سندھ بلڈنگ ،اسکیم 33 پر کرپٹ ٹولہ قابض ناجائز عمارتوں کی بھرمار
اشاعت کی تاریخ: 1st, March 2025 GMT
فلک ناز ٹوئن ٹاور ناقص مواد سے خطرناک تعمیرات انسانی جانوں کو خطرات لاحق
ڈپٹی قربان جمالی اے ڈی عدیل قریشی ،الطاف سومرو کے اثاثوں میں اضافہ
سندھ بلڈنگ کنٹرول اتھارٹی میں رائج سسٹم کی ہٹ دھرمی برقرار ہے۔ بلڈنگ افسران احتسابی عمل سے بے خوف ہوکر ذاتی مفادات کی خاطر ملکی محصولات کو کروڑوں روپے کا چونا لگا کر اپنے بے نامی اثاثوں میں بے پناہ اضافے کرنے کے بعد ناجائز تعمیرات کے خاتمے سے انکار کرتے نظر آتے ہیں۔ اسکیم 33میں بھی فلک ناز ٹوئن ٹاور نامی پراجیکٹ کو بھی کروڑوں روپے وصول کرنے کے بعد ناجائز تعمیرات کا اجازت نامہ جاری کیاگیا جس کی تیاری میں استعمال ہونے والے مواد کے انتہائی ناقص ہونے کی اطلاعات موصول ہوئی ہیں ملنے والی معلومات کے مطابق پراجیکٹ کی تیاری میں نہ صرف انتہائی ناقص مواد کا استعمال کیا گیا ہے۔ بلکہ فائر فائٹگ سسٹم اور ہنگامی اخراج کی سنگین خلاف ورزیاں بھی شامل ہیں ،جاری تعمیرات سے اسکیم 33 پر قابض کرپٹ ٹولے قربان جمالی عدیل قریشی الطاف سومرو نے ناجائز عمارتوں کے انبار لگا کر خطیر رقم کی کرپشن سے اپنے بے نامی اثاثوں میں اضافہ کرلیا ہے۔ بلڈنگ ضوابط کے بر خلاف فلک ناز ٹوئن ٹاور کی تعمیر میں تحقیقاتی اداروں کی چشم پوشی کے باعث اعلیٰ عدلیہ کے احکامات کی واضح حکم عدولی برقرار ہے ۔
.ذریعہ: Juraat
پڑھیں:
ماہ صیام کا آغاز، مسجد اقصیٰ میں ہزاروں فلسطینیوں نے نماز تراویح ادا کی
خیال رہے کہ قابض صہیونی حکام نے حسب سابق 55 سال سے کم عمر مردوں، 50 سال سے کم عمر کی خواتین اور 10 سال سے زائد عمر کے بچوں کے مسجد اقصیٰ میں داخلے پر پابندیاں عاید کر رکھی ہیں۔ اسلام ٹائمز۔ قابض فوج کی طرف سے عائد پابندیوں کے باوجود ہزاروں فلسطینیوں نے رمضان المبارک کی پہلی رات جمعہ کی شام مسجد اقصیٰ میں نماز تراویح ادا کی۔ مسجد اقصیٰ میں نماز تراویح کے سامنے آنے والے مناظر دیکھا جا سکتا ہے کہ ہزاروں نمازی مسجد اقصیٰ میں بہ جماعت نماز تراویح ادا کر رہے ہیں۔ خیال رہے کہ قابض صہیونی حکام نے حسب سابق 55 سال سے کم عمر مردوں، 50 سال سے کم عمر کی خواتین اور 10 سال سے زائد عمر کے بچوں کے مسجد اقصیٰ میں داخلے پر پابندیاں عاید کر رکھی ہیں۔ جمعہ کی شام فلسطین میں روہیت ہلال کمیٹی اور علما کونسل کی طرف سے ماہ صیام کا چاند دیکھنے کے بعد آج یکم رمضان المبارک کا اعلان کیا تھا۔ دوسری جانب قابض اسرائیلی ریاست نے اعلان کیا ہے کہ وہ فلسطینیوں کے خلاف بڑھتے ہوئے اقدام میں رمضان المبارک کے دوران مسجد اقصیٰ میں نماز ادا کرنے پر سکیورٹی پابندیاں عائد ہوں گی۔
کے ایچ آئی ایوارڈز 4.0: کراچی میں مثبت سماجی تبدیلی کے معماروں کی خدمات کا اعتراف