آسٹریلیا، انڈونیشیا میں رمضان المبارک کا چاند نظرآگیا
اشاعت کی تاریخ: 28th, February 2025 GMT
سڈنی(نیوز ڈیسک)آسٹریلیا، انڈونیشیا میں رمضان المبارک کا چاند نظرآگیا جبکہ برونائی، ملائیشیا میں رمضان المبارک کا چاند نظر نہیں آیا۔ دیگر ممالک میں بھارت اور فلپائن میں رمضان المبارک کا چاند نظر نہیں آیا۔
برطانیہ میں آغاز رمضان ایک ہی روز ہوگا یا دو علیحدہ روز، صورتحال کل واضح ہوجائے گی، امریکا میں کلینڈر کے تحت پہلا روزہ یکم مارچ کو ہوگا، مساجد اور تنظیمیں چاند کی رویت کے مطابق فیصلہ کریں گی۔
سعودی عرب میں رویت ہلال کمیٹیوں کا اجلاس جاری ہے، محکمہ موسمیات اور فلکیات کے ماہرین بھی موجود ہیں۔ سعودی عرب میں آج چاند نظرآنے کا امکان ہے۔
سعودی دارالحکومت ریاض ریجن سمیت دیگر علاقوں میں رویت ہلال کمیٹیوں کے اجلاس منعقد ہورہے ہیں، القری کیلنڈر کے حساب سے آج شعبان کی 29 تاریخ ہے۔
سعودی اور غیر ملکیوں سے رمضان کا چاند دیکھنے کی اپیل کی گئی ہے، سعودی محکمہ فلکیات کے مطابق رمضان المبارک کا چاند نظر آنے کے آج قوی امکان ہے۔
رمضان المبارک کا چاند مختلف علاقوں میں دکھائی دے گا، چاند دیکھنے کی گواہی ملنے کے بعد ہی سرکاری سطح پر اس کا اعلان کیا جائے گا۔
سعودی ماہرین فلکیات کے مطابق رمضان المبارک کا چاند غروب آفتاب کے بعد 33 منٹ تک افق پر رہے گا، مطلع صاف ہونے کی وجہ سے چاند کو آسانی سے دیکھا جاسکے گا۔
سعودی ماہرین فلکیات کا کہنا ہے کہ سدیررصدگاہ میں رمضان المبارک کا چاند سب سے قبل دیکھا جائے گا، سعودی عرب کے معیاری وقت کے مطابق 5:55 منٹ پر چاند نظر آئے گا، پاکستان کے معیاری وقت کے 7:55 پر چاند نطر آئے گا۔
غزہ کی تباہ حال گلیوں میں رمضان المبارک کے استقبال کی تیاریاں
غزہ کی تباہ حال گلیوں میں رمضان المبارک کے استقبال کی تیاریاں جاری، محلوں اور بازاروں میں جھنڈیاں لگ گئیں، بچے بھی خوشی سے سرشار ہیں۔
فلسطینی فنکار نے ملبے پر رمضان مبارک اور دیواروں پر فلسطین کا نام لکھ کر اپنی خوشی کا اظہار کیا، مغربی کنارے میں مہنگائی اور تنگ دستی میں عوام رمضان کی برکتوں کو لے کر پرامید ہیں۔
.ذریعہ: Daily Ausaf
کلیدی لفظ: میں رمضان المبارک کا چاند نظر کے مطابق
پڑھیں:
رمضان المبارک کے چاند کے حوالے سے سپارکو نے اہم پیشگوئی کر دی
ترجمان سپارکو کا کہنا تھا کہ نیا چاند 28 فروری کو پاکستانی وقت کے مطابق صبح 5 بج کر 45 منٹ پر پیدا ہوگا اور اسی دن غروب آفتاب کے وقت چاند کی عمر 12 گھنٹے ہو گی جب کہ 28 فروری کو کم بلندی اور فاصلے کی وجہ سے چاند نظر آنا مشکل ہو گا۔ اسلام ٹائمز۔ رمضان المبارک کا چاند دیکھنے کیلئے آج رویت ہلاک کمیٹی کا اجلاس ہوا، دوسری طرف سپارکو نے چاند کے حوالے سے اہم پیش گوئی کر دی ہے۔ اسپیس اینڈ اپر ایٹموسفیئر ریسرچ کمیشن (سپارکو) کے مطابق آج چاند نظر آنے کا امکان نہیں، پہلا روزہ اتوار کو ہو گا۔ ترجمان سپارکو کا کہنا تھا کہ نیا چاند 28 فروری کو پاکستانی وقت کے مطابق صبح 5 بج کر 45 منٹ پر پیدا ہوگا اور اسی دن غروب آفتاب کے وقت چاند کی عمر 12 گھنٹے ہو گی جب کہ 28 فروری کو کم بلندی اور فاصلے کی وجہ سے چاند نظر آنا مشکل ہو گا۔ ترجمان سپارکو کا مزید کہنا تھا کہ شوال کا چاند 30 مارچ کو متوقع ہے اور عیدالفطر 31 مارچ کو ہو سکتی ہے۔
جدید نظام سے بدعنوانی کا پیسہ دوبارہ خزانے میں آئیگا، وزیراعظم