رمضان المبارک میں گران فروشوں کے خلاف کریک ڈاؤن ہوگا، وزیراعلیٰ پنجاب معاون خصوصی برائے پرائس اینڈ کنٹرول
اشاعت کی تاریخ: 1st, March 2025 GMT
وزیراعلیٰ پنجاب مریم نواز کی معاون خصوصی برائے پرائس اینڈ کنٹرول سلمیٰ بٹ نے کہا ہے کہ رمضان المبارک میں صوبے میں گراں فروشوں کے خلاف کریک ڈاؤن ہوگا، مہنگی اشیا فروخت کرنے والی دکانیں سیل جبکہ دکانداروں کے خلاف مقدمات درج کیے جائیں گے۔
وی نیوز کو انٹرویو دیتے ہوئے وزیراعلیٰ پنجاب سلمیٰ بٹ کا کہنا تھا کہ اس دفعہ رمضان المبارک میں نگبان رمضان پیکج کے تحت پنجاب بھر میں 30 لاکھوں لوگوں کو 10 ہزار روپے ان کی دہلیز پر دئے جائیں گے،یہ پیسے پی آڈر بنا کر پوسٹ آفس کے ذریعے لوگوں کو دیے جارہے ہیں.
یہ بھی پڑھیں: وزیراعظم غریب عوام کو رمضان پیکج میں کیا کیا ریلیف دیں گے؟
انہوں نے بتایا کہ ایک لاکھ لوگوں تک 10 ہزار روپے پہنچا دیے گئے ہیں،ہمارا ٹارگٹ ہے کہ روزانہ کی بنیاد پر 4 سے 5 لاکھ لوگوں کو 10 ہزار روپے کا پے آڈر پہنچا دیا جائے، پنجاب بھر میں 20 ہزار کے قریب ایسے پوائنٹ بھی بنائے گئے ہیں جہاں سے پے آڈر کیش ہوسکے گا۔
بینظیر انکم اسپورٹ سے ڈیٹا نہیں لیا گیا
یہ 30 لاکھوں لوگ وہ ہیں جو غربت کی لیکر سے نیچے زندگی گزار رہے ہیں، پچھلے رمضان المبارک میں بینظر انکم اسپورٹ پروگرام کے ذریعے جو لوگ رجسٹرڈ تھے ان کو ریلیف دیا گیا تھا لیکن اس دفعہ بینظر انکم اسپورٹ پروگرام سے کوئی ڈیٹا نہیں لیا گیا یہ پنجاب حکومت نے اپنی سکورٹنی کر کے ان لوگوں کو رجسٹرڈ کیا ہے جو کسی دوسرے پروگرام کے تحت امداد نہیں لے رہے تھے۔
یہ بھی پڑھیں: رمضان المبارک میں چاروں صوبے عوام کو کیا ریلیف دیں گے؟
یہ 30 لاکھ لوگ پہلی دفعہ نگہبان رمضان پیکج کے تحت رجسٹرڈ ہو ئے ہیں، ان کا کہنا تھا کہ پچھلے سال رمضان المبارک میں راشن بیگ بناکر لوگوں کے گھروں تک پہنچائے گئے تھے، جس پر خرچہ کافی زیادہ آیا تھا جس کی وجہ سے حکومت نے یہ فیصلہ کیا کہ لوگوں کو پیسے دیے جائیں تاکہ وہ خود جاکر اپنی رمضان المبارک کی خریداری کریں۔
پنجاب کے 25 اضلاع میں ماڈل بازار بنائے گئے ہیں
وزیراعلیٰ کی معاون خصوصی سلمیٰ بٹ کا کہنا تھا کہ لاہور میں 10 کے قریب ماڈل بازار لگائے گئے ہیں جن کے اندر رمضان بازار کے الگ سے اسٹال لگائے گئے ہیں، ان اسٹالز پر ڈی سی ریٹ کے مطابق پھل ،سبزیاں اور اشیائے خورونوش ملیں گیں۔
یہ بھی پڑھیں: رمضان المبارک کی آمد سے قبل کوئٹہ میں اشیائے خورونوش کی قیمتوں میں کتنا اضافہ ہوا؟
’یہ اسٹالز پنجاب کے 25 اضلاع میں لگائے گئے ہیں، جن اضلاع میں ماڈل بازار نہیں ہیں وہاں پر رمضان بازار الگ سے لگائے گئے ہیں ، میں اور میری ٹیم ہر ضلع میں جائے گئی ماڈل بازا اور رمضان بازاروں کا وزٹ کریں گے، چیزوں کی قمیتوں اور معیار کے حوالے سے سختی سے عمل کیا جائے گا ۔‘
