City 42:

اس سال سب سے طویل روزہ کہاں ہو گا، سب سے مختصر روزہ کہاں؟

اشاعت کی تاریخ: 1st, March 2025 GMT

سٹی42:  رمضان المبارک کے روزوں کی طوالت ہر سال گزشتہ سال کی نسبت کچھ کم یا کچھ زیادہ ہوتی ہے۔ دنیا کے مختلف علاقوں مین بھی روزہ کی طوالت مختلف ہوتی ہے،  فجر سے مغرب تک روزہ پہت طویل ہوتا ہے، کہیں نسبتاِ کم وقت کا ہوتا ہے۔ اس سال روزہ کس ملک میں کتنا طویل ہو گا، اس جائزہ میں دیکھیئے۔

جہاں الجزائر میں سب سے طویل دورانیے کا روزہ یعنی 16 گھنٹے 44 منٹ کا ہوگا۔اس کے برعکس صومالیہ صرف 13 گھنٹے کا روزہ ہوگا۔ اس کے علاوہ زیادہ تر عرب ممالک میں 16 سے 17 گھنٹے کے درمیان کا روزہ ہوا کرے گا۔

لاہور داتا دربار جانیوالوں کی مشکلات میں اضافہ، متعلقہ انتظامیہ خاموش

 تاہم اسکینڈینیویا ممالک میں روزے کے اوقات نمایاں طور پر طویل ہوں گے۔ سویڈن، ناروے اور فن لینڈ جیسے ممالک میں، کچھ علاقوں میں روزے کا دورانیہ 20 گھنٹے سے زیادہ ہوگا۔

 مثال کے طور پر سویڈن کے کیرونا میں سورج صرف چند منٹوں کے لیے ڈوبتا ہے اور کچھ شمالی مقامات پر تو بالکل بھی غروب نہیں ہوتا۔

 گرین لینڈ کے دارالحکومت میں بھی "آدھی رات کے سورج" کے رجحان کی وجہ سے 20 گھنٹے تک روزہ رکھا جائے گا۔

رمضان المبارک کی آمد، چینی کی قیمتوں میں مزید  اضافہ ہوگیا

 آئس لینڈ میں تقریباً 19 گھنٹے 59 منٹ کے روزے ہوں گے جب کہ فن لینڈ میں تقریباً 19 گھنٹے 9 منٹ کے روزے ہوں گے۔

 دوسری جانب برازیل، زمبابوے اور پاکستان وغیرہ میں روزہ 12 سے 13 گھنٹے کے درمیان رہے گا۔

 جنوبی افریقہ میں تقریباً 11 سے 12 گھنٹے کے روزے کا دورانیہ رکھیں گے۔ بیونس آئرس، ارجنٹائن اور کرائسٹ چرچ، نیوزی لینڈ میں تقریباً 12 گھنٹے کا ہوگا۔

 طویل ترین روزے والے ممالک؛ 

مصطفیٰ عامر قتل کیس، محکمہ انویسٹی گیشن کا پولیس تحقیقات پر عدم اطمینان کا اظہار

 سویڈن (کیرونا): 20 گھنٹے 30 منٹ
ناروے: 20 گھنٹے 30 منٹ
فن لینڈ (ہیلسنکی): 19 گھنٹے 9 منٹ
آئس لینڈ (ریکجاوک): 19 گھنٹے 59 منٹ
گرین لینڈ (Nuuk): 20 گھنٹے
کینیڈا (اوٹاوا): 16.

5 گھنٹے
الجزائر: 16 گھنٹے 44 منٹ
سکاٹ لینڈ (گلاسگو): 16.5 گھنٹے
سوئٹزرلینڈ (زیورخ): 16.5 گھنٹے
اٹلی (روم): 16.5 گھنٹے
سپین (میڈرڈ): 16 گھنٹے
برطانیہ (لندن): 16 گھنٹے
فرانس (پیرس): 15.5 گھنٹے

کراچی؛ پریڈی تھانے پر دستی بم حملے کا مقدمہ درج کرلیا

 مختصر ترین روزے والے ممالک؛

 برازیلیا، برازیل: 12-13 گھنٹے
ہرارے، زمبابوے: 12-13 گھنٹے
اسلام آباد، پاکستان: 12-13 گھنٹے
جوہانسبرگ، جنوبی افریقہ: 11-12 گھنٹے
مونٹیویڈیو، یوراگوئے: 11-12 گھنٹے
بیونس آئرس، ارجنٹائن: 12 گھنٹے
کرائسٹ چرچ، نیوزی لینڈ: 12 گھنٹے
دبئی، متحدہ عرب امارات: 13 گھنٹے
نئی دہلی، بھارت: 12.5 گھنٹے
جکارتہ، انڈونیشیا: 12.5 گھنٹے
مدینہ، سعودی عرب: 13 گھنٹے
نیویارک، امریکہ: 13 گھنٹے (تقریبا)
استنبول، ترکی: 13 گھنٹے (تقریبا)
 

بالی ووڈ کی مہنگی ترین طلاق ، ریتیک روشن نے سابقہ اہلیہ کو کتنی رقم ادا کی؟

Waseem Azmet

ذریعہ: City 42

پڑھیں:

