ہم پر کوئی ریڈ لائن نہیں، حافظ نعیم کی حکومت کو وارننگ
اشاعت کی تاریخ: 28th, February 2025 GMT
ویب ڈیسک: امیر جماعت اسلامی پاکستان حافظ نعیم الرحمان نے بجلی کی قیمت میں کمی نہ ہونے پر عید کے بعد لانگ مارچ اور دھرنوں کا اعلان کردیا۔
کراچی میں پریس کانفرنس کرتے ہوئے حافظ نعیم نے کہا اب حکومت کو طے کرنا ہوگا ریڈ لائن کیا ہے کیونکہ جماعت اسلامی پر کوئی ریڈ لائن نہیں۔ رمضان کے بعد جماعت اسلامی بجلی کے مسئلے پر ایک بہت بڑا لانگ مارچ کریگی۔ ہمارا مطالبہ ہے کہ بجلی کی فی یونٹ قیمت کم کی جائے، لوگوں کی پوری تنخواہ بجلی کے بلوں میں چلی جاتی ہے۔
حکومت وزرا کی فوج لیکر بھی اپنی نا اہلی کو ختم نہیں کر سکتے: شبلی فراز
انہوں نے حکومت کو تنقید کا نشانہ بناتے ہوئے کہا کہ پورے ملک میں اس وقت بدانتظامی کی صورتحال ہے اور عوام شدید مشکلات کا شکار ہیں، جماعت اسلامی کا مطالبہ ہے فارم پینتالیس پر جوڈیشل انکوائری کی جائے، جن پارٹیوں نے آئین کو پامال کیا ہے ان کے خلاف کاروائی ہونی چاہیے۔
حافظ نعیم الرحمان نے اعلان کیا کہ جماعت اسلامی اپنی تحریک پورے پاکستان میں شروع کرے گی۔ انہوں نے کہا کہ کوئٹہ سمیت خیبر پختونخوا میں مسلسل کام جاری ہے اور پہلے مرحلے میں شاہراہوں پر دھرنے دیے جا سکتے ہیں۔
دنیا کے سب سے بڑے مسافر بردار جہاز کو اڑانے والی ترکی کی پہلی خاتون
انہوں نے مزید کہا کہ عوام کو ریلیف ملنا چاہیے اور حکومت کو اس سلسلے میں اقدامات اٹھانے ہوں گے۔ جماعت اسلامی نے مذاکرات کے نتیجے میں عوام کو ریلیف دلوایا ہے اور اب حکومت کو عوام کے مسائل حل کرنے ہوں گے کیونکہ عوام شدید پریشانی کا شکار ہیں۔
انہوں نے کہا کہ عوامی مسائل پر اس وقت صرف جماعت اسلامی ہی آواز اٹھا رہی ہے۔ حافظ نعیم الرحمان نے اعلان کیا کہ دوسرے مرحلے میں جماعت اسلامی مزید قوت کے ساتھ آگے بڑھے گی۔ ملک میں دس کروڑ افراد غربت کی لکیر سے نیچے زندگی گزار رہے ہیں اور حکومت کو اس پر سنجیدگی سے توجہ دینی ہوگی۔
کار سرکار میں مداخلت کے کیس میں مصطفیٰ نواز کھوکھر کو بڑا ریلیف
ذریعہ: City 42
کلیدی لفظ: جماعت اسلامی حافظ نعیم حکومت کو انہوں نے کہا کہ
پڑھیں:
جماعت اسلامی کا فلسطینیوں سے اظہار یکجہتی کیلیے 22 اپریل کو ملک گیر شٹر ڈاؤن ہڑتال کا اعلان
کراچی:جماعت اسلامی نے غزہ میں جاری جارحیت اور فلسطینیوں سے اظہار یکجہتی کیلیے 22 اپریل کو ملک بھر میں شٹر ڈاؤن ہڑتال کا اعلان کردیا۔
کراچی میں فلسطین مارچ میں خطاب کرتے ہوئے حافظ نعیم نے تحریک کے اگلے لائحہ عمل کا اعلان کیا اور عوام پر زور دیا کہ وہ غیر ملکی مصنوعات کے بائیکاٹ کی تحریک کو جاری رکھیں۔
اگلے لائحہ عمل کا اعلان کرتے ہوئے حافظ نعیم نے کہا کہ اگلے مرحلے میں بچوں کا ایک الگ مارچ کیا جائے گا، 18 اپریل کو ملتان 20 اپریل کو اسلام آباد میں غزہ مارچ ہوگا، اسلام آباد میں ملکی تاریخ کا سب سے بڑا اجتماع ہوگا۔
انہوں نے اعلان کیا کہ 22 اپریل کو پورے ملک میں شٹر ڈاؤن ہڑتال ہوگی، جس کی فلسطینی قیادت سے بھی توثیق لی ہے۔ عالم اسلام کی دیگر تنظیموں سے بھی اس روز ہڑتال کی بات کریں گے۔
حافظ نعیم نے کہا کہ 22 اپریل کو پورے ملک میں کاروبار بند کرکے غزہ کے ساتھ اظہار یکجہتی کیا جائے گا۔ انہوں نے کہا کہ اسلامی ممالک کے سربراہان اور انسانی حقوق کی تنظیموں کو بھی خطوط لکھ رہا ہوں، پوری دنیا میں امریکا کی غلاموں کے خلاف تحریک شروع کریں گے۔
انہوں نے مزید کہا کہ امریکا کے غلاموں کے خلاف تحریک کی قیادت کراچی کرے گا اور ہم کامیابی حاصل کریں گے۔
ریاست مخالف پروپیگنڈا، 20 پی ٹی آئی رہنماؤں کے وارنٹ جاری کرنے کا فیصلہ