نیسلے پاکستان کی سی ڈی اے کے اشتراک سے اسلام آباد میں ایک لاکھ درخت کے ساتھ شہری جنگلات اگانے کی مہم کا آغاز
اشاعت کی تاریخ: 1st, March 2025 GMT
لاہور (اُردو پوائنٹ اخبارتازہ ترین۔ 01 مارچ2025ء) وزیر اعظم کی معاون برائے ماحولیاتی تبدیلی،رومینہ خورشید عالم، سیکرٹری داخلہ کیپٹن (ریٹائرڈ) خرم آغاز، سیکرٹری موسمیاتی تبدیلی عائشہ حمیرا، سیکرٹری تعلیم محی الدین وانی، چیئرمین سی ڈی اے علی رندھاوا، سوئس سفارتخانہ کے ناظم الامور کلاڈیا تھامس، سی ای او نیسلے پاکستان جیسن آوانسینا کی شرکت
وزیر اعظم کی معاون برائے ماحولیاتی تبدیلی اور ماحولیاتی رابطہ رومینہ خورشید عالم نے اسلام آباد میں نیسلے پاکستان کی سی ڈی اے کے اشتراک سے ایک لاکھ درخت کے ساتھ شہری جنگلات اگانے کی پہلی مہم کاافتتا ح کیا۔
(جاری ہے)
اس موقع پر گفتگو کرتے ہوئے وزیر اعظم کی معاون برائے ماحولیاتی تبدیلی رومینہ خورشید عالم نے کہا، '' شہری جنگلات اس بات کی بہترین مثال ہے کہ جب سرکاری اور نجی شعبے کسی مشترکہ مقصد کے تحت اکٹھے ہوتے ہیں تو کیا کچھ حاصل کیا جا سکتا ہے۔
نیسلے پاکستان کے چیف ایگزیکٹو آفیسر جیسن آوانسینا نے کہا،'' موسمیاتی تبدیلی ایک حقیقت ہے اور ہمیں موسمیاتی تبدیلی کے اثرات کو کم کرنے کیلئے بھرپور اور فعال کردار کرنے کی ضرورت ہے۔ نیسلے طقبات کی فلاح وبہبود کیلئے شہری جنگلات جیسے پائیدار اقدامات میں تسلسل کے ساتھ سرمایہ کاری کررہا ہے۔ جنگلات کی کٹائی کے رجحان کو ختم کرنا اور ایک سرسبز مستقبل کیلئے کام کرنا ہمارا فرض اور ذمہ داری ہے۔ ''
انہوں نے کہا، ''شہری جنگلات اور قابل تجدید توانائی میں مسلسل سرمایہ کاری جیسے اقدامات معاشرے پر مثبت اثرات مرتب کرنے اور ماحولیاتی پائیداری کے لئے ہمارے عزم کا عکاس ہے۔ ہم مشترکہ اقدار کی تخلیق کے ذریعے ہماری ویلیو چینی میں مثبت اثرات مرتب کرنے کیلئے کوشاں ہیں۔
سیکرٹری داخلہ کیپٹن (ریٹائرڈ) خرم آغاز نے کہا، '' مجھے امید ہے کہ ہم ایک دوسرے کو اس طرح کے طرز عمل کی ترغیب دے سکتے ہی اور حکومت پاکستان کے موقف کے مطابق موسمیاتی تبدیلی کے حوالے سے وسیع ایجنڈا میں اپنا کردار ادا کرسکتے ہیں۔
سیکرٹری وفاقی تعلیم محی الدین وانی نے کہا، '' سرسبز مستقبل کیلئے ہماری باصلاحیت نوجوان نسل کو متحرک کرنے سے سکولوں اور کالجوں کے طالب علم نیسلے اور سی ڈی اے کے ساتھ شہری جنگلات اگانے کی اس مہم میں بڑھ چڑھ کر حصہ لیں گے۔
چیئرمین سی ڈی اے محمد علی رندھاوا نے کہا، '' نیسلے کی ایک لاکھ درختوں کے ساتھ شہری جنگلات کی مہم نے 2025 میں اسلام آباد میں دس لاکھ درخت لگانے کے ہمارے مقصد کو تحریک دی ہے۔ہم دوسری کمپنیوں پر زور دیتے ہیں کہ وہ آگے آئیں اور اس مقصد میں ہمارا ساتھ دیں۔
اسلام آباد میں شہری جنگلات کی مہم میں کچنار، سکھ چین، سیپیم، املتاس اور جیکا رانڈا سمیت ایک لاکھ درخت لگائے جائیں گے۔ یہ اقدام موسمیاتی تبدیلی اور کرہ ارض پر زندگی کے حوالے سے اقوام متحدہ کے پائیدار ترقی کے اہداف (ایس ڈی جیز) 13 اور 15 سے ہم آہنگ ہے۔
نیسلے کا ہیڈکوارٹرز سویٹزرلینڈ میں واقع ہے جو گزشتہ 35 سال سے پاکستان میں کاروباری سرگرمیاں جاری رکھے ہوئے ہے۔ نیسلے طبقات کیلئے مشترکہ اقدار کی تخلیق کے ذریعے اپنی ویلیو چین میں مثبت اثرات مرتب کرنے کیلئے کوشاں ہے۔.
