یہ بات 1970 کے شروع کی ہے، پاکستان کا بڑا اردو اخبار ’’ کوہستان‘‘ بند ہوگیا اور صحافی بے روزگار ہوگئے، اسی بیروزگاری کے سبب انھوں نے پکوڑہ اسٹال لگائے اور مال روڈ پراحتجاج کیا۔ بیروزگاری کی اس صف میں، میں بھی شامل تھا، میں میکلوڈ روڈ کی جانب سائیکل پر جا رہا تھا کہ میں نے سینئیر صحافی اثر چوہان کو پیدل چلتے ہوئے دیکھا وہ ایبٹ روڈ پر اپنے آفس کی طرف جا رہے تھے، میں رک گیا اور انھیں سلام کیا اورکہا کہ ’’ آئیں، میں آپ کو دفتر چھوڑ دیتا ہوں‘‘ لیکن وہ شاید پیدل چلنا چاہتے تھے۔کہنے لگے ’’نہیں، تم بھی ساتھ چلو‘‘ خیر میں بھی ان کے ساتھ پیدل چلنا شروع ہوگیا۔
خیریت دریافت کرنے کے بعد پوچھا ’’ تم آج کل کیا کررہے ہو؟‘‘ میں نے کہا کہ ’’ میں بھی آج کل بے روزگار ہوں ‘‘ باتیں کرتے کرتے، اپنے دفتر پہنچ گئے مجھے چائے پلائی اور پھرگویا ہوئے کہ کل میرے دفتر آجانا اور یہیں کام کرنا اور یوں میں ان کے اخبار ہفت روزہ ’’سیاست‘‘ سے وابستہ ہوگیا۔
میں ان کے ساتھ کچھ ماہ تک رہا اور پھر انھوں نے مجھے روزنامہ ’’ مغربی پاکستان‘‘ میں نوکری دلوا دی۔ میری دوستی ان کے چھوٹے بھائیوں مبارک چوہان، لیاقت چوہان اور سلیم کے ساتھ تھی، شاید اسی لیے وہ مجھے چھوٹے بھائیوں کی طرح ٹریٹ کرتے تھے۔
وقت گزرتا گیا میں مختلف اخبارات میں نوکریوں کا سفر طے کرتا ہوا اسلام آباد آ گیا اور یہاں نیف ڈیک نیشنل فلم ڈیولپمنٹ میں پی آر او کی حیثیت سے کام کرنے لگا۔ بھائی اثر چوہان سے میرا رابط رہا اور جو رشتہ سرگودھا کی مٹی نے ان سے قائم کیا تھا وہ باقی رہا۔
ہفت روزہ سیاست اخبار اور روزنامہ سیاست کی شکل اختیارکرگیا اور لاہور سے شایع ہو کر اسلام آباد / راولپنڈی جاتا اورکم و بیش 3000 اخبار دارالحکومت میں فروخت ہوتا۔ اثر چوہان پیپلزپارٹی کے اخبار ’’مساوات‘‘ میں بھی ایک سینیئر پوزیشن پرکام کرتے رہے، اس وجہ سے ان کی سیاسی حلقوں، بیوروکریسی اور بااختیار حلقوں میں نہ صرف یہ کہ اچھی رسائی تھی بلکہ لوگ ان کی بات کو مانتے بھی تھے،کسی بھی شخص کوکوئی کام ہوتا اور وہ اثر چوہان سے اس بات کا اعادہ کرتے تو وہ اس کے کام کرنے میں حتی الا مکان کوشش کرتے جب کبھی لاہور سے اسلام آباد آتے تو مجھ سے رابط کرتے اور انتہائی شفقت سے پیش آتے۔
روزنامہ سیاست کا شمار اس وقت کے بڑے اخبارات میں ہونے لگا اور سیاسی حلقوں میں یہ اخبار اور اثر چوہان اس ملک کے صف اول کے ناموں میں شمار ہونے لگے۔ راولپنڈی میں روزنامہ سیاست کا ایک بیورو آفس بنایا جس کا انچارج سلیم بخاری کو تعینات کیا، یعنی اسلام آباد کے سیاست اخبارکے بیورو چیف سلیم بخاری تھے، جو آج کل صحافت میں ایک بڑا مقام رکھتے ہیں اور ایک چینل کے ڈائریکٹر نیوز بھی ہیں۔
سلیم بخاری کو اسلام آباد سے لاہور منتقل ہونا پڑا۔ اثر چوہان نے یہ ذمے داری میرے سپرد کی اور میں نیف ڈیک کی ملازمت کے ساتھ ساتھ شام میں سیاست اخبار کے لیے کام کرتا، اس میں میرا ساتھ نثار ناسک اور فاروق اقدس دیتے رہے، پھر ان کے چھوٹے بھائی لیاقت چوہان نے یہ ذمے داریاں سنبھال لیں جو تادم تحریر جاری ہیں۔
