Nawaiwaqt:

ملک بھر میں موسلادھار بارش اور برف باری کا سلسلہ جاری

اشاعت کی تاریخ: 28th, February 2025 GMT

صوبائی دارالحکومت لاہوراور صوبے بھر سمیت خیبرپختونخواہ،سندھ اور بلوچستان میں موسلادھار بارش اور برف باری کا سلسلہ جاری ،مختلف علاقوں میں سیاح پھنس گئے،ملک کے بالائی علاقوں کی شاہراہیں بند، گلگت میں شدید بارشیں اور لینڈ سلائیڈنگ ہوئی،جمرود میں پہاڑی تودہ گرنے سے ایک شخص جاں بحق ہوگیا، کشمیر، گلگت بلتستان اور خیبرپختونخواہ میں برف باری سے نظارے حسین ہوگئے۔ گجرات، سرگودھا، جھنگ، ڈیرہ غازی خان، کوٹ ادو، چیچہ وطنی ،اسلام آباد، راولپنڈی، اٹک،رحیم یار خان اور دیگر علاقوں میں بادل برس پڑے، لاہور میں وقفے وقفے سے بارش کا سلسلہ جاری ہے۔ بلوچستان کے مختلف علاقوں میں باران رحمت ہوئی، کوئٹہ، سبی، قلات میں بادل خوب برسے، مری میں گرج چمک کیساتھ بارش اور ژالہ باری ہوئی۔ برف باری اور بادل برسنے سے ملک کے مختلف علاقوں میں سردی میں اضافہ ہوگیا ۔اوباڑو اور گھوٹکی میں بھی بارش ہوئی، لوئردیر کے مختلف علاقوں میں بھی موسلادھار بارش نے جل تھل ایک کردیا۔بارش کے بعد نشیبی علاقوں میں بارش کا پانی جمع ہوگیا۔مختلف اضلاع میں بارش کے ساتھ ہی کئی فیڈر ٹرپ ہونے سے بجلی کی فراہمی معطل ہوگئی جبکہ وادی نیلم، استور اور کالام میں برفباری کے باعث سردی کی شدت میں اضافہ ہوگیا۔گلیات ، وادی نیلم اور وادی لیپا میں شدید برف باری سے ٹریفک کی روانی متاثر ہونے سے سیاح مشکلات کا شکار ہوگئے جب کہ مواصلاتی نظام بھی درہم برہم ہوگیا۔ استور میں تیسرے روز بھی برفباری کا سلسلہ جاری ہے اور بالائی علاقوں کا زمینی رابطہ منقطع ہے جب کہ 3 روز سے جاری برفباری کے باعث بجلی اورپانی کی سپلائی معطل ہے۔اہراہ قراقرم متعدد مقامات سے بند ہو گئی، داسو کے قریب بارش کی وجہ سے پہاڑ سرک گیا۔ کئی افراد پھنس گئے۔ لال پڑی کے مقام پر سیلابی ریلا سڑک بہا کر لے گیا۔گلیات کی بالائی چوٹیوں پر برفباری ہوئی، کوزہ گلی کے مقام پر متعدد گاڑیاں پھنس گئیں۔ ایبٹ آباد میں شدید برف باری میں پھنسے سیاحوں کو ریسکیو کرلیا گیا۔دوسری جانب محکمہ موسمیات کے مطابق پنجاب، خیبرپختونخوا ہ اور بلوچستان میں آج بھی مزید بادل برسیں گے۔ملک کے بیشتر علاقوں میں موسم خشک اور مطلع جزوی ابر آلود رہنے کا امکان ہے جبکہ بالائی خیبر پختونخواہ، شمال مشرقی بلوچستان، شمال مشرقی پنجاب، اسلام آباد، کشمیر اور گلگت بلتستان میں چند مقامات پر بارش اور پہاڑوں پر برفباری کی توقع ہے۔ پنجاب کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔راولپنڈی، اٹک، جہلم، گجرات، چکوال، گوجرانوالہ، سیالکوٹ، نارووال، لاہور، اوکاڑہ، قصور، بہاولنگر، بہاولپور، شیخوپورہ اور گردو نواح میں دن کے دوران چند مقامات پر تیز ہواﺅں اور گرج چمک کے ساتھ وقفے وقفے سے مزید بارش جبکہ چند مقامات پر ژالہ باری کی توقع ہے۔ مری، گلیات اور گردونواح میں دن کے اوقات میں تیز ہواﺅں اور گرج چمک کے ساتھ وقفے وقفے سے بارش اور برفباری کا امکان ہے۔خیبر پختونخوا ہ بلوچستان اور سندھ کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔بالائی علاقوں دیر، چترال، کوہستان، سوات، شانگلہ، مانسہرہ، بٹگرام، بونیر، ایبٹ آباد، صوابی، مردان، مالاکنڈ، باجوڑ، نوشہرہ، پشاور اور چارسدہ میں دن کے اوقات میں تیز ہواﺅں اور گرج چمک کے ساتھ وقفے وقفے سے مزید بارش اور پہاڑوں پر برفباری کا امکان ہے۔

.

