Islam Times:

اسٹاک مارکیٹ تباہ ہو رہا ہے لیکن نریندر مودی اپنی دنیا میں مست ہیں، کانگریس

اشاعت کی تاریخ: 1st, March 2025 GMT

ویڈیو میں ایک اہم جانکاری دیتے ہوئے بتایا گیا ہے کہ آپکو بتادیں کہ اسٹاک مارکیٹ نے گراوٹ کے معاملے میں 30 سال کا ریکارڈ توڑ دیا ہے لیکن نریندر مودی چپّی سادھ کر بیٹھے ہوئے ہیں۔ اسلام ٹائمز۔ ہندوستانی شیئر مارکیٹ میں آج زبردست گراوٹ دیکھنے کو ملی اور نفٹی کے ساتھ ساتھ سنسیکس نے بھی اپنی تباہی کا ماتم منایا۔ آج شیئر مارکیٹ میں ہوئی اتھل پتھل کے بعد کانگریس نے سوشل میڈیا پلیٹ فارم پر نریندر مودی اور مرکزی وزیر داخلہ امت شاہ کے کچھ پرانے بیانات کو سامنے رکھتے ہوئے انہیں ہدف تنقید بنایا ہے۔ کانگریس نے سوشل میڈیا پر میمس کے ذریعہ بھی مرکز کی مودی حکومت کو سرمایہ کاروں کے لاکھوں کروڑ روپے ڈوبنے کا ذمہ دار ٹھہرایا ہے۔ ایکس پر کئے گئے ایک میم میں نریندر مودی کو آج کے اخبارات کی سرخیاں دکھائی گئی ہیں جس میں اسٹاک مارکیٹ کریش ہونے کی بات کہی گئی ہے۔ اس تصویر میں نیچے نریندر مودی منھ زمین کی طرف گھمائے سوئے ہوئے ہیں اور ان سے کہا جا رہا ہے، اب تو نیند سے جاگو۔

ایک دیگر میم میں نریندر مودی اور وزیر داخلہ امت شاہ کی تصویر پیش کی گئی ہے۔ اس گرافکس میں اوپر عنوان دیا گیا ہے "سب مینیج ہو رہا ہے"۔ تصویر میں امت شاہ کہتے نظر آ رہے ہیں "صاحب، مارکیٹ کریش ہوگیا"۔ جواب میں نریندر مودی کہتے ہیں "گودی میڈیا کو کام پر لگا دو"۔ کانگریس نے اسٹاک مارکیٹ کریش ہونے پر ایک معلوماتی لیکن مختصر ویڈیو میں سوشل میڈیا پر پوسٹ کی ہے۔ اس میں بیک گراؤنڈ سے آواز آتی ہے کہ "ہندوستانی اسٹارک مارکیٹ میں بھونچال آیا ہوا ہے، آج شیئر مارکیٹ کھلتے ہی سرمایہ کاروں کا 4 لاکھ کروڑ روپیہ ڈوب گیا"۔ ساتھ ہی بتایا گیا ہے کہ نریندر مودی اور تمام بی جے پی لیڈران نے ملک کی عوام کو مارکیٹ میں پیسہ لگانے کے لئے کہا، لوگوں نے ان کے جملے پر بھروسہ کر کے پیسہ لگایا، اب پچھلے 5 مہینوں سے لگاتار ہندوستانی شیئر مارکیٹ میں گراوٹ جاری ہے، لوگ تباہ ہو رہے ہیں۔ اس ویڈیو میں ایک اہم جانکاری دیتے ہوئے بتایا جاتا ہے کہ آپ کو بتا دیں کہ اسٹاک مارکیٹ نے گراوٹ کے معاملے میں 30 سال کا ریکارڈ توڑ دیا ہے۔

ویڈیو میں بتایا گیا ہے گزشتہ 30 سالوں میں لگاتار 5 مہینے گراوٹ نہیں دیکھی گئی لیکن نریندر مودی چپّی سادھ کر بیٹھے ہوئے ہیں، نریندر مودی کو سرمایہ کاروں کے نقصان سے کوئی فرق نہیں پڑتا۔ قابل ذکر ہے کہ شیئر مارکیٹ میں جمعہ کے روز زبردست گراوٹ درج کی گئی ہے۔ آج کے کاروبار میں نفٹی 420.

35 پوائنٹس یعنی 1.86 فیصد گراوٹ کے ساتھ 22124.70 کی سطح پر بند ہوا، جبکہ سنسیکس 1414.33 پوائنٹس یعنی 1.89 فیصد گراوٹ کے ساتھ 73198 کی سطح پر بند ہوا۔ اس کے ساتھ ہی دونوں انڈیکس لگاتار پانچویں مہینے گراوٹ کے ساتھ کلوز ہوئے ہیں۔ ہندوستانی این ایس ای نفٹی 50 لگاتار پانچویں ماہ گراوٹ کے ساتھ 1996ء کے بعد سے اپنی سب سے طویل گراوٹ کی دور سے گزر رہا ہے۔

ذریعہ: Islam Times

کلیدی لفظ: شیئر مارکیٹ میں اسٹاک مارکیٹ ویڈیو میں نے گراوٹ ہوئے ہیں گیا ہے رہا ہے

پڑھیں:

