ماہِ رمضان کی تیاری، قرآن، سنت اور رومیؒ کی حکمت کی روشنی میں
اشاعت کی تاریخ: 28th, February 2025 GMT
رمضان المبارک اللہ تعالیٰ کی بے پایاں رحمتوں، مغفرتوں، برکتوں اور نجات کا مہینہ ہے۔ یہ تقویٰ، صبر، خود احتسابی اور اللہ کے قرب کا بہترین موقع فراہم کرتا ہے۔ جلال الدین رومی ؒفرماتے ہیں،یہ دنیا ایک خواب ہے اور جب رمضان آتا ہے تو گویا انسان خواب سے بیدار ہونے کا موقع پاتا ہے۔ جو شخص روزہ رکھ کر اپنے اندر ضبطِ نفس، صبر اور تقویٰ پیدا نہیں کرتا، وہ حقیقت میں اس بیداری کے موقع کو کھو دیتا ہے۔پس رمضان کی برکتوں سے بھرپور فائدہ اٹھانے کے لئے ضروری ہے کہ ہم اس کی درست تیاری کریں۔سوشل میڈیا اور ہر میسج فارورڈ کرنے سے بھی روزہ رکھ لیں۔ ہر قسم فضول اور فحش باتوں سے مکمل اجتناب کریں اور پرہیزگاری اختیار کریں۔ روزہ رکھنے کا مقصد ہ پرہیزگاری کا اختیار کرنا ہے روحانی تیاری،اخلاص اور نیت کی درستگی۔ ذکر و استغفار کا اہتمام کرنا،اس سے روحانی سکون ملتا ہے۔ رومیؒ فرماتے ہیں،نیت کی پاکیزگی عمل کی روشنی ہے، اگر نیت خالص ہو تو ایک ذرہ بھی پہاڑ بن جاتا ہے۔لہٰذا، روزہ رکھتے وقت ہمیں اپنی نیت کو خالص رکھنا چاہیے کہ یہ محض بھوکا رہنے کے لئے نہیں، بلکہ اللہ کے حکم کی تعمیل، تقویٰ کے حصول، اور دل کی اصلاح کے لئے ہے۔ جیسا کہ قرآن میں ارشاد ہے:لعلکم تتقون (البقرہ: 183)
توبہ و استغفاررومیؒ فرماتے ہیں،اگر تمہارے گناہ دریا کی جھاگ کے برابر بھی ہیں، تب بھی اللہ کی رحمت اس سے زیادہ وسیع ہے۔ وہ توبہ کو پسند کرتا ہے، پس اس کی رحمت کو پانے کے لئے اپنے دل کو صاف کرو۔حدیث میں آتا ہے کہ رمضان میں توبہ کرنے والا ایسا ہے جیسے وہ ابھی پیدا ہوا ہو (مسلم) پس ہمیں چاہیے کہ رمضان سے پہلے اور دوران، گناہوں سے سچی توبہ کریں تاکہ ہمارا دل صاف ہو اور ہم رحمت الہٰی کے مستحق بن سکیں۔قرآن سے گہرا تعلق رومی فرماتے ہیں،قرآن ایک ایسا نور ہے جو تمہارے دل کی تاریکی کو مٹا دیتا ہے، لیکن یہ روشنی صرف انہیں نصیب ہوتی ہے جو اخلاص کے ساتھ اس سے جڑتے ہیں۔رمضان قرآن کا مہینہ ہے، جیسا کہ اللہ تعالیٰ فرماتے ہیں:شہر رمضان الذیِٓ انزِل فِیہِ القران (البقرہ: 185) اس لئے ضروری ہے کہ روزانہ قرآن کی تلاوت کریں، اس کے معنی و مفہوم پر غور کریں، اور اسے اپنی زندگی میں نافذ کریں۔نماز، دعا، اور ذکر کی پابندی رومیؒ کہتے ہیں،نماز وہ دروازہ ہے جو تمہیں اللہ کے قرب میں لے جاتا ہے، اور دعا وہ ندی ہے جو تمہارے دل کو پاک کرتی ہے۔ لہٰذا، ہمیں چاہیے کہ فرض نمازوں کے ساتھ ساتھ تراویح، تہجد، اور اذکار کا اہتمام کریں، کیونکہ رمضان میں دعائیں خاص طور پر قبول ہوتی ہیں(ترمذی)نیک اعمال میں سبقت رومیؒ کہتے ہیں،اگر تم چاہتے ہو کہ اللہ تمہیں نوازے، تو پہلے دوسروں پر نوازش کرو۔ اللہ کا دروازہ دینے والوں کے لئے کھلتا ہے، مانگنے والوں کے لئے نہیں۔اسی لئے رمضان میں سخاوت، خیرات اور یتیموں و مساکین کی مدد کرنی چاہیے، کیونکہ نبی کریم ﷺ سب سے زیادہ سخاوت رمضان میں کرتے تھے (بخاری) جسمانی تیاری،صحت مند طرزِ زندگی رومیؒ فرماتے ہیں،زیادہ کھانے سے دل سخت ہو جاتا ہے اور روحانی بصیرت ماند پڑ جاتی ہے۔ کھانے میں اعتدال اختیار کرو تاکہ روح بلند ہو سکے۔بہت سے لوگ رمضان میں وزن کم کرنے کے بجائے زیادہ کھا کر اسے بڑھا لیتے ہیں، جو کہ روزے کے مقصد کو فوت کر دیتا ہے۔ ہمیں چاہیے کہ سادہ، متوازن، اور ہلکی غذا کھائیں۔سحری کی پابندی حدیث میں ہے: تسحروا فاِن فِی السحورِ برکۃ (بخاری)
سحری میں برکت ہے، اس لیے ہمیں سحری ضرور کرنی چاہیے اور ایسی غذا کا انتخاب کرنا چاہیے جو دن بھر توانائی برقرار رکھے۔افطار میں سادگی اور اسراف سے اجتناب رومیؒ فرماتے ہیں،سونا چمکنے میں خوبصورت ہے، مگر اگر ضرورت سے زیادہ ہو تو آنکھوں کو چکاچوند کر دیتا ہے۔ اسی طرح، اگر کھانے میں سادگی نہ ہو تو وہ تمہاری روح کو بھاری کر دیتا ہے اور صحت و خراب ردیتا ہے۔ افطار میں سادگی اختیار کریں، جیسا کہ نبی کریم ﷺ کا معمول تھا، اور غیر ضروری، نمائشی، اور فضول خرچی پر مبنی افطاریوں سے بچیں اور افطار پاڑٹیوں سے اجتناب کریں۔اجتماعی اور سماجی تیاری،گھریلو ماحول کی تیاری رومی فرماتے ہیں،اگر تم چاہتے ہو کہ تمہارے گھر میں روشنی ہو، تو پہلے اپنے دل کے چراغ کو روشن کرو۔لہٰذا، ہمیں چاہیے کہ اپنے گھروں میں نیکی، عبادت، اور محبت کا ماحول پیدا کریں اور بچوں کو رمضان کی اہمیت سکھائیں۔صدقہ و خیرات کی عادت، رومیؒ فرماتے ہیں،جو شخص دیتا ہے وہ حقیقت میں لے رہا ہوتا ہے، کیونکہ اللہ کے راستے میں دیا گیا ہر سکہ سات سو گنا بڑھ کر لوٹتا ہے۔رمضان میں نیکیوں کا اجر کئی گنا بڑھ جاتا ہے (ترمذی) اس لیے زکوٰۃ اور صدقہ و خیرات کا خاص اہتمام کریں۔دوسروں کو معاف کرنا اور دل کو بغض و حسد سے پاک کرنارومیؒ کہتے ہیں،جب تم کسی کو معاف کرتے ہو، تو تم اپنے دل کو قید سے آزاد کرتے ہو۔ اگر چاہتے ہو کہ تمہیں اللہ معاف کرے، تو پہلے تم دوسروں کو معاف کرو۔لہٰذا، دل کی کدورتیں نکال کر رشتہ داروں، دوستوں، اور پڑوسیوں سے حسنِ سلوک کریں، کیونکہ حدیث میں آتا ہے کہ بغض رکھنے والوں کے اعمال قبول نہیں ہوتے (مسلم) اگر ہم ان امور پر عمل کریں گے، تو ان شا اللہ رمضان کی برکتوں سے بھرپور فائدہ حاصل کر سکیں گے۔
