ڈراما ’دل والی گلی میں’ آواز کا جادو جگانے والی بھارتی گلوکارہ کون؟
اشاعت کی تاریخ: 2nd, March 2025 GMT
کہتے ہیں کہ فنکاروں کیلئے کوئی سرحد نہیں ہوتی اور اس بات کو سچ ثابت کرتے ہوئے ایک ایسی مثال سامنے آئی ہے جسکا تعلق ویسے تو بھارت سے ہے لیکن رمضان اسپیشل فیملی ڈراما سیریل میں اس گلوکارہ نے اپنی آواز کا جادو جگا کر لوگوں کو اپنا گرویدہ بنالیا۔
رمضان اسپیشل شوز:
رمضان کے بابرکت ماہ کا آغاز ہوتے ہی پاکستانی ٹیلی ویژن پر خصوصی ٹرانسمیشن سمیت فیملی ڈرامے نشر کیے جاتے ہیں جو نہ صرف بہترین کہانی کی عکاسی کرتے ہیں بلکہ پورے رمضان ایک مکمل تفریح کی رولر کرسٹر سواری لیے سامنے آتے ہیں۔
اگر بات کریں نجی ٹیلی ویژن پر جلد نشر ہونے والے ڈراما سیریل ’دل والی گلی میں’ کی تو اس کہانی میں دو ورسٹائل فنکار اداکارہ سجل علی اور حمزہ سہیل ایک ساتھ مرکزی کردار میں اسکرین شیئر کرتے نظر آئیں گے جو اس سے قبل ’زرد پتوں کا بن’ میں اپنی زبردست کیمسٹری کی وجہ سے بے حد پسند کیے گئے تھے۔
’دل والی گلی میں’ کی کہانی:
کاشف نثار کی ہدایتکاری اور ظفر معراج کی تحریر کردہ اس روم کام کہانی ایک نوبیاہتا شادی شدہ جوڑے کی زندگی کے چیلنجز کے گرد گھومتی ہے، جو رومانس اور کامیڈی کے خوبصورت امتزاج کے ساتھ یکم رمضان سے ناظرین کو محظوظ کریگا۔
لیکن بات کریں اس ڈرامے کے او ایس ٹی یعنی اوریجنل ساونڈ ٹریک کی تودو گلوکاروں کے نام زیر بحث ہیں جن میں سے پاکستانی میوزیکل آرٹسٹ عمیر علی اکبر اور دوسرا بھارتی گلوکارہ ’شریا باسو’ کا ہے جنہوں نے اپنی مسحور کن آواز سے سرحد پار رنگ بکھیرے ہیں۔
او ایس ٹی کو آواز دینے والی بھارتی گلوکارہ کون؟
ڈراما ’دل والی گلی میں’ آواز کا جادو جگانے والی بھارتی گلوکارہ کون؟
ممبئی سے تعلق رکھنے والی گلوکارہ شریا باسو نے اس ڈرامے کو اپنی آواز دینے کے تجربے کو ایک خواب کی تعبیر قرار دیا ہے۔
گلف نیوز سے خصوصی گفتگو میں بھارتی گلوکارہ نے انکشاف کیا ہے کہ یہ او ایس ٹی ان کے لیے پہلا پلے بیک تجربہ تھا جو ایک خواب کی تعبیر ثابت ہواکیونکہ اسٹوڈیو میں کام کرنا اور اپنی آواز کو کسی بڑے پراجیکٹ کا حصہ بنتے دیکھنا جادوئی لمحہ ہوتا ہے۔’
View this post on InstagramA post shared by Shreya Basu (@shreyabasuofficial)
اس انٹرویو میں شریا باسونے پاکستانی پراجیکٹ ملنے کے ذریعے کا انکشاف کرتے ہوئے مزید یہ بھی بتایا کہ،’میرے کام کو میوزک پروڈیوسر عاطف خان نے نوٹ کیا اور پھر مجھ سے رابطہ کیا جو میرے لیے بالکل غیر متوقع تھا۔
باسو نے یہ بھی اعتراف کیا کہ وہ پاکستانی موسیقی کی مداح ہیں اور انہیں پاکستانی ڈرامے بھی پسند ہیں۔ کیونکہ پاکستان سے بہت سا زبردست ٹیلنٹ اور تخلیقی صلاحیتیں سامنے آ رہی ہیں۔
لگے ہاتھوں گلوکارہ نے ایک اور نئے پراجیکٹ کا بھی عندیہ دیتے ہوئے بتایا کہ،’مجھے اس کا انتظار ہے اور میں جلد سب کے ساتھ یہ شیئر کرنے کے لیے بے تاب ہوں’۔
View this post on InstagramA post shared by Shreya Basu (@shreyabasuofficial)
یاد رہے کہ بچوں کے گانے کے مقابلے سے اپنے سفر کا آغاز کرنے والی باسو راجادھیراج کا حصہ بھی رہی ہیں، جو بھارت کے سب سے بڑے میوزیشن میں سے ایک ہے۔
ذریعہ: Daily Mumtaz
کلیدی لفظ: بھارتی گلوکارہ
پڑھیں:
رمضان المبارک کے آغاز پر صدر مملکت اور وزیراعظم کے قوم کے نام پیغامات
پاکستان میں رمضان المبارک 1446 ہجری کا آغاز ہوگیا ہے، اور کل 2 مارچ کو پہلا روزہ ہوگا۔
صدر مملکت آصف علی زرداری اور وزیراعظم پاکستان شہباز شریف نے اس موقع پر قوم کے نام اہم پیغامات جاری کیے ہیں۔
