بھارت؛ رمضان المبارک کے چاند سے متعلق اعلان سامنے آگیا
اشاعت کی تاریخ: 28th, February 2025 GMT
بھارت کی تمام زونل کمیٹیوں سے مشاورت اور شہادتوں کی وصولی کے بعد شاہی مسجد کے امام نے رمضان المبارک کے چاند نظر سے متعلق بڑا اعلان کر دیا۔
بھارت کی مرکزی شاہی مسجد کے امام نے اعلان کیا ہے کہ بھارت بھر میں رمضان المبارک کا چاند کسی شہر میں نظر نہیں آیا۔
شاہی مسجد کے امام نے کہا کہ چاند نظر نہ آنے کی وجہ سے بھارت میں رمضان کا آغاز 2 مارچ بروز اتوار سے ہوگا۔
یہ بھی پڑھیں : متحدہ عرب امارات؛ رمضان کا چاند دیکھنے کیلیے پہلی بار ڈرونز اور AI کا استعمال
انھوں نے مزید کہا کہ ملک بھر کے مسلمان کل بروز ہفتہ رمضان المبارک کی پہلی تراویح ادا کریں گے جس کے لیے بڑے پیمانے پر اہتمام کیا گیا ہے۔
خیال رہے آج سعودی عرب سمیت دیگر اسلامی ممالک میں بھی رمضان المبارک کے چاند کی شہادتیں جمع کی جا رہی ہیں۔
یہ خبر پڑھیں : سعودی عرب میں عوام سے آج رمضان المبارک کا چاند دیکھنے کی اپیل
متحدہ عرب امارات نے چاند دیکھنے کے لیے ڈرون اور آرٹی فیشل انٹیلی جنس کا استعمال کیا ہے اس طرح وہ چاند دیکھنے کے لیے یہ ٹیکنالوجی استعمال کرنے والا پہلا ملک بن گیا۔
.
ذریعہ: Express News
کلیدی لفظ: رمضان المبارک چاند دیکھنے
پڑھیں:
رمضان المبارک کا چاند دیکھنے کیلئے رویت ہلال کمیٹی کا اجلاس آج ہوگا
رواں برس رمضان المبارک 1446 ہجری کا چاند دیکھنے کے لیے مرکزی رویت کمیٹی کا اجلاس آج ہوگا۔محکمہ اوقاف کے مطابق رمضان المبارک کا چاند دیکھنے کے لیے مرکزی رویتِ ہلال کمیٹی کا اجلاس آج پشاور میں مولانا عبدالخبیر کی زیر صدارت ہوگا۔اس کے علاوہ کراچی، کوئٹہ، اسلام آباد، لاہور سمیت دیگر علاقوں میں بھی زونل کمیٹی کے اجلاس آج ہوں گے۔چاند نظر آنے یا نہ آنے کا حتمی اعلان چیئرمین رویت ہلال کمیٹی کریں گے۔محکمہ موسمیات کے مطابق پشاور سمیت خیبرپختونخوا میں آئندہ 24 گھنٹوں کے دوران موسم جزوی طور پر آبر آلود رہے گا .جس کے باعث آج رمضان المبارک کا چاند نظر آنے کے امکانات کم ہیں۔ محکمہ موسمیات کا کہنا ہے کہ غروب آفتاب کے وقت چاند کی عمر تقریباً 12 گھنٹے اور 45 منٹ ہوگی۔سعودی عرب میں پہلا روزہ یکم مارچ کو ہوسکتا ہے جبکہ پاکستان میں پہلا روزہ اتوار 2 مارچ کو ہونے کا امکان ہے. پاکستان میں 29 روزے اور عید 31 مارچ کو ہوسکتی ہے۔
دوسری جانب سپارکو نے رمضان المبارک کے چاند کی پیشگوئی کردی، سعودی عرب میں یکم مارچ اور پاکستان میں 2 مارچ کو پہلا روزہ ہونے کا امکان ہے۔
ترجمان سپارکو کی جانب سے جاری بیان میں کہا گیا کہ پاکستان میں رمضان المبارک 2 مارچ سے شروع ہونے کا امکان ہے جب کہ سعودی عرب میں 28 فروری کو چاند نظر آسکتا ہے اور یکم مارچ کو پہلا روزہ ہوگا۔ترجمان کا کہنا تھا کہ نیا چاند 28 فروری کو پاکستانی وقت کے مطابق صبح 5 بج کر 45 منٹ پر پیدا ہوگا اوراسی دن غروب آفتاب کے وقت چاند کی عمر 12 گھنٹے ہوگی جب کہ 28 فروری کو کم بلندی اور فاصلے کی وجہ سے چاند نظر آنا مشکل ہوگا۔ترجمان نے کہا کہ رمضان المبارک کے چاند کا حتمی فیصلہ مرکزی رویت ہلال کمیٹی کرے گی۔ترجمان سپارکو کا مزید کہنا تھا کہ شوال کا چاند 30 مارچ کو متوقع ہے اور عیدالفطر 31 مارچ کو ہوسکتی ہے۔
اپوزیشن جماعتوں کا حکومت مخالف اتحاد کو وسعت دینے کا فیصلہ