اثر چوہان کی کئی کتابیں جن میں نثر اور نظم غزلوں اور نظموں کے مجموعے بھی شایع ہو چکے ہیں۔ اثر چوہان محمد وآل محمد پر ایمان رکھتے تھے۔ صوفیائے کرام اور علمائے کرام کی صحبت میں رہنا اور ان سے محبت کرنا، ان کی فطرت میں شامل تھا۔ ایک بار بتانے لگے کہ ’’ میں نے دوسری شادی اپنی کولیگ نجمہ سے کر لی، پہلی بیوی کے اولاد تھی لیکن دوسری بیوی سے کئی برس تک اولاد نہ ہوئی جس سے نجمہ پریشان بھی تھیں اور شاید احساس کمتری کا شکار بھی تھیں۔
میں بھی ایک وجہ سے کافی پریشان تھا اور دعا گو بھی کہ خدا نجمہ سے بھی مجھے اولاد کی نعمت سے نواز دے۔ ایک رات اسی خیال میں میں سوگیا تو مجھے خواب میں ایک بزرگ آئے اور انھوں نے مجھے بشارت دی کہ ’’ اثر چوہان تمہارے نجمہ کے بطن سے ایک بیٹا ہوگا اور تم اس کا نام شہباز رکھنا‘‘ چناچہ ایسا ہی ہوا، بیٹا ہوا جس کا نام شہباز رکھا۔
اثر چوہان کو عالم دین اور نفاذ فقہ جعفریہ کے قائد سید حامد علی شاہ موسوی سے بڑی عقیدت تھی اور وہ اکثر و بیشتر ان سے ملنے اور دعا کرانے آتے تھے اور جتنی دیر وہ موسوی صاحب کے پاس وقت گزارتے مذہبی گفتگو کرتے رہتے اور شاید اسی وجہ سے حامد موسوی انھیں پیار سے حسینی راجپوت کہتے۔
سرگودھا سے صحافت کے حوالے سے لاہور منتقل ہونے سے پہلے دو افراد میں ایک تاج دین حقیقت اور بھائی اثر چوہان تھے جنھوں نے نہ صرف اپنی محنت سے اپنا مقام بنایا بلکہ اپنے بچوں اور پھر سرگودھا سے منتقل ہونے والے نوجوانوں کو ملازمتیں دلوانے میں اہم رول ادا کیا۔ ان میں سلیم بخاری اور راقم اسی فہرست میں شامل ہیں۔ اثر چوہان آخری وقت تک ایک اردو اخبار میں کالم تحریرکرتے رہے ہیں۔ انفارمیشن منسٹری اور دیگر بیوروکریسی کے علاوہ سیاسی حلقوں میں اثر چوہان کو بہت اچھے الفاظ سے یاد کیا جاتا ہے اور تا دیر انھیں اچھی یادوں کی طرح ذہن میں محفوظ رکھا جائے گا۔ خدا ان کے درجات بلند فرمائے۔ (آمین)
.ذریعہ: Express News
کلیدی لفظ: اسلام ا باد سلیم بخاری اثر چوہان میں بھی ا کے ساتھ اور ان
پڑھیں:
وزیراعظم نے رمضان پیکیج کا اعلان کردیا؛ فی خاندان کو کتنی رقم ملے گی؟
وزیراعظم نے رمضان پیکیج کا اعلان کردیا؛ فی خاندان کو کتنی رقم ملے گی؟ WhatsAppFacebookTwitter 0 1 March, 2025 سب نیوز
اسلام آباد(سب نیوز)وزیراعظم شہباز شریف نے رمضان پیکیج کا اعلان کردیا، جس کے تحت ملک کے 40 لاکھ گھرانوں کو رقم فراہم کی جائے گی۔
سب نیوزکے مطابق وزیراعظم شہباز شریف نے وفاقی دارالحکومت میں رمضان پیکیج کی افتتاحی تقریب سے خطاب کرتے ہوئے بتایا کہ رواں برس 40 لاکھ خاندانوں (جو تقریباً 2 کروڑ افراد بنتے ہیں) کو ڈیجیٹل والٹ کے ذریعے 5 ہزار روپے فی گھرانہ دیے جائیں گے۔
انہوں نے اللہ کا شکر ادا کرتے ہوئے کہا کہ رواں برس رمضان المبارک میں مہنگائی ماضی کے مقابلے میں کم ہے۔ رمضان پیکیج کے لیے اس سال حکومت نے 20 ارب روپے کی خطیر رقم مختص کی ہے، جس سے 40 لاکھ پاکستانی گھرانے کو فائدہ ہوگا۔
وزیراعظم کا کہنا تھا کہ گزشتہ برس یہ رقم 7 ارب روپے تھی، جس میں اس سال 200 فی صد اضافہ کرکے 20 ارب روپے مختص کی گئی ہے۔
