اڑان پاکستان کے تحت جی بی میں روزانہ 32 سو افراد کیلئے افطار ڈنر کا اہتمام ہو گا
اشاعت کی تاریخ: 1st, March 2025 GMT
ضلع گلگت میں پروینشیل ہسپتال، شہید سیف الرحمن گورنمنٹ ہسپتال، سٹی ہسپتال اور ڈسٹرکٹ جیل مناور میں روزانہ کی بنیاد پر افطار ڈنر کروایا جائے گا۔ مزید برآں دیگر اضلاع میں پاکستان بیت المال کے ضلعی دفاتر بشمول سکردو، غذر، دیامر، استور، گانچھے اور شگر، میں بھی غریب لوگوں کیلئے افطار ڈنر کا اہتمام کیا جائے گا۔ اسلام ٹائمز۔ حکومت پاکستان کی جانب سے اڑان پاکستان کے زیر انتظام اہتمام رمضان پروگرام کے تحت پاکستان بیت المال گلگت بلتستان کے ڈائریکٹر ڈاکٹر محمد نثار الحق کیانی کی درخواست پر منیجنگ ڈائریکٹر پاکستان بیت المال شاہین خالد بٹ نے گلگت بلتستان میں روزانہ 3200 نادار افراد میں یکم رمضان سے 27 رمضان تک افطار ڈنر تقسیم کرنے کی منظوری دے دی۔ ضلع گلگت میں پروینشیل ہسپتال، شہید سیف الرحمن گورنمنٹ ہسپتال، سٹی ہسپتال اور ڈسٹرکٹ جیل مناور میں روزانہ کی بنیاد پر افطار ڈنر کروایا جائے گا۔ مزید برآں دیگر اضلاع میں پاکستان بیت المال کے ضلعی دفاتر بشمول سکردو، غذر، دیامر، استور، گانچھے اور شگر، میں بھی غریب لوگوں کیلئے افطار ڈنر کا اہتمام کیا جائے گا۔ غذر اور اسکردو میں پاکستان بیت المال کے سویٹ ہومز میں 300 جبکہ شیلٹر ہوم سکردو میں 500 افطار ڈنرز کا اہتمام کیا جائے گا، مجموعی طور پر گلگت بلتستان میں 85000 افطار ڈنر کا اہتمام ہوگا۔
.ذریعہ: Islam Times
کلیدی لفظ: پاکستان بیت المال جائے گا
پڑھیں:
گلگت، تعلیمی معیار کو بہتر بنانے کیلئے چیف سیکرٹری کی زیر صدارت اہم مشاورتی اجلاس
اجلاس میں چیف سیکریٹری اور سیکریٹری ایجوکیشن نے شرکاء کو یقین دلایا کہ ان کے خدشات کو اولین ترجیح پر حل کیا جائے گا اور تعلیمی معیار کی بہتری کے لیے تمام ممکنہ وسائل بروئے کار لائے جائیں گے۔ اسلام ٹائمز۔ چیف سیکریٹری گلگت بلتستان ابرار احمد مرزا کی صدارت میں گلگت بلتستان میں تعلیمی معیار کو بلند کرنے اور تعلیمی نظام کو مزید مؤثر بنانے کے لیے مختلف اسٹیک ہولڈرز کے ساتھ مشاورتی اجلاس کا انعقاد ہوا، جس میں سیکریٹری اسکول ایجوکیشن ڈیپارٹمنٹ گلگت بلتستان سید اختر حسین بھی شریک تھے، جبکہ ہیڈ ماسٹرز اور ڈپٹی ڈسٹرکٹ ایجوکیشن آفیسرز کو کلیدی اسٹیک ہولڈرز کے طور پر مدعو کیا گیا، تاکہ زمینی سطح پر درپیش چیلنجز کو اجاگر کیا جا سکے، مسائل کا حل تلاش کیا جا سکے اور تعلیمی ترقی کے لیے مؤثر اقدامات کیے جا سکیں۔ اس موقع پر چیف سیکرٹری گلگت بلتستان نے تعلیم کو قومی و بین الاقوامی معیارات سے ہم آہنگ کرنے کی ضرورت پر زور دیا۔ انہوں نے کہا کہ طلبہ کی سیکھنے، سمجھنے اور مسابقتی صلاحیتوں کو بہتر بنا کر انہیں مستقبل کے چیلنجز کے لیے تیار کرنا وقت کی اہم ضرورت ہے۔ انہوں نے تمام متعلقہ افراد کو تلقین کی کہ وہ تدریسی معیار کو بہتر بنانے اور طلبہ کی ہمہ جہتی نشوونما کے لیے بھرپور عزم کے ساتھ کام کریں۔
اجلاس میں چیف سیکریٹری اور سیکریٹری ایجوکیشن نے شرکاء کو یقین دلایا کہ ان کے خدشات کو اولین ترجیح پر حل کیا جائے گا اور تعلیمی معیار کی بہتری کے لیے تمام ممکنہ وسائل بروئے کار لائے جائیں گے۔ سیکریٹری اسکول ایجوکیشن ڈیپارٹمنٹ گلگت بلتستان سید اختر حسین نے کہا کہ ایک ہیڈ ماسٹر کسی بھی تعلیمی ادارے کا مرکزی ستون ہوتا ہے اور اسکول میں نظم و ضبط، تدریسی معیار اور مجموعی تعلیمی ماحول کی بہتری میں اس کا کلیدی کردار ہوتا ہے۔ انہوں نے تمام شرکاء کو تلقین کی کہ وہ اپنی ذمہ داریوں کو قومی خدمت کے جذبے سے ادا کریں، کیونکہ معیاری تعلیم ہی ایک خوشحال، ترقی یافتہ اور مضبوط معاشرے کی بنیاد ہے۔ اجلاس میں مرد و خواتین ہیڈماسٹرز نے اپنے تجربات کی روشنی میں زمینی سطح پر درپیش تعلیمی چیلنجز، وسائل کی کمی، تدریسی معیار کی بہتری، اور جدید تدریسی طریقوں کے نفاذ جیسے اہم امور پر روشنی ڈالی اور اسکولوں میں درپیش بنیادی مسائل کے حل و بہتری کے لیے اپنی تجاویز بھی پیش کیں۔
چیمپئنز ٹرافی: آسٹریلیا کا ٹاس جیت کر بولنگ کا فیصلہ