کیپٹن امریکا کی نئی فلم ’’بریو نیو ورلڈ‘‘ کی اسکریننگ کے دوران سینما کی چھت گرگئی
اشاعت کی تاریخ: 28th, February 2025 GMT
واشنگٹن اسٹیٹ میں ایک جوڑے کو کیپٹن امریکا کی نئی فلم ’’بریو نیو ورلڈ‘‘ دیکھتے ہوئے ایسا ایکشن ملا جس کی انہوں نے کبھی توقع نہیں کی تھی۔
بین الاقوامی خبر رساں ادارے این بی سی نیوز کے مطابق منگل کی رات، جب ایک جوڑا لیبرٹی سنیما میں کیپٹن امریکا کی نئی فلم کا لطف اٹھا رہا تھا کہ اچانک سنیما ہال کی چھت ان کے سروں پر گرگئی۔
اطلاعات کے مطابق ویناچی فائر ڈپارٹمنٹ کو تقریباً 8 بجے کال موصول ہوئی، جس پر عملے نے پہنچ کر دیکھا کہ سنیما ہال میں صرف دو افراد موجود تھے۔ خوش قسمتی سے کوئی زخمی نہیں ہوا۔ فائر ڈپارٹمنٹ نے ایک بیان میں کہا، ’’یہ تو انٹرایکٹو مووی ایکسپیرئنس کہلائے گا.
فائر فائٹرز کی جانب سے جاری کی گئی تصاویر میں دیکھا جاسکتا ہے کہ فلم اسکرین پر چل رہی تھی، لیکن سنیما ہال کے سامنے والے حصے پر چھت کے ٹکڑے اور لکڑی کے تختے بکھرے ہوئے تھے۔ ایک ویڈیو میں دیکھا جاسکتا ہے کہ لمبے لکڑی کے تختے چھت کے شگاف سے باہر نکلے ہوئے ہیں۔
ویناچی کے لیبرٹی سینما کے مالک سن بیسن تھیٹرز نے اس واقعے کو ’’غیر متوقع‘‘ قرار دیا۔ ترجمان برائن کک نے این بی سی نیوز کو بتایا، ’’ہم سب اس بات پر شکر گزار ہیں کہ منگل کی شام کو ہونے والے اس واقعے میں کوئی زخمی نہیں ہوا۔‘‘ انہوں نے مزید کہا کہ سنیما کی ٹیم مقامی حکام کے ساتھ مل کر مکمل تحقیقات کر رہی ہے۔
منگل کی رات واقعے پر موجود ویناچی ویلی فائر ڈپارٹمنٹ کے بیٹالین چیف کیم فلپس نے بتایا کہ چھت گرنے سے پہلے سنیما ہال میں صرف ایک جوڑا موجود تھا۔ فلپس نے کہا، ’’انہوں نے کچھ پھٹنے اور ٹوٹنے کی آوازیں سنیں، جس پر مرد ساتھی نے کھڑے ہوکر صورتحال کا ادراک کیا اور وہاں سے اپنی ساتھی کو ہٹنے کےلیے کہا۔
یہ واقعہ نہ صرف سنیما انتظامیہ کےلیے ایک بڑا دھچکا ہے، بلکہ یہ ان تمام فلم بینوں کے لیے ایک یاددہانی ہے جو فلموں کے دوران حقیقی زندگی کے خطرات سے بے خبر ہوتے ہیں۔ خوش قسمتی سے، اس بار کسی کو نقصان نہیں پہنچا، لیکن یہ واقعہ سنیما ہالز کے حفاظتی اقدامات پر سوال اٹھاتا ہے۔
ذریعہ: Express News
کلیدی لفظ: سنیما ہال
پڑھیں:
دنیا امریکا پر آکر ختم نہیں ہوجاتی، وکٹر گاؤ
انہوں نے کہا کہ دنیا اتنی بڑی ہے کہ امریکا پر آکر ختم نہیں ہو جاتی، چین 5 ہزار سال سے ہے، اس میں زیادہ عرصہ وہ ہے، جب امریکا کا وجود بھی نہیں تھا اور ہم تب بھی جینا جانتے تھے۔ اسلام ٹائمز۔ چین کے تھینک ٹینک سینٹر فار چائنا اینڈ گلوبلائزیشن کے نائب صدر وکٹر گاؤ نے کہا ہے کہ دنیا اتنی بڑی ہے کہ امریکا پر آکر ختم نہیں ہو جاتی۔ برطانوی نشریاتی ادارے کو دیے گئے انٹرویو میں وکٹر گاؤ نے کہا کہ امریکا سے تجارتی جنگ میں چین آخری دم تک لڑنے کےلیے ہر طرح سے تیار ہے۔ انہوں نے کہا کہ دنیا اتنی بڑی ہے کہ امریکا پر آکر ختم نہیں ہو جاتی، چین 5 ہزار سال سے ہے، اس میں زیادہ عرصہ وہ ہے، جب امریکا کا وجود بھی نہیں تھا اور ہم تب بھی جینا جانتے تھے۔چینی تھینک ٹینک کے نائب صدر نے مزید کہا کہ اگر امریکا چین کو دھمکانا یا دبانا چاہتا ہے تو ہم اس صورتِ حال سے نمٹنا جانتے ہیں۔ اُن کا کہنا تھا کہ ہم امریکا پر انحصار کیے بغیر مزید 5 ہزار سال بھی سروائیو کر سکتے ہیں۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار