دنیا کے امیر ترین شخص ایلون مسک کے ہاں 14ویں بچے کی پیدائش
اشاعت کی تاریخ: 1st, March 2025 GMT
معروف امریکی کمپنی ٹیسلا کے بانی اور ڈونلڈ ٹرمپ کے قریبی مشیر ایلون مسک کے ہاں 14ویں بچے کی پیدائش ہوئی ہے۔
ایلون مسک کی جانب سے 14ویں بچے کی پیدائش پر خوشی کا اظہار کیا گیا ہے، اور انہوں نے اس کی باقاعدہ تصدیق بھی کردی ہے۔
یہ بھی پڑھیں ایلون مسک کی کمپنی ایکس اے آئی نے نیا چیٹ بوٹ گروک3 لانچ کردیا
شیون زیلیس جو اس سے قبل ایلون مسک کے تین بچوں کی ماں ہیں، انہوں نے ایکس پر پوسٹ شیئر کرتے ہوئے ایلون مسک کے چوتھے بچے کی پیدائش کا اعلان کیا ہے۔
سوشل میڈیا پر پوسٹ شیئر کرتے ہوئے انہوں نے لکھا کہ ایلون سے مشورہ کرنے کے بعد آرکیڈیا کی پہلی سالگرہ کے موقع پر ہمیں اپنے بیٹے سیلڈن لائکرگس کے بارے میں لوگوں کو براہِ راست بتانا بہتر لگا۔
ایلون مسک نے شیون زیلیس کی پوسٹ کا جواب دیتے ہوئے سرخ دل والا ایجوجی بنایا اور اپنے بچے کی پیدائش کی تصدیق کردی۔
یاد رہے کہ شیون زیلیس ایلون مسک کی کمپنی نیورا لنک میں اعلیٰ ایگزیکٹیو کے عہدے پر فائز ہیں، اور اس سے قبل ان سے ایلون مسک کے تین بچے ہیں۔
ایلون مسک اور شیون زیلیس نے بچے کی پیدائش کا اعلان کیا ہے تاہم یہ نہیں بتایا کہ یہ بچہ کب پیدا ہوا۔
یہ بھی پڑھیں سیم آلٹ مین نے اوپن اے آئی خریدنے کی ایلون مسک کی پیشکش ٹھکرادی
یہ بھی واضح رہے کہ اس سے قبل 26 سالہ خاتون ایشلے سینٹ کلیئر نے سوشل میڈیا پیغام کے ذریعے ایلون مسک کے 13ویں بچے کی پیدائش کا اعلان کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان امریکی کمپنی ایکس ایلون مسک بچے کی پیدائش ٹیسلا وی نیوز.ذریعہ: WE News
کلیدی لفظ: اعلان امریکی کمپنی ایکس ایلون مسک بچے کی پیدائش ٹیسلا وی نیوز بچے کی پیدائش ایلون مسک کی ایلون مسک کے شیون زیلیس کی کمپنی
پڑھیں:
جماعت اسلامی کے سابق نائب امیر پروفیسر خورشید احمد انتقال کرگئے
جماعت اسلامی کے سابق رہنما و نائب امیر پروفیسر خورشید احمد 93 برس کی عمر میں انتقال کرگئے ہیں۔
ترجمان جماعت اسلامی کےمطابق پروفیسر خورشید احمد برطانیہ کے شہرلیسٹر میں انتقال کرگئے ہیں، مرحوم پروفیسر خورشید احمد جماعت اسلامی کےسابق نائب امیر اورسینیٹر بھی رہے، وہ ماہر معیشت اور متعدد کتابوں کے مصنف بھی تھے، ان کی عمر 93 برس تھی۔
یہ بھی پڑھیں: پاکستان پیپلز پارٹی کے انتقال کرجانے والے سینیئر رہنما سینیٹر تاج حیدر کون تھے؟
مرحوم کا شمار جماعت اسلامی کے بانی سید ابو الاعلیٰ مودودی کے دیرینہ ساتھیوں میں ہوتا ہے۔ پروفیسر خورشید احمد کو 1990 میں کنگ فیصل ایوارڈ دیا سے بھی نوازا گیا تھا، یہ ایوارڈ ان کے اسلام کے لیے خدمات پر دیا گیا،انہیں حکومت پاکستان کی جانب سے 2011 میں نشان امتیاز سے نوازا گیا۔
مرحوم کو اقتصادیات اسلام میں گراں قدر خدمات انجام دینے پر اسلامی بینک نے 1990 میں اعلیٰ ترین ایوارڈ بھی دیا تھا، امریکن فنانس ہاؤس نے 1998 میں اسلامک فنانس اعزاز بھی عطا کیا۔
جماعت اسلامی کے رہنماؤں کا اظہار افسوسامیر جماعت اسلامی حافظ نعیم الرحمان،نائب امیر لیاقت بلوچ اوردیگر رہنماؤں نے پروفیسر خورشید احمد کے انتقال پرگہرے دکھ اورافسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اظہار افسوس انتقال پاکستان پروفیسر خورشید احمد جماعت اسلامی
اسلام آباد: منشیات اسمگلنگ میں ملوث میاں بیوی گرفتار، 2612 گرام چرس برآمد