گران فروشی کرنے والے کے سخت کارروائی ہوگی
ایک سوال کا جواب دیتے ہوئے معاون خصوصی وزیراعلیٰ پنجاب سلمی بٹ کا کہنا تھا کہ گراں فروشی کرنے والوں کے خلاف کریک ڈاؤن ہوگا، جو دوکاندار مہنگی اور غیر معیاری اشیا فروخت کرتا ہوا پکڑا گیا، اس کی دوکان پورے رمضان المبارک کے مہینے میں سیل رہے گی اور ان کے کے خلاف مقدمات بھی درج کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرائس اینڈ کنٹرول پنجاب رمضان پیکج سلمیٰ بٹ گران فروشی مریم نواز شریف معاون خصوصی نگہبان رمضان پیکج وزیراعلٰی پنجابذریعہ: WE News
کلیدی لفظ: پرائس اینڈ کنٹرول رمضان پیکج مریم نواز شریف معاون خصوصی نگہبان رمضان پیکج رمضان المبارک میں کا کہنا تھا کہ لگائے گئے ہیں معاون خصوصی رمضان پیکج لوگوں کو کے خلاف
پڑھیں:
رمضان المبارک کا چاند دیکھنے کیلئے رویت ہلال کمیٹی کا اجلاس آج ہوگا
رواں برس رمضان المبارک 1446 ہجری کا چاند دیکھنے کے لیے مرکزی رویت کمیٹی کا اجلاس آج ہوگا۔محکمہ اوقاف کے مطابق رمضان المبارک کا چاند دیکھنے کے لیے مرکزی رویتِ ہلال کمیٹی کا اجلاس آج پشاور میں مولانا عبدالخبیر کی زیر صدارت ہوگا۔اس کے علاوہ کراچی، کوئٹہ، اسلام آباد، لاہور سمیت دیگر علاقوں میں بھی زونل کمیٹی کے اجلاس آج ہوں گے۔چاند نظر آنے یا نہ آنے کا حتمی اعلان چیئرمین رویت ہلال کمیٹی کریں گے۔محکمہ موسمیات کے مطابق پشاور سمیت خیبرپختونخوا میں آئندہ 24 گھنٹوں کے دوران موسم جزوی طور پر آبر آلود رہے گا .جس کے باعث آج رمضان المبارک کا چاند نظر آنے کے امکانات کم ہیں۔ محکمہ موسمیات کا کہنا ہے کہ غروب آفتاب کے وقت چاند کی عمر تقریباً 12 گھنٹے اور 45 منٹ ہوگی۔سعودی عرب میں پہلا روزہ یکم مارچ کو ہوسکتا ہے جبکہ پاکستان میں پہلا روزہ اتوار 2 مارچ کو ہونے کا امکان ہے. پاکستان میں 29 روزے اور عید 31 مارچ کو ہوسکتی ہے۔
دوسری جانب سپارکو نے رمضان المبارک کے چاند کی پیشگوئی کردی، سعودی عرب میں یکم مارچ اور پاکستان میں 2 مارچ کو پہلا روزہ ہونے کا امکان ہے۔
ترجمان سپارکو کی جانب سے جاری بیان میں کہا گیا کہ پاکستان میں رمضان المبارک 2 مارچ سے شروع ہونے کا امکان ہے جب کہ سعودی عرب میں 28 فروری کو چاند نظر آسکتا ہے اور یکم مارچ کو پہلا روزہ ہوگا۔ترجمان کا کہنا تھا کہ نیا چاند 28 فروری کو پاکستانی وقت کے مطابق صبح 5 بج کر 45 منٹ پر پیدا ہوگا اوراسی دن غروب آفتاب کے وقت چاند کی عمر 12 گھنٹے ہوگی جب کہ 28 فروری کو کم بلندی اور فاصلے کی وجہ سے چاند نظر آنا مشکل ہوگا۔ترجمان نے کہا کہ رمضان المبارک کے چاند کا حتمی فیصلہ مرکزی رویت ہلال کمیٹی کرے گی۔ترجمان سپارکو کا مزید کہنا تھا کہ شوال کا چاند 30 مارچ کو متوقع ہے اور عیدالفطر 31 مارچ کو ہوسکتی ہے۔
چیف جسٹس نے پی ٹی آئی کو سسٹم میں رہنے اور بائیکاٹ نہ کرنے کا مشورہ دیا: بیرسٹرگوہر