’رمضان کے حقیقی جذبے کے تحت ضرورت مندوں کی مدد کریں‘ بلاول بھٹو کی قوم سے اپیل
اشاعت کی تاریخ: 1st, March 2025 GMT
سٹی 42 : پاکستان پیپلز پارٹی کے چیئرمین بلاول بھٹو زرداری نے رمضان المبارک کے موقع پر پیغام میں کہا کہ رمضان محض روزے رکھنے کا نام نہیں، بلکہ یہ خود احتسابی، روحانی ترقی اور تجدیدِ عقیدت کا مہینہ ہے۔
بلاول بھٹو زرداری نے رمضان المبارک کے آغاز پر پاکستان سمیت دنیا بھر کے مسلمانوں کو دلی مبارکباد پیش کی ہے۔ انہوں نے دعا کی کہ یہ مقدس مہینہ سب کے لیے امن، خوشحالی اور بے شمار برکتیں لے کر آئے۔
لاہور داتا دربار جانیوالوں کی مشکلات میں اضافہ، متعلقہ انتظامیہ خاموش
چیئرمین بلاول بھٹو نے اس بات پر زور دیا کہ رمضان محض روزے رکھنے کا نام نہیں، بلکہ یہ خود احتسابی، روحانی ترقی اور تجدیدِ عقیدت کا مہینہ ہے۔ یہ صبر، عاجزی اور ہمدردی کی قدریں سکھاتا ہے اور ہمیں اس بات کی یاد دلاتا ہے کہ ہم کمزور اور ضرورت مند افراد کا خیال رکھیں اور عدل، رواداری اور اتحاد کے اصولوں کو اپنائیں۔
چیئرمین بلاول بھٹو زرداری نے تمام پاکستانیوں سے اپیل کی کہ وہ رمضان کے حقیقی جذبے کے تحت ضرورت مندوں کی مدد کریں، ایک دوسرے کے ساتھ مہربانی کا برتاؤ کریں اور ایک ایسا ماحول پیدا کریں جہاں سب کو مساوی حیثیت حاصل ہو اور سب کے ساتھ احترام اور محبت کا سلوک کیا جائے۔ انہوں نے اس عزم کا اعادہ کیا کہ پاکستان پیپلز پارٹی عوام کی فلاح و بہبود کے لیے اپنی جدوجہد جاری رکھے گی اور ایک ترقی پسند، جمہوری اور منصفانہ معاشرے کے قیام کے اپنے وژن پر قائم رہے گی، جہاں سب کو بنیادی سہولتوں اور مواقع تک مساوی رسائی حاصل ہو۔
رمضان المبارک کی آمد، چینی کی قیمتوں میں مزید اضافہ ہوگیا
چیئرمین بلاول بھٹو زرداری نے ملک اور پوری مسلم امہ کی سلامتی اور بھلائی کے لیے دعا کرتے ہوئے امید ظاہر کی کہ یہ مہینہ بھائی چارے کے رشتوں کو مزید مضبوط کرے گا اور امن و ہم آہنگی کے اصولوں کو فروغ دے گا۔ انہوں نے عوام سے اپیل کی کہ رمضان کی اصل روح کو اپناتے ہوئے اتحاد، درگزر اور باہمی احترام کو اپنی زندگی کا حصہ بنائیں۔
.ذریعہ: City 42
کلیدی لفظ: بلاول بھٹو زرداری نے چیئرمین بلاول بھٹو
پڑھیں:
والد کے اندھے قتل میں حقیقی بیٹا، بہو اور بیٹے کی خاتون دوست گرفتار
کراچی:ضلع کورنگی پولیس نے والد کے اندھے قتل میں اس کے حقیقی بیٹے، بہو اور بیٹے کی خاتون دوست کو گرفتار کرلیا۔
پولیس حکام کا کہنا ہے کہ گرفتار بیٹے نے کرائے کے قاتلوں کو والد کے قتل کی 3 لاکھ روپے کی سپاری دی تھی اور 50 ہزار روپے کی رقم پیشگی دی تھی۔ گرفتار ملزم والد کے کاروبار میں ہیر پھیر کرتا تھا، جس پر مقتول والد نے بیٹے کو کاروبار سے الگ کرکے گھر سے بھی نکال دیا تھا۔