ذریعہ: UrduPoint
کلیدی لفظ: تلاش کیجئے موسمیاتی تبدیلی اسلام آباد میں نیسلے پاکستان سی ڈی اے کے لاکھ درخت کرنے کی نے کہا
پڑھیں:
روڈن انکلیو کا فاطمہ جناح وومن یونیورسٹی کے ساتھ اشتراک کا فیصلہ
روڈن انکلیو کا فاطمہ جناح وومن یونیورسٹی کے ساتھ اشتراک کا فیصلہ WhatsAppFacebookTwitter 0 16 April, 2025 سب نیوز
راولپنڈی (آئی پی ایس) راولپنڈی کے معروف ہاؤسنگ پراجیکٹ روڈن انکلیو کے جنرل منیجر محمد راشد نے فاطمہ جناح وومن یونیورسٹی راولپنڈی کے ساتھ کھڑے ہونے اور مستقبل میں تعاون بڑھانے کا بڑا فیصلہ کیا ہے۔
اس سلسلے میں جی ایم راشد نے یونیورسٹی کی ڈائریکٹر اسپورٹس میڈم تصور سے خصوصی ملاقات کی، جس میں دونوں اداروں کے درمیان مختلف مثبت اور تعمیری منصوبوں پر تبادلہ خیال کیا گیا۔ ملاقات میں فیصلہ کیا گیا کہ طالبات کے روشن مستقبل کو مدنظر رکھتے ہوئے بزنس مین کمیٹی کے تحت لیکچرز اور مختلف سیمینارز کا انعقاد کیا جائے گا۔
جی ایم راشد کا کہنا تھا کہ “ہم فاطمہ جناح وومن یونیورسٹی کے ساتھ مکمل طور پر کھڑے ہیں، اور ان شاءاللہ طالبات کو درکار ہر قسم کی اسپانسرشپ اور سہولیات فراہم کریں گے۔ روڈن انکلیو ایک ایسا پلیٹ فارم ہے جو نوجوانوں کے اسپورٹس مستقبل کو نکھارنے میں اہم کردار ادا کر رہا ہے۔ جن بچوں کو ماضی میں اسپورٹس میں وہ مقام نہیں ملا، ہم ان کی عزت بحال کریں گے اور انہیں بڑے پلیٹ فارمز تک لے کر جائیں گے۔”
میڈم تصور نے بھی روڈن انکلیو کے اس اقدام پر شکریہ ادا کرتے ہوئے کہا کہ “ہم روڈن انکلیو کے بے حد مشکور ہیں جنہوں نے نہ صرف ہمارا ساتھ دینے کا فیصلہ کیا بلکہ ہماری طالبات پر اعتماد بھی ظاہر کیا۔ یہ ایک خوش آئند قدم ہے جو ہماری طالبات کے حوصلے بلند کرے گا۔”
کون کتنے پانی میں ہے؟ آئی سی سی کی نئی رینکنگ نے بھید کھول دیا