بلتستان کے مختلف علاقوں میں 2 سے 4 مارچ تک شدید بارش اور برفباری کی پیشگوئی
اشاعت کی تاریخ: 28th, February 2025 GMT
ڈسٹرکٹ ڈیزاسٹر منیجمنٹ اتھارٹی کی جانب سے جاری الرٹ کے مطابق 28 فروری کو اسلام آباد سے جاری موسمیاتی پیشگوئی کے مطابق ضلع سکردو کے مختلف علاقوں میں دو مارچ سے چار مارچ کے دوران تیز ہواؤں اور گرج چمک کے ساتھ بارش اور برفباری کا امکان ہے اسلام ٹائمز۔ بلتستان کے مختلف علاقوں میں 2 مارچ سے 4 مارچ تک بارش اور برفباری کی پیشگوئی کے پیش نظر الرٹ جاری کر دیا گیا۔ ڈسٹرکٹ ڈیزاسٹر منیجمنٹ اتھارٹی کی جانب سے جاری الرٹ کے مطابق 28 فروری کو اسلام آباد سے جاری موسمیاتی پیشگوئی کے مطابق ضلع سکردو کے مختلف علاقوں میں دو مارچ سے چار مارچ کے دوران تیز ہواؤں اور گرج چمک کے ساتھ بارش اور برفباری کا امکان ہے، شدید بارش اور برفباری کے باعث شاہراہوں بالخصوص شاہراہ بلتستان کے بند ہونے، پھسلن، لینڈ سلائیڈنگ اور برفانی تودے گرنے کا خطرہ ہے، لہٰذا عوام اور سیاح ان دنوں میں غیر ضروری سفر سے گریز کریں۔
.ذریعہ: Islam Times
کلیدی لفظ: کے مختلف علاقوں میں بارش اور برفباری کے مطابق
پڑھیں:
بارشوں کی پیشگوئی؛ کن شہروں میں بادل برسیں گے، محکمہ موسمیات نے بتادیا
ملک کے مختلف شہروں میں بارش، ژالہ باری اور پہاڑوں پر برفباری کا امکان ہے۔
محکمہ موسمیات کے مطابق خیبر پختونخوا کشمیر گلگت بلتستان اور شمال مشرقی پنجاب میں بارش متوقع ہے۔ چند مقامات پر ژالہ باری اور پہاڑوں پر برفباری کا امکان ہے۔
اسلام آباد میں تیز ہواؤں کے ساتھ بارش جبکہ رات میں ژالہ باری کا امکان ہے۔ دیر ،چترال، سوات، شانگلہ ،مردان، باجوڑ خیبر پشاور بنوں اور کوہاٹ میں بارش اور ژالہ باری متوقع ہے۔مری اور گلیات میں تیز ہواؤں کے ساتھ بارش اور برفباری کا امکان ہے۔
پنجاب کے بیشتر اضلاع میں بارش اور ژالہ باری ہوسکتی ہے۔ بالائی سندھ میں چند مقامات پر ہلکی بارش کا امکان ہے۔ بلوچستان کے بیشتر اضلاع میں بارش اور پہاڑوں پر برفباری کی توقع ہے۔ کشمیر اور گلگت بلتستان میں بارش اور برفباری کا امکان ہے۔
محکمہ موسمیات کے مطابق بلوچستان کے بیشتر علاقوں میں موسم سرد اور مطلع جزوی ابر آلود رہنے کا امکان ہے۔ کوئٹہ ،زیارت، چمن ، پشین، قلعہ عبداللہ، قلعہ سیف اللہ اور قلات میں گرچ جمک کے ساتھ بارش اور پہاڑوں پر برفباری کی توقع ہے۔ ژوب ،موسیٰ خیل، لورالائی، بارکھان، سبی، ڈیرہ بگٹی اور نصیرآباد میں بھی گرج چمک کے ساتھ بارش ہوسکتی ہے۔ جھل مگسی، کوہلو، خضدار، خاران ، پنجگور، دالبندین اور نوکنڈی میں بارش کا امکان ہے۔
کوئٹہ میں کم سے کم درجہ حرارت 8، قلات میں 5 ڈگری، زیارت میں ایک، ژوب میں 5 ڈگری سینٹی گریڈ ریکارڈ کیا گیا۔ سبی میں درجہ حرارت 14، تربت 17، نوکنڈی میں 10 اورچمن میں 8 ڈگری سینٹی گریڈ ریکارڈ کیا گیا۔ گوادر میں کم سے کم درجہ حرارت 20 اور جیوانی میں 21 ڈگری سینٹی گریڈ رہا۔ کوئٹہ اور دکی شہر میں بارش ہوئی۔
دوسری جانب وادی کمراٹ دیربالا میں لینڈ سلائیڈنگ کی وجہ سے روڈ ہرقسم کے ٹریفک کے لیے بند کردی گئی۔ بانڈا کے مقام پر روڈ کی بندش سے گاڑیوں کی لمبی قطاریں لگ گئیں۔ لینڈ سلائیڈنگ کے باعث سیاح اور مسافر بڑی تعداد میں پھنس گئے۔ سیاحوں میں خواتین اور بچے بھی شامل ہیں۔
چیمپیئنز ٹرافی: براڈکاسٹ میں پاکستان کا نام نہ ہونے پر پی سی بی نے آئی سی سی سے وضاحت مانگی