تقریب سے خطاب کرتے ہوئے وزیراعظم نے کہا کہ ملک بھر کے لیے رمضان پیکیج کو بغیر کسی تفریق کے متعارف کروایا جا رہا ہے، جس سے کراچی تا گلگت تمام شہروں کے مستحق خاندان اس پیکیج سے مستفید ہو سکیں گے۔
وزیراعظم نے بتایا کہ رمضان پیکیج 2025ء کی شفافیت کے لیے اسٹیٹ بینک، ٹیک ادارے اور نادرا کی کاوشیں قابل تحسین ہیں۔ ان اداروں کی محنت کا نتیجہ ہے کہ رمضان پیکیج مستحق افراد تک پہنچے گا۔
وزیراعظم شہباز شریف نے کہا کہ ملک کو محفوظ بنانے کے لیے دہشت گردی کو جڑ سے اکھاڑ پھینکنے کے لیے قوم اور ادارے پُرعزم ہیں۔ اس ناسور کے لیے ایسی قبر کھودیں گے کہ اس کا دوبارہ نکلنا ناممکن ہوگا۔ اس وقت تک چین سے نہیں بیٹھیں گے جب تک دہشت گردی کا قلع قمع نہ کردیا جائے۔
انہوں نے گزشتہ روز ہونے والے خودکش دھماکے پر ردعمل کا اظہار کرتے ہوئے کہا کہ اکوڑہ خٹک میں مولانا حامد الحق سمیت دیگر افراد کی شہادت کا واقعہ غمزدہ ہے، جس پر پوری قوم افسردہ ہے۔ ہم اس دھماکے کی مذمت کرتے ہیں۔ انہوں نے امید ظاہر کی کہ کے پی کے حکومت واقعے کے مجرموں کو کیفر کردار تک پہنچائے گی۔
شہباز شریف نے کہا کہ دہشت گردی کا خاتمہ 2018ء میں ہو چکا تھا۔ ملک میں قیام امن کے لیے 80 ہزار پاکستانیوں نے اپنی جانوں کا نذرانہ پیش کیا جائے، اسی طرح پاک فوج کے افسران، جوان، پولیس اور قانون نافذ کرنے والے دیگر اداروں کے اہل کاروں کی قربانیاں بھی وطن عزیز کو محفوظ بنانے کے لیے دی گئیں، مگر ایک بار پھر دہشت گردی کا ناسور سر اٹھا رہا ہے، اس کی وجوہات کا سب کو پتا ہے، فی الحال اس کی تفصیل میں جانا نہیں چاہتا۔
وزیراعظم نے تقریب سے خطاب کرتے ہوئے بتایا کہ کھربوں روپے کے محصولات جو حکومت نے وصول کرنے ہیں، وہ عدالتوں اور مختلف فورمز میں التوا کا شکار ہیں۔ 2022-23 تک ڈالر آسمان چھو رہا تھا، تب بینکوں نے ونڈفال پرافٹ بنایا، جس پر ٹیکس لگایا گیا تو انہوں نے اسٹے آرڈرز لے لیے۔
شہباز شریف کا کہنا تھا کہ عدالت عالیہ سندھ نے ایک اسٹے آرڈر کو ختم کیا، جس کے نتیجے میں گورنر اسٹیٹ بینک نے ایک ہی دن میں 23 ارب روپے بینکوں سے نکال کر قومی خزانے میں منتقل کیے۔ وزیراعظم نے کہا کہ ابھی تو آغاز ہے، ہم یہ کھربوں روپے کا منافع بنانے والے بینکوں سے نکلوائیں گے۔
وزیراعظم شہباز شریف کا کہنا تھا کہ ہم اب یوٹیلٹی اسٹورز سے جان چھڑوا رہے ہیں۔ ان کی نجکاری کی جائے گی، جس سے بہتری آئے گی۔ انہوں نے کہا کہ رمضان پیکیج کے تحت اب لوگوں کو قطار میں لگنا نہیں پڑے گا بلکہ باعزت طریقے سے ڈیجیٹل والٹ سے وہ ریلیف حاصل کر سکیں گے۔
انہوں نے کہا کہ یوٹیلٹی اسٹورز میں بدعنوانی عروج پر تھی، اب باقاعدہ نظام بنا دیا ہے، جس کے تحت رمضان پیکیج کی کڑی نگرانی ہوگی۔
وزیراعظم نے دعا کی کہ اللہ تعالیٰ ملکی اداروں کی عوام کے لیے کی گئی کوششوں کو قبول کرے اور ماہِ مقدس کی برکتوں سے پاکستان اور پاکستانیوں کو درپیش مسائل و پریشانیوں کا خاتمہ کرے۔
خیبرپختونخوا میں منکی پاکس کی مقامی طور پر منتقلی کا پہلا کیس سامنے آگیا