یہ بھی پڑھیں رمضان المبارک کے دوران اسلام آباد پولیس نے جامع سیکیورٹی پروگرام مرتب کرلیا
صدر مملکت آصف علی زرداری نے کہاکہ میں پوری پاکستانی قوم اور امت مسلمہ کو رمضان المبارک کے بابرکت مہینے کے آغاز پر مبارکباد پیش کرتا ہوں۔ رمضان المبارک رحمت، مغفرت اور جہنم سے نجات کا مہینہ ہے۔
انہوں نے کہاکہ رمضان تزکیۂ نفس، صبر، استقامت، ہمدردی، مساوات اور اتحاد و یگانگت کا درس دیتا ہے، ماہ مقدس تقویٰ، اخلاص اور قربِ الٰہی حاصل کرنے کا بہترین موقع ہے۔
آصف زرداری نے کہاکہ رمضان میں غربا و مساکین کی حاجت روائی کریں، معاشرے میں ایثار و قربانی کے جذبے کو فروغ دیں۔ رمضان مسلمانوں کے لیے انفرادی اور اجتماعی سطح پر اصلاح کا ماحول پیدا کرکے اپنی زندگیوں کو ازسر نو شروع کرنے کا بہترین موقع فراہم کرتا ہے۔
انہوں نے کہاکہ رمضان المبارک ہمیں ضرورت مندوں اور محروم طبقات کی تکلیف کا احساس بھی دلاتا ہے، رمضان المبارک کا پیغام یہی ہے کہ ہم اپنی ذات سے بلند ہوکر دوسروں کی مدد کریں۔
صدر مملکت نے کہاکہ پاکستانی قوم سے اپیل کرتا ہوں کہ اس مبارک مہینے میں خیرات و صدقات میں بڑھ چڑھ کر حصہ لیں، اور ضرورت مند افراد کا خاص خیال رکھیں، ہمیں اپنی استطاعت سے بڑھ کر غریبوں کا سہارا بننے کی ضرورت ہے۔
انہوں نے کہاکہ اللہ تعالیٰ ہمیں رمضان المبارک کی برکتوں سے مستفید ہونے، صبر و تقویٰ اختیار کرنے اور امتِ مسلمہ کی فلاح و بہبود کے لیے اپنا کردار ادا کرنے کی توفیق عطا فرمائے۔
ان کا کہنا تھا کہ میں اللہ تعالیٰ کے حضور دعا گو ہوں کہ یہ مہینہ ملک پاکستان کے لیے امن و استحکام اور ترقی اور خوشحالی کا پیغام لے کر آئے۔
دریں اثنا وزیراعظم شہباز شریف نے اپنے پیغام میں کہاکہ اللہ تعالیٰ کا شکر ہے کہ ایک بار پھر ہمیں رمضان المبارک کی سعادت نصیب ہو رہی ہے۔ یہ مہینہ رحمتوں، برکتوں اور مغفرت کا ہے، جس میں اللہ تعالیٰ ہمیں اپنی قربت عطا فرماتے ہیں۔
وزیراعظم نے کہاکہ رمضان کا اصل پیغام صبر، شکر، ہمدردی اور اخوت و ایثار ہے۔ یہ وہ مہینہ ہے جو ہمیں دوسروں کے دکھ درد کا احساس دلاتا ہے۔ آج جب ہم اللہ کی نعمتوں پر شکر بجا لاتے ہیں تو ہمیں اپنے آس پاس غریبوں اور محتاجوں کو بھی یاد رکھنا چاہیے اور اپنی استطاعت کے مطابق ان کی مدد کرنی چاہیئے۔
انہوں نے کہاکہ ہمیں ان لاکھوں فلسطینی اور کشمیری بھائیوں اور بہنوں کو بھی یاد رکھنا ہے جو ظلم و جبر کا شکار ہیں اور متحد ہو کر اس ظلم کے خلاف آواز اٹھانی ہے۔ یہ وقت ہے کہ ہم امتِ مسلمہ کے اتحاد کو مضبوط کریں اور باہمی تعاون و اخوت کو فروغ دیں۔
شہباز شریف نے کہاکہ ہم دعاگو ہیں کہ اس مہینے کی برکت سے اللہ تعالیٰ پاکستان کو استحکام نصیب فرمائے اور ہمیں توفیق دے کہ ہم عوام کی خدمت کریں اور پاکستان کو اقوام دنیا میں اس کا جائز مقام دلائیں۔
یہ بھی پڑھیں رمضان المبارک کے دوران سرکاری دفاتر کے اوقات کار کیا ہوں گے؟
انہوں نے کہاکہ میں اپیل کرتا ہوں کہ اس بابرکت مہینے میں ہم سب زیادہ سے زیادہ عبادات کریں، غریبوں اور محتاجوں کی مدد کریں اور اپنی دعاؤں میں فلسطین، بھارتی غیر قانونی مقبوضہ جموں و کشمیر کے مظلوم مسلمانوں اور پوری مسلم اُمہّ کو یاد رکھیں۔ اللہ تعالیٰ رمضان کی برکتوں سے ہمیں نوازے اور ہمیں آپس میں محبت اور بھائی چارے کے رشتے میں جوڑ دے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری پیغامات رمضان المبارک کا آغاز شہباز شریف صدر مملکت وزیراعظم وی نیوز
کیا کورٹ مارشل عدالتی کاررروائی نہیں ہوتا؟جسٹس جمال مندوخیل کا استفسار