فروری میں دہشت گرد حملوں میں معمولی جبکہ شہری اموات قابل ذکر اضافہ دیکھا گیا،فورسز کی دہشت گردوں کیخلاف کارروائیوں میں بھی تیزی آئی،جن میں 156دہشت گرد ہلاک، 20زخمی، 66 گرفتار ہوئے.
ملک بھر میں 79 دہشت گردی کے واقعات میں 55 شہری،47 سکیورٹی اہلکار جاں بحق،81 اہلکار اور45 شہری زخمی ہوئے۔
رپورٹ کے مطابق فروری میں گزشتہ سال اگست کے بعد شہری اموات اہلکاروں سے زائد رہی ۔ رپورٹ کے مطابق فروری میں دہشت گردوں کی ہلاکتوں میں بھی 25 فیصد کمی آئی، جنوری میں 208 دہشت گرد مارے گئے، فروری میںتعداد 156رہی.
تاہم دہشتگردوں کی گرفتاریوں میں نمایاں اضافہ ہوا، 66 مشتبہ افراد کو حراست میں لیا گیا، قبل ازیں دسمبر 2023 میں سب سے زیادہ 139دہشت گردوں گرفتار ہوئے تھے۔
رپورٹ کے مطابق سب سے زیادہ 50 گرفتاریاں قبائلی اضلاع سے، 16پنجاب میں کی گئیں۔ رپورٹ کے مطابق فروری میں سب سے زیادہ 32 دہشت گرد حملے بلوچستان میں ہوئے،جن میں ہلاک 56 افراد میں35 شہری، 10 اہلکار اور11دہشت گرد شامل تھے، ان حملوں میں 44 افراد زخمی ہوئے، ان میں 32 اہلکار، 12شہری شامل تھے۔
قبائلی اضلاع کے زیادہ تر دہشت گردی کے واقعات کی ذمہ داری کالعدم ٹی ٹی پی، چند حملوں کی ذمہ داری لشکر اسلام اور حافظ گل بہارد گروپ نے قبول کی۔
سندھ میں تین چھوٹے دہشت گرد حملے ہوئے، ان میں ایک اہلکار جان بحق، ایک زخمی ہوا، منگھوپیر کراچی میں پولیس اہلکار کے ہلاکت کی ذمہ داری گل بہادر گروپ نے قبول کی۔
فروری میں پنجاب میں کوئی دہشت گرد حملہ نہیں ہوا، تاہم فورسز نے 16 مشتبہ افراد گرفتار کئے، گلگت بلتستان، آزاد کشمیر اور اسلام آباد میں بھی کوئی دہشت گردی کا واقعہ رپورٹ نہیں ہوا۔
رواں سال کے پہلے دو ماہ کے دوران ملک بھر میں 153دہشت گردی کے واقعات ہوئے، ان میں ہلاک 179افراد میں 104 اہلکار، 75 شہری شامل تھے۔
اُدت نرائن مشکل میں پڑگئے، پہلی بیوی نے گلوکار کیخلاف مقدمہ درج کروا دیا