کراچی، قونصل خانوں کی جانب سے ماہ رمضان کی مبارکباد
اشاعت کی تاریخ: 2nd, March 2025 GMT
فائل فوٹو
کراچی میں تعینات مختلف قونصل خانوں کے مندوبین کی جانب سے رمضان کی مبارکباد کے پیغامات جاری کئے گئے ہیں۔
رمضان کا با برکت مہینہ شروع ہوگیا ہے، وہ مقدس مہینہ جسے پورے عالم اسلام کی طرح پاکستانی بھی نہایت عقیدت اور احترام سے مناتے ہیں۔
امریکی قونصل جنرل اسکاٹ اربم نے اپنے پیغام میں کہا کہ یہ مہینہ عبادات کے ساتھ ساتھ بھائی چارہ بھی سکھاتا ہے۔
جرمن قونصل جنرل ڈاکٹر روڈیگر لوٹز نے اپنے پیغام میں کہا کہ یہ مہینہ ہمیں خود احتسابی سکھاتا ہے جس کی وجہ سے اس کی اہمیت اور بڑھ جاتی ہے۔
اسی طرح دیگر مندوبین نے اپنے پیغامات میں عالم اسلام اور پاکستانیوں کے لیے نیک خواہشات کا اظہار کیا ہے ۔
رمضان میں مختلف قونصل خانوں کی جانب سے افطار سمیت دیگر تقریبات کا اہتمام بھی کیا جائے گا۔
.ذریعہ: Jang News
پڑھیں:
رمضان المبارک رحمت، بخشش و مغفرت کا مبارک مہینہ ہے، طاہرالقادری
بانی تحریک منہاج القرآن کا کہنا ہے کہ کہ یہ مہینہ اللہ کی قربت حاصل کرنے کا بہترین موقع ہے، ہمیں چاہیے کہ ہم نبی اکرم ﷺ کے مبارک معمولات کو اپنائیں، تلاوتِ قرآن حکیم، عبادات، ذکر و اذکار اور خیرات و صدقات کو معمول بنائیں اور رمضان کو اپنی بخشش و نجات کا ذریعہ بنا لیں۔ اسلام ٹائمز۔ بانی و سرپرست اعلیٰ تحریک منہاج القرآن ڈاکٹر محمد طاہر القادری نے ماہ صیام کی آمد پر اپنے پیغام میں کہا ہے کہ رمضان المبارک رحمت، بخشش و مغفرت کا مبارک مہینہ ہے۔ملت اسلامیہ کو رمضان المبارک کی آمد کی مبارک دیتا ہوں ۔ رمضان المبارک فیوض و برکات اور انعامات ربانی کا گراں بہار مجموعہ ہے۔یہ دین کی بھلائی اور آخرت کی کمائی کا مہینہ ہے۔اس ماہ میں دوزخ کے دروازے بند، جنت کے دروازے کھول دیئے جاتے ہیں، اور شیطان کو زنجیروں میں جکڑ دیا جاتا ہے۔ حضور نبی اکرم ﷺ نے رمضان المبارک کو صبر و ضبط اور ایثار کا مہینہ قرار دیا ہے۔ ضبط نفس اور ہمدردی و غم خواری ماہ صیام سے خاص نسبت رکھتے ہیں۔ انہوں نے کہا کہ یہ ماہ مقدس رحمت، مغفرت اور جہنم سے نجات کا مہینہ ہے، جو تقویٰ، صبر، شکر اور روحانی ترقی کی تربیت دیتا ہے۔
انہوں نے دعا کی کہ اللہ تعالیٰ ہمیں اس ماہ مبارک کی زیادہ سے زیادہ برکات سمیٹنے کی توفیق عطا فرمائے اور ہمیں اس کے اکرام و احترام کو بجا لانے والا بنائے۔ ڈاکٹر طاہرالقادری نے مزید کہا کہ رمضان المبارک ہمیں بھوک اور پیاس برداشت کرنے سے دوسروں کے دکھ درد کا احساس دلاتا ہے اور ہمارے دلوں میں تقویٰ پیدا کرتا ہے۔ روزہ صرف جسمانی مشقت نہیں، بلکہ یہ ایک روحانی تربیت ہے جو ہمیں صبر، شکر اور دوسروں کے حقوق کا احترام سکھاتی ہے۔ انہوں نے کہا کہ یہ مہینہ اللہ کی قربت حاصل کرنے کا بہترین موقع ہے، ہمیں چاہیے کہ ہم نبی اکرم ﷺ کے مبارک معمولات کو اپنائیں، تلاوتِ قرآن حکیم، عبادات، ذکر و اذکار اور خیرات و صدقات کو معمول بنائیں اور رمضان کو اپنی بخشش و نجات کا ذریعہ بنا لیں۔ انہوں نے کہا کہ تمام اہلِ اسلام اس مبارک مہینے میں اپنے قلوب و اذہان کو پاک کریں، اپنے کردار کو سنواریں اور اللہ کے حضور توبہ و استغفار کریں۔
متاثرین دیامر بھاشا اور داسو ڈیم کے جائز مطالبات حل کئے جائیں گے،امیر مقام