محسن نقوی کو چیمپئنز ٹرافی کے بعد اہم اعزاز ملنے کا امکان
اشاعت کی تاریخ: 1st, March 2025 GMT
پاکستان کرکٹ بورڈ (پی سی بی) کے چیئرمین محسن نقوی کو چیمپئنز ٹرافی 2025 کے بعد ایشین کرکٹ کونسل (اے سی سی) کی صدارت سونپے جانے کا امکان ہے ذرائع کے مطابق محسن نقوی آئی سی سی چیمپئنز ٹرافی کے فائنل کے بعد دبئی میں ہونے والے جنرل کونسل اجلاس میں باضابطہ طور پر اے سی سی کی صدارت سنبھالیں گے اس وقت یہ عہدہ عبوری طور پر سری لنکا کرکٹ بورڈ کے صدر شمی سلوا کے پاس ہے تاہم اجلاس کے بعد قیادت پاکستان کے حوالے کر دی جائے گی اجلاس میں بھارت میں ہونے والے آئندہ ایشیا کپ کے مقامات پر بھی غور کیا جائے گا امکان ہے کہ پاکستان کے میچز دبئی یا سری لنکا میں منعقد کیے جائیں گے تاکہ بھارتی ٹیم کی عدم شرکت کی صورت میں ایونٹ کا انعقاد ممکن بنایا جا سکے گزشتہ سال پاکستان کی میزبانی میں ہونے والے ایشیا کپ اور آئی سی سی چیمپئنز ٹرافی میں بھارتی ٹیم کی عدم شرکت کے پیش نظر ہائبرڈ ماڈل اپنانے کی تجویز دی گئی تھی اطلاعات کے مطابق اے سی سی کی جانب سے یہ اقدامات پاکستان اور بھارت کے درمیان کرکٹ معاملات میں جاری تناؤ کو کم کرنے کے لیے کیے جا رہے ہیں
.ذریعہ: Nawaiwaqt
کلیدی لفظ: چیمپئنز ٹرافی کے بعد
پڑھیں:
منشیات کی اسمگلنگ روکنے کے لیے مربوط حکمت عملی اپنانا ہوگی، محسن نقوی
وفاقی وزیر داخلہ محسن نقوی نے کہا ہے کہ منشیات کی اسمگلنگ اور اس کے استعمال کے خاتمے کے لیے مربوط حکمت عملی، انٹیلی جنس شیئرنگ اور خلیجی ممالک کے ساتھ قریبی تعاون ناگزیر ہے۔ منشیات کی اسمگلنگ روکنے کے لیے مربوط حکمت عملی اپنانا ہوگی۔
انسداد منشیات کے حوالے سے اسلام آباد میں منعقدہ پاک-خلیج کانفرنس سے خطاب کرتے ہوئے محسن نقوی کا کہنا تھا کہ آج ہم اپنی ریاستوں کے نمائندے ہی نہیں بلکہ عالمی سطح پر صفِ اوّل کے سپاہی بن کر منشیات جیسی لعنت کے خلاف متحد ہو چکے ہیں۔ ان کا کہنا تھا کہ خلیجی ممالک کے وفود کی شرکت دونوں اطراف کے پختہ عزم کی عکاس ہے۔
وزیر داخلہ نے اس بات پر زور دیا کہ اینٹی نارکوٹکس فورس کی میزبانی میں ہونے والی اس کانفرنس کا مقصد منشیات سے پاک دنیا کا مشترکہ وژن ہے، جس کے لیے حکومت خلیجی ریاستوں کے ساتھ ہر شعبے میں تعاون بڑھانے کے لیے مکمل طور پر تیار ہے۔
مزید پڑھیں: خیبرپختونخوا صحت کارڈ سے اب منشیات کے عادی افراد بھی مستفید ہوسکیں گے
محسن نقوی نے کہا کہ اس لعنت کے خاتمے کے لیے انٹیلی جنس کا تبادلہ، مشترکہ تربیت، حقیقی وقت میں رابطہ اور تکنیکی اشتراک انتہائی ضروری ہیں۔ ان کے بقول یہ تمام اقدامات نوجوان نسل اور معاشروں کے محفوظ مستقبل کی ضمانت بن سکتے ہیں۔
انہوں نے کہا کہ پاکستان اور خلیجی ممالک کے درمیان اشتراک منشیات کے خلاف جنگ کو مزید مؤثر اور مضبوط بنائے گا، اور یہی مشترکہ جدوجہد آنے والے وقت میں کامیابی کی بنیاد ثابت ہو گی۔
کانفرنس میں وفاقی سیکریٹری داخلہ، ڈی جی اے این ایف اور خلیجی ریاستوں کے اعلیٰ سطحی وفود نے بھی شرکت کی۔ وزیر داخلہ نے امید ظاہر کی کہ منشیات کے خاتمے کے لیے جاری اس تعاون کو نئی جہت دی جائے گی تاکہ اس عالمی مسئلے سے نمٹنے میں واضح پیش رفت ممکن ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد منشیات پاک-خلیج کانفرنس منشیات کی اسمگلنگ وفاقی وزیر داخلہ محسن نقوی
لاہور:نوجوان لڑکے سے بدفعلی کرکے ویڈیو بنانے والے 2 ملزم گرفتار