100 سے زائد امریکی انٹیلیجنس اہلکار فحش جنسی گفتگو کرنے پر برطرف
اشاعت کی تاریخ: 28th, February 2025 GMT
نیشنل انٹیلی جنس کی ڈائریکٹر ٹلسی گببارڈ نے کہا کہ انٹیلی جنس کمیونٹی کے 100 سے زائد اہلکاروں کو حکومت کے ایک محفوظ چیٹ سسٹم کا استعمال کرتے ہوئے واضح طور پر فحش جنسی بات چیت کرنے کے الزام میں برطرف کر دیا گیا ہے۔ یہ چیٹ سسٹم حساس معلومات کے تبادلے کے لیے استعمال کیا جاتا ہے۔
مزید پڑھیں: پاکستان سمیت دُنیا بھر کی خواتین سیاستدان، اداکارائیں فحش ویب سائٹ کا شکار
خبر رساں ادارے رائٹرز کے مطابق گببارڈ نے فاکس نیوز کو بتایا کہ ان اہلکاروں کا نیشنل سیکیورٹی ایجنسی کے ٹول کا استعمال اعتماد کی سنگین خلاف ورزی ہے جو پیشہ ورانہ معیار اور اصولوں کے خلاف ہے۔
مزید پڑھیں: پنجاب میں فحاشی میں ملوث تھیٹر اداکاروں اور رقاصاؤں پر تاحیات پابندی لگانے کا فیصلہ
گببارڈ نے کہا کہ میں نے ہدایات جاری کی ہیں کہ ان سب کو برطرف کردیا جائے اور ان کی سیکیورٹی کلیئرنس کو بھی منسوخ کر دیا جائے۔
نیشنل انٹیلی جنس کے ترجمان نے ایک بیان میں کہا کہ گببارڈ نے ایک میمو جاری کیا تھا جس میں تمام انٹیلی جنس ایجنسیوں کو ہدایت دی گئی تھی کہ وہ ان اہلکاروں کی شناخت کریں جو غیر اخلاقی، فحش اور جنسی چیٹ رومز میں حصہ لے رہے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹیلی جنس کمیونٹی ٹلسی گببارڈ فحش کمیونٹی نیشنل انٹیلی جنس.ذریعہ: WE News
کلیدی لفظ: انٹیلی جنس کمیونٹی ٹلسی گببارڈ فحش کمیونٹی نیشنل انٹیلی جنس انٹیلی جنس
پڑھیں:
پاکستان میں ایمان، اتحاد اور نظم و ضبط کا عملی مظاہرہ دیکھا، امریکی اراکین کانگریس
پاکستان کے دورے پر آئے امریکی اراکین کانگریس نے اپنے دورے کو انتہائی کامیاب اور مستقبل کےحوالے سے اہم قرار دیا ہے۔
ان کا کہنا تھا کہ پاکستان میں اعلیٰ سیاسی و عسکری شخصیات سے ملاقات دونوں ملکوں کے تعقات کو مزید مستحکم کرے گی۔
دورے کے حوالے سے گفتگو کرتے ہوئے رکن کانگریس جیک وارن برگ مین نے کہا کہ پاکستان اور امریکا کے تعلقات کی اہمیت مسلم ہیں، اس کی اہمیت کو مستقبل میں کم نہیں سمجھا جاسکتا، اس کے مثبت اثرات نہ صرف پاکستان اور امریکا، بلکہ دنیا کے دیگر ترقی پذیر علاقوں پر بھی مرتب ہوں گے۔
یہ بھی پڑھیے: دہشتگردی ایک عالمی چیلنج،دنیا پاکستان سے بھرپور تعاون کرے، وزیرداخلہ کی امریکی وفد سے گفتگو
جیک وارن برگ مین کا کہنا تھا کہ ہم یہاں مخصوص شعبوں میں کام کر رہے ہیں اور شراکت داری کو فروغ دے رہے ہیں، اس شراکت داری میں معدنیات ایک اہم شعبہ ہے، یہ اقدامات آنے والے وقت میں ایسی مضبوط صنعتوں کی بنیاد رکھیں گے جو پاکستان سمیت پوری دنیا کے لیے فائدہ مند ہوں گی۔
ان کا کہنا تھا کہ کان کنی کے نئے طریقے اور نئی مصنوعات، یہ تمام عناصر ہمارے پیداواری مستقبل کے لیے نہایت اہم ہیں، پاکستان اور امریکا کے درمیان تعلقات اس لیے ضروری ہیں کہ ہم دونوں ملک آزادی پر یقین رکھتے ہیں۔
کانگریس مین تھامس رچرڈ سوازی نے نے گفتگو کرتے ہوئے کہا کہ پاکستان کا دورہ شاندار رہا، ہم پاکستانیوں کی میزبانی کے شکر گزار ہیں، ہمیں پاکستان اور امریکا کے تعلقات کو مضبوط بنیادوں پر استوار کرنا ہوگا۔
انہوں نے کہا کہ پاکستانی تارکین وطن کو ایک سفیر کے طور پر دیکھتے ہیں جنہوں نے ہماری سرزمین پر کامیاں حاصل کیں، پاکستانیوں میں بے شمار خوبیاں موجود ہیں، یہ لوگ محنتی، تعلیم یافتہ اور خاندانی ہیں، معاشی سلامتی کے لیے دونوں ملک مل کر کام کرینگے، اور معاشی سرگرمیوں کو فروغ دینگے۔
یہ بھی پڑھیے:دہشتگردی ایک عالمی چیلنج،دنیا پاکستان سے بھرپور تعاون کرے، وزیرداخلہ کی امریکی وفد سے گفتگو
کانگریس مین جوناتھن لوتھر جیکسن نے دورہ پاکستان کو خوش آئند قرار دیتے ہوئے کہا ک میں نے پاکستان میں ایمان، اتحاد اور نظم و ضبط کا عملی مظاہرہ دیکھا، مشترکہ تاریخ اور اعتماد کی بنیاد پر پاکستان کے ساتھ تعلقات کو مزید مضبوط بنانے کا ایک سنہری موقع موجود ہے، مجھے یقین ہے کہ پاکستان کا مستقبل انتہائی روشن ہے۔
ان کا بتانا تھا کہ پاکستان میں مذہبی مقامات کا دورہ کیا، پاکستان کے اعلیٰ ترین حکام سے ملاقاتیں بھی کیں، پاکستان کے تعلقات کو مزید مستحکم کرنے، انہیں وسعت دینے اور پاکستان کی کامیابیوں کے لیے پُرعزم ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CONGRESS پاکستان امریکا تعلقات کانگریس معدنیات
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی