مولانا حامد الحق کی شہادت کے پس پردہ عالمی سامراجی استعماری قوتیں اور انکے آلہ کار ہیں، علماء مشائخ
اشاعت کی تاریخ: 1st, March 2025 GMT
مشترکہ پریس کانفرنس کرتے ہوئے علماء نے کہا کہ حکومت مولانا حامد الحق شہید کے قاتلوں، ان کے سہولت کاروں کو فی الفور گرفتار کرکے قرار واقعی سزائیں دے اور مولانا کے قتل کے پس پردہ اصل حقائق کو منظر عام پر لانے کیلئے اعلیٰ سطحی عدالتی تحقیقاتی ٹربیونل تشکیل دے۔ اسلام ٹائمز۔ جمعیت علمائے اسلام (س) کے مرکزی ڈپٹی سیکریٹری جنرل مولانا خواجہ احمد الرحمن یار خان کی دعوت پر مرکزی رہنماء یارگار اسلاف مولانا اقبال اللہ کی زیر صدارت جامعہ دارالخیر گلستان جوہر میں مولانا حامد الحق حقانی کی جامعہ دارالعلوم حقانیہ اکوڑہ خٹک میں نماز جمعہ میں خودکش حملہ میں شہادت کے خلاف جمعیت سمیت شہر کے ممتاز جید علماء مشائخ کی احتجاجی پریس کانفرنس سے خطاب کرتے ہوئے علماء و مشائخ نے مولانا حامد الحق حقانی کی دن دھاڑے پولیس گارڈ و سیکورٹی انتظامات کی موجودگی میں ظالمانہ شہادت کی پرزور مذمت کی اور اسے صوبائی و وفاقی حکومت اور سیکورٹی اداروں کیلئے کھلا چیلنج و ان کی اہلیت پر سوالیہ نشان قرار دیا اور کہا ہے کہ مولانا حامد الحق لڑکیوں کی تعلیم کے حامی تھے، بعض میڈیا ان کے موقف کو منفی و غلط رنگ دے کر ان کی شہادت کا رخ غلط سمت موڑ ناچاہتے ہیں جو یقیناً قابل مذمت ہے، مولانا شہید پاکستان میں اپنے والد شہید مولانا سمیع الحق کی طرح نفاذ شریعت کے داعی و محرک تھے، مولانا حامد الحق کی شہادت کے پس پردہ اسلام و ملک دشمن عالمی سامراجی استعماری قوتیں اور ان کے آلہ کار ہیں۔
علماء نے کہا کہ سات سال گزرنے کے باوجود مولانا سمیع الحق شہید کے قاتل ابھی تک پکڑے بھی نہیں گئے تھے کہ ان کے صاحبزادے مولانا حامد الحق کو بھی شہید کردیا گیا، اسی طرح جمعیت کے مرکزی رہنماء مولانا مفتی محمد عثمان یار خان شہید کے قاتل بھی حکمرانوں کی نااہلی کے باعث تاحال گرفتار نہیں کئے جاسکے، پاکستان میں مسلسل علمائے حق کا قتل و شہادتیں حکمرانوں کی واضح نااہلی و ناکامی کا تازیانہ ہے، حکومت مولانا حامد الحق شہید کے قاتلوں، ان کے سہولت کاروں کو فی الفور گرفتار کرکے قرار واقعی سزائیں دے اور مولانا کے قتل کے پس پردہ اصل حقائق کو منظر عام پر لانے کیلئے اعلیٰ سطحی عدالتی تحقیقاتی ٹربیونل تشکیل دے، حکومت ہماری امن پسندی اور صبر و تحمل کو کمزوری پر محمول نہ کرے چونکہ پاکستان اندرونی و بیرونی سازشوں، بدامنی، دہشت گردی کا شکار ہے، ایسے حالات میں ہم حکومت کو مزید مشکلات میں نہیں ڈالنا چاہتے، پاکستان ہمارے اکابرین نے بنایاتھا اور بے شمار قربانیاں دی تھیں، پاکستان کی حفاظت و سلامتی کو ہر چیز پر مقدم سمجھتے ہیں۔
