کیلا 250 روپے درجن، سیب 350 روپے کلو، پہلے روزے سے قبل ہی قیمتوں کو پر لگ گئے
اشاعت کی تاریخ: 1st, March 2025 GMT
کمشنر کراچی کی جانب سے جاری کردہ پھلوں اور سبزیوں کا نرخ نامہ محض کاغذ کا ٹکڑا ثابت ہوگیا, پہلے روزے سے قبل ہی سبزیاں اور فروٹ مہنگے ہوگئے۔
نجی ٹی وی کے مطابق کمشنر کی جاری کردہ پرائس لسٹ میں پیاز کی قیمت 63 روپے فی کلو مقرر کی گئی تھی تاہم پیاز 80 روپے فی کلو بیچی جارہی ہے، اسی طرح لہسن 610 کے بجائے 1200 روپے فی کلو میں فروخت ہورہا ہے، اسی طرح پھلوں کی قیمتوں میں بھی نمایاں فرق دیکھا جارہاہے ۔
کیلا 146 روپے کے بجائے 250 روپے درجن بیچا جارہا ہے، سیب 219 کے بجائے 350 روپے فی کلو، امرود 138 کے بجائے 200 روپے فی کلو فروخت کیا جارہا ہے۔
مارکیٹ کے نرخ کمشنر کے جاری کردہ نرخ نامے سے کہیں مختلف نظر آرہے ہیں، آلو کی قیمت کمشنر کی لسٹ میں 92 روپے ہے، جب کہ دکاندار 70 روپے کلو بیچ رہے ہیں، مرچیں 58 روپے کے بجائے 100 روپے میں فروخت کی جارہی ہیں، اسی طرح دھنیا 5 روپے کے بجائے 30 روپے میں دستیاب ہے، پودینا 6 روپے کے بجائے 15 روپے فی گڈی مل رہا ہے۔
فروٹ کی بات کی جائے تو کیلا 146 روپے کے بجائے 250 روپے فی درجن، سیب 219 کے بجائے 350 روپے فی کلو، امرود 138 کے بجائے 200 روپے فی کلو، موسمی 161 کے بجائے 300 روپے فی درجن، اسٹرابیری 161 کے بجائے 450 روپے فی کلو میں فروخت کی جارہی ہے۔
یاد رہے کہ کمشنر کراچی کی جانب سے ایک روز قبل ماہ رمضان المبارک کے لیے اشیائے خورو نوش کی قیمتوں کی فہرست جاری کی گئی تھی، اور انتظامیہ کو ہدایت کی گئی تھی کہ وہ پرائس لسٹ پر عملدرآمد کروائے، تاہم کراچی میں پہلے روزے سے پہلے ہی سبزیوں اور پھلوں کی قیمتوں میں اچانک اضافہ ہوگیا ہے۔
شہریوں کا کہنا ہے کہ تنخواہ دار طبقہ رمضان المبارک میں پھل خریدنے کی استطاعت ویسے ہی کھوچکا ہے، ایسے میں مافیا کی جانب سے پھلوں کی قیمتیں بڑھادینا اسے افطار میں کسی ایک پھل سے بھی محروم کرنے کا سبب بن جائے گا، انتظامیہ پرائس کنٹرول کو یقینی بنائے تاکہ متوسط طبقہ بھی اپنی فیملی کے ساتھ افطار میں کوئی ایک پھل تو کھاسکے۔
.ذریعہ: Daily Mumtaz
کلیدی لفظ: روپے کے بجائے روپے فی کلو
پڑھیں:
رمضان المبارک کی آمد سے قبل کوئٹہ میں اشیائے خورونوش کی قیمتوں میں کتنا اضافہ ہوا؟
اسلامی سال کے سب سے مبارک مہینے رمضان المبارک کی آمد آمد ہے اس ماہ مقدس کی تیاری کرتے ہوئے ایک جانب جہاں لوگ عبادات شروع کر چکے ہیں وہیں ماہ مبارک کے دوران لذیذ پکوان دستر خوان کی زینت بنانے کے لیے اشیائے خورونوش کی خرید و فروخت کا سلسلہ بھی جاری ہے۔