رومی ؒفرماتے ہیں،رمضان اللہ کے دروازے پر دستک دینے کا وقت ہے۔ اگر تم خلوص کے ساتھ آگے، تو تمہیں وہ ملے گا جس کی تمہیں طلب ہے۔اللہ تعالیٰ ہمیں رمضان کی صحیح تیاری کرنے، اس کی برکتیں حاصل کرنے، اور فضول خرچی، نمود و نمائش سے بچنے کی توفیق عطا فرمائے۔ (آمین)
ذریعہ: Daily Ausaf
کلیدی لفظ: ہمیں چاہیے کہ فرماتے ہیں رمضان کی اللہ کے دیتا ہے جاتا ہے کہ اللہ کے لئے اگر تم
پڑھیں:
یو اے ای کے 5 سالہ ویزے کے لیے درکار دستاویزات اور بینک بیلنس کتنا ہونا چاہیے؟
متحدہ عرب امارات کی جانب سے 5 سالہ ملٹی پل انٹری ٹورسٹ ویزا اب پاکستانی شہریوں کے لیے دستیاب ہے، متحدہ عرب امارات نے 5 سالہ ملٹی پل انٹری ٹورسٹ ویزا کچھ سال قبل متعارف کیا تھا، جو پاکستانیوں سمیت تمام ممالک کے شہریوں کے لیے دستیاب ہے۔
یہ ویزا 5 سال کی مدت کے لیے کارآمد ہوگا اور ویزا حاصل کرنے کے خواہشمند افراد کو کسی گارنٹر یا میزبان کی ضرورت نہیں ہوگی بلکہ اس ویزے کے تحت بار بار متحدہ عرب امارات میں داخلے کی اجازت ہوگی۔
واضح رہے کہ سیاح کو ہر وزٹ پر 90 دن تک قیام کی اجازت ہوگی، جسے مزید 90 دن کے لیے بڑھایا جاسکتا ہے تاہم، ایک سال میں مجموعی قیام 180 دن سے زائد نہیں ہونا چاہیے۔
اوورسیز ایمپلائمنٹ پروموٹرز ایسوسی ایشن کے وائس چیئرمین محمد عدنان پراچہ کے مطابق یہ پاکستان کے لیے بہت خوش آئند بات ہے کہ یو اے کی جانب سے 5 سالہ ویزا پاکستانیوں کے لیے بھی کھول دیا گیا ہے۔
یہ بھی پڑھیں: یو اے ای گولڈن ویزا: طلبا کو کون سے بڑے فائدے مل سکتے ہیں؟
’اس سے سیاحت کو فروغ ملے گا اس کے علاوہ سیاح اور کاروباری افراد جنہیں بار بار ویزا لگوانا پڑتا تھا، اب اس پانچ سال کے ملٹی پل انٹری ویزے کی وجہ سے انہیں کمفرٹ زون مل گیا ہے، کیونکہ اس ویزے کی معیاد 5 سال ہوگی۔‘
5 سالہ اس ویزے کے حصول کے لیے کراچی اور اسلام آباد میں مقررہ سینٹرز جا کر کوئی بھی شخص باآسانی بینک اسٹیٹمنٹ دکھانے کے علاوہ کنفرم ہوٹل ریزرویشن، کنفرم ریٹرن ٹکٹ اور اگر وہاں جا کر کسی کے گھر پر ٹھہرنا ہے تو اس سے رشتہ داری اور اس سے منسلک تمام تر واضح تفصیلات جمع کرواسکتا ہے۔