چاند نظر نہیں آیا، پاکستان‘ بھارت میں روزہ کل، سعودی عرب اور کئی ممالک میں آج

لاہور‘ اسلام آباد‘ ریاض (خصوصی نامہ نگار+ خبر نگار) سعودی عرب میں رمضان المبارک 1446 ہجری کا چاند نظر آگیا۔ پہلا روزہ آج ہوگا۔ ادھر پاکستان میں رمضان المبارک کا چاند نظر نہیں آیا۔ ملک میں پہلا روزہ کل 2 مارچ اتوار کو ہوگا۔ اس بات کا اعلان چیئرمین رویت ہلال کمیٹی مولانا عبدالخبیر آزاد نے پریس کانفرنس میں کیا۔ سنگاپور، ملائیشیا، برونائی دارالسلام، بنگلہ دیش، جاپان‘ فلپائن‘ بھارت میں بھی اتوار اور انڈونیشیا‘ افغانستان نے پہلا روزہ آج رکھنے کا اعلان کیا ہے۔ امارات میں پہلی بار رمضان کا چاند دیکھنے کیلئے ڈرونز اور مصنوعی ذہانت کا استعمال کیا گیا۔ آسٹریلیا کے مفتی اعظم ڈاکٹر ابراہیم نے اپنے بیان میں کہا ہے کہ آسٹریلیا میں آج ہفتہ کے روز پہلا روزہ ہوگا۔ انڈونیشیا‘ قطر‘ سلطنت عمان نے ہفتہ یکم مارچ کو پہلا روزہ رکھنے کا اعلان کیا ہے۔ ماہ رمضا ن المبارک کا چاند دیکھنے کیلئے چیئرمین مرکزی رؤیت ہلال کمیٹی پاکستان مولانا سید محمد عبد الخبیر آزاد کی زیر صدارت مرکزی رؤیت ہلال کمیٹی پاکستان کا اجلاس دفتر ایڈمنسٹریٹر اوقاف عیدگاہ چارسدہ روڈ پشاور میں ہوا۔ اجلاس میں رابطہ کے فرائض وزارت مذہبی امور حکومت پاکستان سے حافظ عبدالقدوس نے جبکہ فنی معاونت کے لیے محکمہ موسمیات سے چیف میٹ سردار سرفراز، محکمہ سپارکو سے غلام مرتضیٰ اور شوکت اللہ خان اور وزارت سائنس اینڈ ٹیکنالوجی پاکستان سے جوائنٹ سیکرٹری زین العابدین نے اپنی خدمات سر انجام دیں۔ اجلاس میں مرکزی رؤیت کمیٹی پاکستان کے جو ارکان شریک ہوئے جن میں مولانا حافظ عبدالغفور، مولانا یٰسین ظفر، مفتی فیصل احمد، قاری عبدالرؤف مدنی، مفتی علی اصغر عطاری، مفتی محمد یوسف کشمیری، حافظ عبدالمالک بروہی، مولانا اشرف علی، مفتی قاری مہراللہ، مولانا سردار محمد خان لغاری، صاحبزادہ سید حبیب اللہ چشتی، مولانا اسد زکریا قاسمی اور زونل رؤیت ہلال کمیٹی پشاور کے ممبران مولانا احسان الحق، مولانا مفتی فضل اللہ جنیدی، مولانا محمد علی شاہ، مولانا سید عبد البصیر رستمی، علامہ عابد حسین شاکری، مفتی عتیق اللہ قادری، اعجاز احمد اور دیگر علماء کرام میں مفتی حافظ آصف علی گل اعوان، مولانا عمر فاروق شاہ، مولانا عابد اسرار، مولانا بلال احمد گولڑوی، سید محمد عبدالبصیر آزاد، پروفیسر ظفراللہ جان، حاجی غلام حسین قریشی و دیگر حضرات شامل تھے۔ اس کے علاوہ پاکستان بھر میں زونل رؤیت ہلال کمیٹیوں کے اجلاس ان کے متعلقہ ہیڈ کوارٹرز لاہور، کراچی، اسلام آباد، کوئٹہ میں منعقد ہوئے۔ مولانا سید محمد عبد الخبیر آزاد چیئر مین مرکزی رؤیت ہلال کمیٹی پاکستان نے اعلان کرتے ہوئے کہا کہ گزشتہ روز پاکستان کے اکثر و بیشتر مقامات پر مطلع ابر آلود رہا اور کچھ مقامات پر مطلع صاف بھی رہا۔ پاکستان کے کسی بھی مقام سے ماہ رمضان المبارک کے چاند کے نظر آنے کی کوئی شہادت موصول نہیں ہوئی اور عدم رویت رہی۔ لہذا اتفاق رائے سے فیصلہ کیا گیا کہ یکم رمضان المبارک 1446ھ 2 مارچ 2025ء  بروز اتوار کو ہوگی۔ مولانا عبد الخبیر آزاد نے کہاکہ اللہ تعالیٰ وطن عزیز پاکستان کو اتحاد و وحدت عطاء فرمائے، ملک کو ہر اندرونی و بیرونی خطرات سے محفوظ فرمائے۔ آمین۔ اجلاس کے آخر میں عالم اسلام کے اتحاد، حرمین شریفین کے تحفظ، پاکستان کی سلامتی و استحکام‘ ترقی وخوشحالی، اتحاد و وحدت، مقبوضہ کشمیر اور فلسطین کے مظلوم مسلمانوں کی آزادی کیلئے خصوصی دعا کی گئی۔ مسجد قاسم علی خان میں مفتی شہاب الدین پوپلزئی نے بھی چاند نظر نہ آنے اور پہلا روزہ اتوار کو رکھے جانے کا اعلان کر دیا۔ اجلاس کے دوران شرکاء کو کہیں سے بھی چاند نظر آنے کی شہادت موصول نہیں ہوئی۔