بات کی جائے اگر بلوچستان کے صوبائی دارالحکومت کوئٹہ کی تو ملک کے دیگر شہروں کی طرح کوئٹہ کے باسی بھی ماہ صیام کی تیاریوں میں مشغول ہیں تاہم عوام کا شکوہ ہے کہ ماہ مقدس کی آمد سے قبل ہی شہر میں اشیائے خورونوش کی قیمتوں میں اضافہ ہونے لگا ہے۔
وی نیوز سے بات کرتے ہوئے کوئٹہ کے رہائشی ابرار احمد نے بتایا کہ ابھی ماہ رمضان کا چاند نہیں نظر آیا لیکن مارکیٹوں میں اشیائے خورونوش کی قیمتوں میں اضافہ ہونے لگا ہے۔ 2 ہفتے قبل 80 روپے میں ملنے والا پیاز 100 روپے، 60 روپے میں ملنے والے ٹماٹر 90 روپے، 70 روپے میں ملنے والے آلو 100 روپے اس کے علاوہ موسم سبزیوں کی قیمتوں میں بھی 10 سے 20 فیصد اضافہ دیکھنے کو ملا ہے۔
مزید پڑھیں: رمضان المبارک: لوگ بلوچستان کی کھجور زیادہ کیوں کھاتے ہیں؟
ابرار احمد نے بتایا کہ سبزیوں کی طرح فروٹ کی قیمتوں میں بھی واضح اضافہ ہوا ہے۔ راتوں رات مالٹا 200 سے 220، کیلا 70 سے 100، سیب 250 سے 300، چیکو 90 سے 130 جبکہ امرود 90 روپے تک جا پہنچا ہے اس کے علاوہ خشک راشن جس میں چینی، گھی دالیں، آٹا اور چاول شامل ہیں ان کی قیمتوں میں 20 فیصد تک اضافہ ہوا ہے۔
وی نیوز سے بات کرتے ہوئے کوئٹہ کے شہری محمد شعیب کا بتانا ہے کہ ہر سال رمضان المبارک کی آمد سے قبل ضرورت مند لوگوں کے لیے راشن خریدتے تھے۔ گزشتہ برس راشن کا ایک پارسل جس میں چند دالیں، 5 کلو چینی، 5 کلو چاول اور گھی شامل تھا 20 ہزار میں باآسانی تیار ہو جاتا تھا لیکن اس بار یہی پارسل 22 سے 23 ہزار روپے میں تیار ہو رہا ہے۔
مزید پڑھیں:رمضان کے بعد نواز شریف کا سیاسی منصوبہ سامنے آگیا
محمد شعیب کا بتانا ہے کہ حکومت ہر بار منافع خوروں کے خلاف کارروائی کرنے کا وعدہ تو کرتی ہے لیکن یہ کارروائی عمل میں نہیں لائی جاتی جس میں وجہ سے ہر سال گزشتہ برس کی نسبت مہنگائی میں اضافہ دیکھنے کو ملتا ہے۔
دوسری جانب ضلعی انتظامیہ کے مطابق اشیائے خورونوش فروخت کرنے والے دکانداروں کو سختی سے ہدایت کی ہے عوام سے ناجائز پیسے وصول نہ کیے جائیں اس کے علاوہ کوئٹہ کے شہریوں کو ریلیف فراہم کرنے کے لیے شہر کے 3 مقامات پر خصوصی سستے بازار لگائے جائیں گے جس میں گوشت، دودھ، دہی، دالیں، گھی، چاول اور سبزیوں سمیت دیگر اشیائے خورونوش کم داموں پر دستیاب ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اشیائے خور نوش رمضان المبارک غالب نہاد کوئٹہ
طلبا کی موجیں ختم ! بڑی پابندی عائد کردی گئی