بھارت اور یوروپی یونین نے ایف ٹی اے کی سمت ٹھوس قدم اٹھانے کا عزم کیا

نریندر مودی نے کہا کہ بھارت اور یوروپی یونین کے درمیان دو دہائیوں پرانی اسٹریٹجک شراکت داری فطری ہے، اسکی بنیاد میں اعتماد، جمہوری اقدار پر مشترکہ یقین اور مشترکہ ترقی اور خوشحالی کیلئے مشترکہ عزم ہے۔ اسلام ٹائمز۔ بھارت نے تجارت، ٹکنالوجی، سرمایہ کاری، سبز ترقی، سیکورٹی، ہنرمندی کی ترقی اور موبلیٹی پر یوروپی یونین کے ساتھ تعاون کے فریم ورک کو منظوری دیکر اس سال کے آخر تک بھارت - یوروپی یونین آزاد تجارتی معاہدے کو مکمل کرنے اور ہند-بحرالکاہل خطے میں امن و سلامتی کے لئے مشترکہ طور پر کام کرنے نیز انڈیا مڈل ایسٹ یوروپ اکنامک کوریڈور یعنی "آئیمیک" کو آگے لے جانے کے لئے ٹھوس قدم اٹھانے کا عزم کیا ہے۔ بھارتی وزیراعظم نریندر مودی اور یوروپی کمیشن کی صدر ارسلا وان ڈیئر کے درمیان آج یہاں حیدرآباد ہاؤس میں دو طرفہ میٹنگ میں یہ فیصلے کئے گئے۔ مودی نے اپنے بیان میں یورپی کمیشن کے صدر اور کالج آف کمشنرس کے ہندوستان کے دورے کو بے مثال قرار دیا اور کہا کہ یہ نہ صرف یوروپی کمیشن کا بھارت کا پہلا دورہ نہیں ہے، بلکہ کسی بھی ایک ملک میں یوروپی کمیشن کی اتنا وسیع رابطہ بھی ہے اور یہ بھی کہ یہ کمیشن کی نئی مدت کے پہلے دوروں میں سے ایک ہے۔

نریندر مودی نے کہا کہ بھارت اور یوروپی یونین کے درمیان دو دہائیوں پرانی اسٹریٹجک شراکت داری فطری ہے، اس کی بنیاد میں اعتماد، جمہوری اقدار پر مشترکہ یقین اور مشترکہ ترقی اور خوشحالی کے لئے مشترکہ عزم ہے۔ انہوں نے کہا کہ اس جذبے کے تحت کل اور آج مختلف شعبوں پر مشتمل تقریباً 20 وزارتی سطح کے اجلاس منعقد ہوئے۔ انہوں نے کہا کہ مختلف علاقائی اور عالمی امور پر سنجیدہ اور بامقصد بات چیت ہوئی، ہماری شراکت داری کو آگے بڑھانے اور تیز کرنے کے لئے کئی اہم فیصلے کئے گئے ہیں۔ مودی نے کہا کہ تجارت، ٹیکنالوجی، سرمایہ کاری، گرین گروتھ، سیکورٹی، اسکل ڈویلپمنٹ اور نقل و حرکت پر تعاون کے لئے ایک بلیو پرنٹ تیار کیا گیا ہے۔ انہوں نے کہا کہ ہم نے اپنی ٹیموں کو ہدایت دی ہے کہ وہ اس سال کے آخر تک باہمی طور پر فائدہ مند دو طرفہ آزاد تجارت کا معاہدہ کریں۔ انہوں نے کہا کہ سرمایہ کاری کے فریم ورک کو مضبوط بنانے کے لئے سرمایہ کاری کے تحفظ اور جی آئی معاہدے پر آگے بڑھنے پر بھی بات چیت ہوئی۔ ٹیکنالوجی اور اختراع کے میدان میں، ایک قابل اعتماد اور محفوظ ویلیو چین ہماری مشترکہ ترجیح ہے۔

بھارتی وزیراعظم نے کہا کہ دفاع اور سلامتی سے متعلق امور پر ہمارا بڑھتا ہوا تعاون باہمی اعتماد کی علامت ہے۔ انہوں نے کہا کہ ہم سائبر سکیورٹی، میری ٹائم سکیورٹی اور دہشتگردی سے نمٹنے کے لئے تعاون کے لئے آگے بڑھیں گے، دونوں فریق ہند پیسیفک خطے میں امن، سلامتی، استحکام اور خوشحالی کی اہمیت پر متفق ہیں۔ مودی نے کہا "ہم نے آج فیصلہ کیا ہے کہ 2025ء سے آگے ہندوستان-یوروپی یونین کی شراکت داری کے لئے ایک جرات مندانہ اور پُرجوش روڈ میپ تیار کریں گے، اسے اگلی انڈیا-یوروپی یونین سمٹ کے دوران شروع کیا جائے گا"۔ دو طرفہ میٹنگ میں شرکت کے لئے یوروپی کمیشن کے کمشنروں نے ہائیڈروجن فیول سیل ٹیکنالوجی سے چلنے والی بس کے ذریعے حیدرآباد ہاؤس کا سفر کیا۔ یہ بس ٹاٹا موٹرز اور انڈین آئل کارپوریشن لمیٹڈ (آئی او سی ایل) کے اشتراک سے تیار کی گئی ہے۔ یوروپی کمیشن کی صدر ارسلا وان ڈیر لیین نے اپنے دورے کے دوران بھارت کے یو پی آئی ادائیگی کے نظام کے استعمال کو بھی دیکھا۔