’ویزے کے حصول کے لیے سب سے اہم بینک اسٹیٹمنٹ ہے، جس کے مطابق ویزے کے درخواست گزار کے بینک اکاؤنٹ میں گزشتہ 6 ماہ کے دوران کم از کم 4 ہزار ڈالر یا اس کے مساوی کسی بھی کرنسی میں بینک بیلنس ہونا چاہیے۔‘
عدنان پراچہ کے مطابق ان تمام تفصیلات کے علاوہ ہیلتھ انشورنس بھی ہونی چاہیے، جس کے بعد پھر بائیو میٹرک سسٹم ہے، جس کے ذریعے 3 سے 4 دن کے اندر فیس جمع کروانے کے بعد متعلقہ فرد کو ویزا ایشو کردیا جائے گا۔
مزید پڑھیں: یو اے ای: ورک پرمٹ اور رہائشی ویزا پروسیسنگ کا عمل اب پہلے سے بھی تیز
’پہلے بھی سیاحتی ویزے کی درخواستوں کے مسترد ہونے کے امکانات تھے جو اس ملٹی پل انٹری ویزے کے حصول میں میں لاحق ہوسکتے ہیں کیونکہ اس میں یو اے ای امیگریشن باقاعدہ تمام تر دستاویزات کو چیک کرنے کے بعد ویزا جاری یا درخواست مسترد کریں گے۔‘
ایمپلائمنٹ ویزے کے حوالے سے عدنان پراچہ کا کہنا تھا کہ متحدہ عرب امارات کی حکومت کی جانب سے پاکستان کے لیے یہ ایک بہت اچھا قدم اٹھایا گیا ہے کیونکہ مقامی بیوروز کا ایمپلائمنٹ کے حوالے سے بزنس تقریباً گزشتہ ڈیڑھ سال سے کافی متاثر رہا ہے۔
’ہماری ہائی اسکلڈ ورک فورس خاص طور پر یو اے ای کو ترجیح دیتی ہے اور وہ گزشتہ ڈیڑھ سال سے یو اے ای سیکٹر کی بحالی کی منتظر رہی ہے۔ امید ہے کہ ایمپلائمنٹ ویزے پر بھی یو اے ای کی جانب سے نظر ثانی کی جائے گی۔‘
مزید پڑھیں: امریکا کی جانب سے پاکستانیوں کے ویزوں کی منسوخی برین ڈرین میں کمی کا سبب بن سکتی ہے؟
اوورسیز ایمپلائمنٹ پروموٹرز ایسوسی ایشن کے مطابق 2 برس قبل تقریباً 2 لاکھ 30 ہزار کے قریب ورک فورس ایکسپورٹ کی گئی تھی، جو اب کم ہو کر 70 ہزار تک آ چکی ہے۔ ’وزٹ ویزا کے لیے ملٹی پل انٹری ویزا بہت اچھا قدم ہے لیکن حکومت کو اب ورک ویزا بھی باقاعدہ بحال کروانا چاہیے۔‘
پاکستان میں سعودی عرب کے بعد سب سے زیادہ زرمبادلہ یو اے ای سے بھیجا جاتا ہے، تقریباً 15 لاکھ کے قریب پاکستانی یو اے ای میں مقیم ہیں۔’ہم حکومت سے درخواست کرتے ہیں کہ یو اے ای کی حکومت سے بات کر کے ہماری ورک فورس ویزا رجیم بحال کروائی جائے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوورسیز ایمپلائمنٹ پروموٹرز ایسوسی ایشن ایمپلائمنٹ ویزے بینک اسٹیٹمنٹ پاکستان ریٹرن ٹکٹ سعودی عرب سیاحتی ویزے ملٹی پل انٹری ٹورسٹ ویزا ملٹی پل انٹری ویزے ہائی اسکلڈ ہوٹل ریزرویشن ورک فورس وزٹ ویزا
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان