رمضان کی آمد، مہنگائی میں اضافہ، دفاتر اور اسکولوں کے نئے اوقات کا اعلان
اشاعت کی تاریخ: 1st, March 2025 GMT
پاکستان بھر میں رمضان المبارک کی تیاریاں زور و شور سے جاری ہیں مرکزی رویت ہلال کمیٹی کے مطابق پہلا روزہ 2 مارچ 2025 بروز اتوار کو ہوگا رمضان کے آغاز کے ساتھ ہی بازاروں میں رش بڑھ گیا ہے تاہم مہنگائی میں اضافے نے عوام کی مشکلات میں مزید اضافہ کر دیا ہے روزمرہ استعمال کی اشیاء کی قیمتیں آسمان سے باتیں کر رہی ہیں اور عوام مہنگے داموں خریداری کرنے پر مجبور ہیں مارکیٹ میں اشیائے خوردونوش کے نرخوں میں نمایاں اضافہ دیکھنے میں آ رہا ہے مرغی کا گوشت 700 روپے فی کلو تک پہنچ گیا ہے جبکہ بکرے کا گوشت 2,700 روپے فی کلو اور گائے کا گوشت 1,200 روپے فی کلو فروخت ہو رہا ہے چینی 124 روپے سے بڑھ کر 160 روپے فی کلو ہو چکی ہے اور آٹے کا 20 کلو تھیلا 3,200 روپے میں دستیاب ہے رمضان میں افطاری کا لازمی جزو سمجھی جانے والی کھجوروں کی قیمتیں بھی بڑھ گئی ہیں عجوہ کھجور 1,800 سے 2,500 روپے فی کلو مدینہ کھجور 1,200 روپے فی کلو اور مقامی کھجور 750 روپے فی کلو میں فروخت ہو رہی ہے اسی طرح پھلوں کی قیمتوں میں بھی اضافہ ہوا ہے جہاں سیب 350 روپے فی کلو کیلے 250 روپے درجن اور مختلف اقسام کی کھجوریں 750 سے 1,500 روپے فی کلو تک جا پہنچی ہیں دودھ، دہی، بیسن اور دیگر اشیاء کی قیمتوں میں بھی غیر معمولی اضافہ دیکھنے میں آیا ہے جس کی وجہ سے عوام کی مشکلات میں مزید اضافہ ہو گیا ہے رمضان المبارک کے دوران عوام کی سہولت کے پیش نظر حکومت نے سرکاری دفاتر اور تعلیمی اداروں کے اوقات کار میں تبدیلی کر دی ہے سندھ حکومت کے اعلان کے مطابق پانچ روزہ ہفتہ والے دفاتر کے اوقات صبح 10 بجے سے شام 4 بجے تک ہوں گے جبکہ جمعہ کے دن دفاتر 10 بجے سے 1 بجے تک کھلے رہیں گے چھ روزہ ہفتہ والے دفاتر کے لیے اوقات صبح 10 بجے سے دوپہر 3 بجے تک مقرر کیے گئے ہیں تعلیمی اداروں کے اوقات کار میں بھی رد و بدل کیا گیا ہے پنجاب میں اسکول صبح 8:30 بجے سے 1:00 بجے تک کھلیں گے جبکہ جمعہ کے روز 12:30 بجے چھٹی دے دی جائے گی اسلام آباد میں اسکولوں کا نیا شیڈول صبح 8:00 بجے سے دوپہر 12:00 بجے تک ہوگا جبکہ سندھ میں دو شفٹوں والے اسکولوں میں پہلی شفٹ 7:30 بجے سے 11:30 بجے اور دوسری شفٹ 11:45 بجے سے 2:45 بجے تک جاری رہے گی مہنگائی کی بڑھتی ہوئی شرح کے باعث عوام کی پریشانیوں میں اضافہ ہو رہا ہے، جبکہ منافع خوروں نے رمضان کا فائدہ اٹھاتے ہوئے قیمتوں میں بے تحاشا اضافہ کر دیا ہے حکومتِ پنجاب نے 30 ارب روپے کے "نگہبان رمضان پیکیج" کے تحت 52 یوٹیلیٹی اسٹورز پر اشیاء رعایتی نرخوں پر فراہم کرنے کا اعلان کیا ہے لیکن شہریوں کا کہنا ہے کہ کھلی مارکیٹ میں قیمتیں کنٹرول سے باہر ہو چکی ہیں عوامی حلقوں کی جانب سے حکومت سے مطالبہ کیا جا رہا ہے کہ وہ قیمتوں کو کنٹرول کرنے کے لیے سخت اقدامات کرے تاکہ رمضان کے بابرکت مہینے میں روزہ داروں کو ریلیف مل سکے اور وہ عبادات پر توجہ مرکوز کر سکیں
.ذریعہ: Nawaiwaqt
کلیدی لفظ: روپے فی کلو عوام کی گیا ہے رہا ہے بجے تک
پڑھیں:
اسلام آباد میں گاڑیوں کی ٹرانسفر فیس میں ہزاروں روپے کا اضافہ
وفاقی دارالحکومت اسلام آباد میں گاڑیوں کی ٹرانسفر فیس میں ہزاروں روپے اضافہ کر دیا گیا، پہلی بار الیکٹرک گاڑیوں پر بھی ٹرانسفر فیس عائد کر دی گئی ہے۔ نئی فیسیں آج سے نافذ العمل ہوں گی۔ تمام فیسیں وزارتِ خزانہ کے مقررہ اکاؤنٹ میں جمع کروائی جائیں گی۔
چیف کمشنر آفس اسلام آباد کی طرف سے جاری کردہ نوٹیفکیشن کے مطابق 1000 سی سی تک کی گاڑی کی منتقلی فیس 1200 سے بڑھا کر 2750 روپے، 1000 سے 1800 سی سی تک کی گاڑیوں کی فیس 2000 سے بڑھا کر 5500 روپے کر دی گئی ہے۔ 1800 سی سی سے زائد کی گاڑیوں کی فیس 3000 سے بڑھ کر 11000 روپے ہوگی۔
مزید پڑھیں: اسلام آباد میں گزشتہ 4 ماہ میں جرائم میں 20 فیصد کمی
پہلی بار الیکٹرک گاڑیوں پر بھی منتقلی فیس عائد کر دی گئی ہے۔ 50 کلو واٹ تک کی الیکٹرک گاڑی پر 2500 روپے فیس مقرر، 50 سے 100 کلو واٹ تک کی الیکٹرک گاڑی پر 5500 روپے فیس لاگو کر دی گئی ہے۔ 100 کلو واٹ سے زائد الیکٹرک گاڑی کی منتقلی فیس 10000 روپے کردی گئی ہے۔
نوٹیفکیشن میں مزید کہا گیا ہے کہ اتھارٹی کی طرف سے 200 سی سی تک کی موٹر بائیک کی فیس 150 سے بڑھا کر 550 روپے کی گئی ہے، 200 سے 400 سی سی موٹر بائیک کی فیس 1000 روپے جبکہ 400 سی سی سے زائد کی موٹر بائیک کی فیس 1500 روپے ہو گئی۔ تمام فیسیں وزارتِ خزانہ کے مقررہ اکاؤنٹ میں جمع کروائی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ٹرانسفر فیس وفاقی دارالحکومت
سینیٹر تاج حیدر کون تھے؟