مصطفیٰ عامر قتل کیس؛ بیٹے کے ملوث ہونے پر اداکار ساجد حسن کا بیان سامنے آگیا
اشاعت کی تاریخ: 28th, February 2025 GMT
معروف اداکار ساجد حسن نے اپنے بیٹے ساحر حسن کے مصطفیٰ عامر قتل کیس میں ملوث ہونے کے حوالے سے میڈیا سے بات کی ہے۔
ساجد حسن کا کہنا ہے کہ ان کے بیٹے کو پہلے ہی مجرم سمجھ لیا گیا ہے، حالانکہ ابھی تک کوئی ثبوت سامنے نہیں آیا ہے۔
ساجد حسن نے کہا کہ مصطفیٰ عامر کا قتل ایک المناک واقعہ ہے، اور مصطفیٰ کی والدہ کا ویڈیو پیغام سن کر وہ رات بھر سو نہیں سکے۔ انہوں نے زور دیا کہ مصطفیٰ بھی ان کے بیٹے جیسا تھا، اور وہ چاہتے ہیں کہ اس کیس کا منصفانہ ٹرائل ہو تاکہ اصل مجرموں کو سزا مل سکے۔
ساحر حسن کو مصطفیٰ عامر قتل کیس کے ساتھ ساتھ منشیات کی خرید و فروخت کے الزام میں بھی گرفتار کیا گیا ہے۔ پولیس کے مطابق، ساحر نے تفتیش کے دوران اعتراف کیا کہ وہ 13 سال سے منشیات استعمال کر رہا ہے اور 2 سال سے اس کی فروخت بھی کر رہا تھا۔ انہوں نے بتایا کہ وہ ہر ہفتے 4 سے 5 لاکھ روپے کی منشیات فروخت کرتا تھا اور اس کا پورا کاروبار اسنیپ چیٹ پر چلتا تھا۔
ساجد حسن کے وکلاء کی ٹیم اس بات پر زور دے رہی ہے کہ مصطفیٰ عامر قتل کیس اور منشیات کے معاملے کو الگ الگ دیکھا جائے۔ ان کا کہنا ہے کہ دونوں معاملات کو جوڑ کر پیش کرنا اصل کیس سے توجہ ہٹانے کے مترادف ہے۔
ساجد حسن نے اپنی موجودہ صورتحال پر بھی روشنی ڈالی۔ انہوں نے بتایا کہ وہ ایک کرائے کے گھر میں رہتے ہیں، اور ان کا کام بند پڑا ہے۔ انہوں نے کہا کہ محلے والوں نے ان سے قطع تعلق کرلیا ہے، اور معاشرے نے انہیں اور ان کے بیٹے کو پہلے ہی مجرم سمجھ لیا ہے۔
انہوں نے کہا کہ ان کے بیٹے کی شادی ابھی ہوئی ہے، اور ہو سکتا ہے کہ اس سے کچھ غلطیاں ہوئی ہوں، لیکن اسے مصطفیٰ عامر قتل کیس سے جوڑنا درست نہیں ہے۔ ساجد حسن نے زور دیا کہ ان کی توجہ صرف اپنے بیٹے کے کیس پر ہے، اور وہ میڈیا پر آ کر وقت ضائع نہیں کرنا چاہتے۔
ساجد حسن نے کہا کہ انہیں عدالت پر پورا بھروسہ ہے، اور وہ چاہتے ہیں کہ اس کیس میں انصاف ہو۔ انہوں نے کہا، ’’دودھ کا دودھ، پانی کا پانی ہو جائے گا۔‘‘ انہوں نے امید ظاہر کی کہ عدالت ان کے بیٹے کو بے گناہ ثابت کرے گی اور اصل مجرموں کو سزا ملے گی۔
واضح رہے کہ مصطفیٰ عامر قتل کیس میں پولیس نے ڈیفنس کے مختلف علاقوں میں آپریشن کرتے ہوئے ساجد حسن کے بیٹے ساحر حسن سمیت 4 نوجوانوں کو گرفتار کیا تھا۔ پولیس کے مطابق، ساحر حسن سے منشیات بھی برآمد ہوئی ہے، اور انہوں نے تفتیش کے دوران 12 سے زائد کلائنٹس کے نام بھی بتائے ہیں۔
ساجد حسن نے اپنے بیٹے کے حق میں آواز اٹھاتے ہوئے کہا کہ وہ ایک اداکار ہیں، اور اگر چاہیں تو میڈیا کو اپنے لیے استعمال کر سکتے ہیں، لیکن وہ ایسا نہیں کریں گے کیونکہ ان کا بیٹا عدالت کے سامنے ہے، اور انہیں انصاف پر پورا یقین ہے۔
TagsShowbiz News Urdu.
