پاک بحریہ کے جہاز یرموک کی IDEX اور NAVDEX 25 میں شرکت، عالمی دفاعی تعاون کا مظاہرہ
اشاعت کی تاریخ: 1st, March 2025 GMT
اسلام آباد(صغیر چوہدری )پاک بحریہ کے جہاز یرموک کی بین الاقوامی دفاعی نمائش (IDEX) اور بحری دفاعی نمائش (NAVDEX 25) میں شرکت کے لئے متحدہ عرب امارات کا دورہ ،بحری نمائش میں 65 ممالک کی شرکت کے ساتھ 8 ممالک کے بحری جہازوں نے شرکت کی ۔بندرگاہ پہنچنے پر پاکستانی سفارتخانے کے حکام اور بحری نمائش کے سربراہ نے جہاز کا پرتپاک استقبال کیا پاکستان بحریہ کے ڈپٹی چیف آف دی نیول اسٹاف (آپریشنز) کی نمائش میں شرکت کرنے والی شخصیات سے باہمی دلچسپی کے امور پر تبادلہ خیال،متحدہ عرب امارات کے وزیر برائے رواداری، رومانیہ اور یمن کے وزرائے دفاع سمیت متعدد اہم شخصیات نے پی این ایس یرموک کا دورہ کیا،دفاعی نمائش میں شرکت متحدہ عرب امارات کے ساتھ مضبوط دفاعی تعلقات اور عالمی میری ٹائم سیکیورٹی اقدامات میں پاکستان بحریہ کے فعال کردار کی عکاسی کرتی ہے ۔پی این ایس یرموک نے متحدہ عرب امارات کی بحریہ کے جہاز الامارات کے ساتھ مشقیں بھی کیں
.ذریعہ: Daily Mumtaz
کلیدی لفظ: متحدہ عرب امارات بحریہ کے میں شرکت
پڑھیں:
ائرچیف ظہیر احمد بابر سے ازبک وفد کی ملاقات، دفاعی تعاون بڑھانے پر غور
اسلام آباد (خبر نگار خصوصی) ائر چیف مارشل ظہیر احمد بابر سدھو سے ازبکستان کے اعلیٰ ترین دفاعی وفد نے ملاقات کی۔ آئی ایس پی آر کے مطابق ملاقات میں باہمی دلچسپی کے امور پر تبادلہ خیال کیا گیا۔ وفد کی قیادت ازبکستان کے نائب وزیر دفاع اور کمانڈر ائر ڈیفس فورسز نے کی۔ مشترکہ تربیت اور ایروسپیس شعبے میں تعاون پر بھی بات چیت کی گئی۔ دونوں ممالک کی ائر فورسز کے درمیان تعاون میں اضافے کی خواہش کا اظہار کیا گیا۔ ائر چیف نے دونوں برادر ممالک کے درمیان مضبوط فوجی تعلقات پر روشنی ڈالی۔ ازبک نائب وزیر دفاع نے مشاق طیاروں کی خریداری کے ذریعے ازبک بیسز میں توسیع کی خواہش کا اظہار کیا۔ ائر ہیڈ کوارٹرز اسلام آباد آمد پر میجر جنرل برخالوف احمد کو گارڈ آف آنر پیش کیا گیا۔ معزز مہمان نے پاکستان ائر فورس کی پیشہ ورانہ مہارت کو سراہا۔ وفد نے پی اے ایف سائبر کمانڈ اور قومی انٹیلی جنس نگرانی، مربوط فضائی آپریشنز سینٹر کا دورہ کیا۔
ہیوی ٹریفک شاہراہ پاکستان سےنادرن بائی پاس پر منتقل کیا جائے: منعم ظفرخان کا ڈی آئی جی سے مطالبہ