تفصیلات کے مطابق، زمان ٹاؤن پولیس نے ہیومن انٹیلیجنس اور تکنیکی بنیادوں پر کارروائی کرتے ہوئے محمد متین خان نامی شہری کے قتل میں ملوث اس کے حقیقی بیٹے دانش، بہو طوبیٰ زوجہ دانش، اور بیٹے کی خاتون دوست ایمن دختر جمیل احمد کو گرفتار کرلیا۔ گرفتار ملزمان کے قبضے سے ایک موٹر سائیکل بھی برآمد کی گئی ہے۔
ایس ایچ او زمان ٹاؤن انسپکٹر غلام نبی آفریدی کے مطابق 18 فروری کو زمان ٹاؤن تھانے کے علاقے کورنگی نمبر 6، سیکٹر 51-سی میں نامعلوم مسلح ملزمان نے فائرنگ کرکے 61 سالہ سید محمد متین خان ولد سید محمد رحیم الٰہی کو قتل اور اس کے داماد کامران کو زخمی کردیا تھا۔ مقتول کے قتل کا مقدمہ داماد محمد کامران کی مدعیت میں درج کیا گیا تھا۔
زمان ٹاؤن پولیس نے واقعے کے تقریباً دو ماہ بعد مقتول سید محمد متین خان کے اندھے قتل میں ملوث اس کے حقیقی بیٹے، بہو اور بیٹے کی خاتون دوست کو گرفتار کرلیا۔ ایس ایچ او نے بتایا کہ مقتول سید محمد متین خان علاقے میں کیبل کا کاروبار کرتا تھا، اور مقتول نے کاروبار میں ہیر پھیر کرنے پر اپنے بیٹے دانش کو کاروبار سے الگ کردیا تھا اور اسے گھر سے بھی نکال دیا تھا، تاہم رشتہ داروں کے کہنے پر اُسے دوبارہ گھر میں رکھا گیا لیکن کاروبار میں شامل نہیں کیا۔
ایس ایچ او نے بتایا کہ مقتول کا بیٹا اپنی خاتون دوست کے لیے پیسے چوری کیا کرتا تھا، اور قتل سے تقریباً دو ماہ قبل بھی والد متین نے بیٹے دانش کو ڈانٹا تھا، جس کے بعد گرفتار ملزم دانش نے والد کو قتل کرنے کا منصوبہ بنایا اور کرائے کے قاتلوں سے رابطہ کیا۔ تین لاکھ روپے میں قتل کی سپاری طے ہوئی، جس میں پچاس ہزار روپے کی پیشگی رقم خاتون دوست ایمن سے لے کر ادا کی گئی، جبکہ باقی رقم والد کے قتل کے بعد ادا کرنے کا وعدہ کیا گیا تھا۔
ایس ایچ او نے بتایا کہ واقعے کے دن ملزم نے بیوی سے معلومات حاصل کیں کہ والد گھر سے نکلے یا نہیں، بیوی نے مقتول کے گھر سے نکلنے کی اطلاع دی۔ ملزم کی بیوی اور خاتون دوست کو علم تھا کہ دانش اپنے والد کو قتل کرانے کا ارادہ رکھتا ہے، مگر دونوں نے یہ بات پولیس یا مقتول کے دیگر اہلخانہ سے چھپائی۔
ایس ایچ او نے بتایا کہ کرائے کے قاتل شریف خان اور سیال خان واقعے کے بعد بنوں فرار ہوگئے تھے، اور اب معلوم ہوا ہے کہ ایک ملزم شریف کسی بیماری میں مبتلا ہونے کے بعد اپنی موت مر چکا ہے، جبکہ دوسرا ملزم فرار ہے، جس کی گرفتاری کے لیے کوششیں جاری ہیں۔ گرفتار ملزم 7 بہن بھائیوں میں سے بڑا اور 4 بیٹیوں کا باپ ہے۔ ملزم اپنے مفرور ساتھیوں کے ہمراہ دیگر ڈکیتی کی وارداتوں میں بھی ملوث ہے۔ گرفتار ملزم نے ابتدائی تفتیش میں اپنے والد کو قتل کروانے کا اعتراف جرم کرتے ہوئے اپنے کیے پر پچھتاوے کا اظہار کیا ہے۔
عمران خان نے اڈیالہ جیل میں ملاقات سے متعلق معاملہ سپریم کورٹ لے جانے کی ہدایت کردی