ذریعہ: Al Qamar Online
کلیدی لفظ: عامر قتل کیس ان کے بیٹے نے کہا کہ کہ مصطفی انہوں نے اور ان
پڑھیں:
سی آئی ڈی میں نئے اے سی پی کی انٹری، ساتھی کرداروں کا ردعمل کیسا تھا؟
مشہور کرائم شو سی آئی ڈی میں اے سی پرادیومن کی جگہ لینے والے اداکار پرتھ سمتھان نے فوٹو اینڈ ویڈیو شیئرنگ ایپ انسٹاگرام پر اپنے نئے کردار ’اے سی پی انشومن‘ کے حوالے سے خیالات کا اظہار کیا ہے۔
اداکار نے ایک ویڈیو سوشل میڈیا پر شیئر کی جس میں انہیں ڈرامے کے دیگر کرداروں کے ساتھ دیکھا جا سکتا ہے۔ ویڈیو میں ادکار چائے کا کپ ہاتھ میں اٹھائے ہوئے ہیں جبکہ ڈرامے کے دیگر کردار انہیں عجیب نظروں سے دیکھتے دکھائی دیتے ہیں۔
انہوں نے ویڈیو کے ساتھ ایک جذباتی نوٹ بھی لکھا جس میں ان کا کہنا تھا کہ وہ کبھی بھی اس مشہور شو کا حصہ بننے کا تصور نہیں کرتے تھے۔
View this post on Instagram
A post shared by Parth Samthaan (@the_parthsamthaan)
اپنے تجربے کو شیئر کرتے ہوئے، انہوں نے لکھا، ’سب سے مشہور، پسندیدہ اور سب سے طویل چلنے والا شو سی آئی ڈی شو ہمیشہ ہمارے بچپن اور بھارتی ٹیلی ویژن کا ایک اہم حصہ رہا ہے۔ اس کے تمام مشہور ڈائیلاگ اور افسران (اے سی پی پرادیومن، دیا اور ابھجیت) لیجنڈز بن گئے ہیں۔ اور اس کا حصہ بننا میری خوش قسمتی ہے‘۔
اداکار نے مزید کہا، ’5 سال بعد ٹی وی پر واپسی کرتے ہوئے، ایمانداری سے کہوں تو سی آئی ڈی وہ شو تھا جس کا میں کبھی حصہ نہیں بننا چاہتا تھا، لیکن پھر، یہی ہے زندگی۔ ہمیشہ غیر متوقع اور پراسرار، اور میں ہمیشہ اپنے لیے غیر منظم راستہ اختیار کرتا ہوں، ’کیسی یہ یاریاں‘ اور ’کسوٹی زندگی کی‘۔
یہ بھی پڑھیں: سی آئی ڈی میں اے سی پی پردیومن کی جگہ اب کون لے گا؟
انہوں نے آخر میں کہا کہ آئیے اس خوبصورت سفر کا آغاز کرتے ہیں اور کچھ کیسز حل کرتے ہیں۔
واضح رہے کہ اس سے پہلے اداکار نے یہ بھی ذکر کیا تھا کہ سی آئی ڈی میں شمولیت کی پیشکش ان کے لیے غیر متوقع تھی اور انہوں نے ابتدائی طور پر اسے مسترد کر دیا تھا کیونکہ وہ اتنے بڑے کردار کے لیے تیار نہیں تھے۔ انہوں نے اعتراف کیا کہ انہیں یہ عجیب لگا کہ سینئر اداکار جیسے دایانند شیٹی اور ادیتہ شرواستاو انہیں ’سر‘ کہہ کر پکاریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین ڈرامے اے سی پی پرادیومن سی آئی ڈی
پشاور، جماعت اسلامی کیجانب سے اسرائیل کیخلاف بھرپور احتجاج