ذریعہ: Islam Times
کلیدی لفظ: مولانا حامد الحق کے پس پردہ شہید کے
پڑھیں:
نظریہ پاکستان ہی پاکستان کی بقا کا ضامن ہے ،مولانا سید عبدالخبیرآزاد
لاہور (اُردو پوائنٹ اخبارتازہ ترین - اے پی پی۔ 28 اپریل2025ء) چیئر مین مرکزی رویت ہلال کمیٹی پاکستان و خطیب و امام بادشاہی مسجد لاہور مولانا سید عبدالخبیر آزاد نے کہا ہے کہ پاکستان دو قومی نظریہ کی بنیاد پر وجود میں آیا ہے۔ہم ایک قوم ہیں اور نظریہ پاکستان ہی پاکستان کی بقا کا ضامن ہے۔علمائے کرام منبر و محراب کے ذریعے پاکستان میں قومی یکجہتی،امن،مذہبی ہم آہنگی اور ملک میں وحدت کو پیدا کرنے کیلئے کلیدی کردار ادا کریں۔وزیر اعظم پاکستان محمد شہباز شریف نے پہلگام واقع کی عالمی سطح پر تحقیقات کرنے کا جو عندیہ دیا ہے اس سے بھارت بوکھلاہٹ کا شکار ہو گیا ہے۔بھارت نے اگر کسی قسم کی جارحیت مسلط کرنے کی کوشش کی تو پوری قوم اپنے سپہ سالار جنرل عاصم منیر کی قیادت میں بھارت کو منہ توڑ جواب دے کر اس کے ناپاک عزائم کو خاک میں ملا د ے گی۔(جاری ہے)
وہ چناب کلب فیصل آباد میں منعقدہ قومی یکجہتی کانفرنس سے خطاب کر رہے تھے۔
اس موقع پر کمشنر فیصل آباد مریم خاں، آر پی او فیصل آباد ذیشان اصغر، ڈپٹی کمشنر فیصل آباد کیپٹن (ر)ندیم ناصر،مفتی شاہد عبید،قاضی عبدالغفار قادری،علامہ محمد رشید ترابی،مفتی اسحاق ساقی،علامہ کاظم رضا نقوی، مفتی عبدالوہاب روپڑی،مولانا زاہد محمود قاسمی سمیت ڈویژنل، ڈسٹرکٹ اور تحصیل امن کمیٹیوں سے تعلق رکھنے والے تمام مکاتب فکر کے جید علمائے کرام اور مشائخ عظام بھی موجود تھے۔انہوں نے کہاکہ دنیا جانتی ہے کہ پہلگام واقعہ جھوٹ کا پلندہ اور مودی حکومت کی چال ہے جس کی ہم پر زورمذمت کرتے ہیں۔پاکستانی قوم ملک کے دفاع و استحکام کیلئے اپنی بہادر مسلح افواج اور قومی سلامتی اداروں کے ساتھ سیسہ پلائی ہوئی دیوار بن کر کھڑی ہے۔ہم یک جا ن ہو کر ہی دشمن کو شکست دے سکتے ہیں۔بھارت اور مودی کا ناپاک ایجنڈا پاکستان میں نہیں چلنے دیں گے۔انہوں نے کہاکہ دہشت گردی و انتہا پسندی کاخاتمہ،تشدد سے پاک معاشرہ،احترام انسانیت اور پیغام پاکستان کا فروغ ہم سب کی ذمہ داری ہے۔ریاست،پاکستانی عوام اور امت مسلمہ مظلوم اہل فلسطین وغز ہ کے مسلمانوں کے ساتھ کھڑی ہے۔ تمام اسلامی ممالک اسرائیلی جارحیت ر کوانے کیلئے اپنا موثر کردار ادا کریں۔ انہوں نے کہاکہ پر امن احتجاج ہمارا حق ہے لیکن ملک کی املاک کونقصان پہنچانا دشمن کو فائدہ دینے کے مترادف ہے۔انہوں نے کہاکہ ہم اپنے شہدا کو سلام پیش کرتے ہیں جنہوں نے اپنی لازوال اور بے مثال قربانیاں پیش کر کے ملک کے دفاع کو مضبوط بنایا ہے۔
وزیراعظم کے سپیچ رائٹررارشدملک کاتبادلہ وزیراعظم آفس میں تبادلہ