ذریعہ: Nawaiwaqt

کلیدی لفظ: مختلف علاقوں میں کا سلسلہ جاری وقفے وقفے سے کا امکان ہے بارش اور باری کا کے ساتھ

پڑھیں:

آج بہت بڑے سائز کے اولے کیوں پڑے، وجہ معلوم ہو گئی

اسلام آباد(نیوز ڈیسک)اسلام آباد میں اچانک تیز بارش اور ژالہ باری نے زندگی کا نظام درہم برہم کر ڈالا۔ بعض علاقوں میں کرکٹ بال اور بعض علاقوں میں گولف بال کے سائز کے بڑے بڑے اولے پڑے۔ اس اچانک افتاد سے ہونے والے نقصان کا ابھی کوئی اندازہ نہیں کیا جا سکا۔

اسلام آباد میں مدتوں بعد بہت قلیل وقت میں بہت زیادہ اولے برسے، اولوں سے زمین، سڑکیں، گلیاں اور گھروں کی چھتیں سفید ہو گئیں۔اسلام آباد اور نواحی علاقوں میں آج یہ بہت برے سائز کے اولے مومیاتی فنامنا شدید مغربی ڈسٹربنس کے زیر اثر پڑے ہیں۔
گرنے والے اولوں کا سائز کرکٹ اور گالف کی گیندوں کے برابر تھا۔

بڑے بڑے اولے برسنے سے سڑکوں اور کھلی جگہوں پر موجود متعدد گاڑیوں کے ونڈ سکرین ٹوٹ گئں۔

یہ کیوں ہوا

علاقہ کے سب سے برے میٹیریولوجیکل ڈیپارٹمنٹ نے شدید گرمی کی لہر اور اس کے ساتھ بے موسم بارشوں کے امکان کا الرٹ جاری کر رکھا ہے جس مین خاص طور سے اچانک اولے برسنے کی وارننگ دی گئی تھی۔

انڈین میٹیریولوجیکل ڈیپارٹمنٹ نے کل پندرہ اپریل کو ایک بار پھر بتایا تھا کہ ملک میں (انڈیا میں) پھر سے ہیٹ ویو اور بے موسم بارش کا امکان ہے، شدید گرمی کی لہر اور اس کے ساتھ بے موسم بارشوں سے ان علاقوں کے کسانوں کو ہو سکتا ہے نقصان۔ آئی ایم ڈی نے یہ پیش گوئی دراصل مارچ کی ابتدا مین ہی کی تھی کہ ہیٹ ویوز آئیں گی اور اس کے ساتھ ژالہ باری کے آئسولیٹڈ واقعات ہوں گے۔

انڈیا کا میٹ ڈیپارٹمنٹ موسم کی جو عمومی پیش گوئی وسیع جغرافیائی خطہ کے لئے کرتا ہے وہ پاکستان کے لئے بھی ویسی ہی مؤثر ہوتی ہے جیسی بارڈر پار انڈیا کے علاقوں کے لئے۔ حالیہ گرمی کی لہر اور اولے برسنے، بے موسم بارشیں ہونے کی پیش گوئی بھی دونوں ملکوں کے لئے یکساں صحیح ثابت ہوئی۔
انڈیا کے میٹ ڈیپارٹمنٹ نے کل خبردار کیا کہ ان موسمی تبدیلیوں کے باعث کئی علاقوں میں ٹریفک اور روزمرہ کی سرگرمیاں متاثر ہو سکتی ہیں۔ خاص طور پر پہاڑی علاقوں میں لینڈ سلائیڈنگ اور نشیبی علاقوں میں پانی جمع ہونے کا خطرہ رہے گا۔ کسانوں کو یہ بھی مشورہ دیا گیا ہے کہ وہ اپنی فصلوں کی حفاظت کے لیے مناسب اقدامات کریں کیونک اچانک آنے والی ہ ژالہ باری اور تیز بارش فصلوں کو نقصان پہنچا سکتی ہے۔
انڈیا کے میٹ ڈیپارٹمنٹ نے بتایا تھا کہ آئندہ چند روز میں مختلف ریاستوں میں موسم تبدیل ہونے والا ہے۔

گجرات کے ساحل سے لے کر ہریانہ اور پنجاب تک

آئی ایم ڈی کی پیش گوئی کے مطابق گجرات میں 15 سے 17 اپریل تک اور(مشرقی) پنجاب، ہریانہ، چنڈی گڑھ، دہلی اور مغربی مدھیہ پردیش میں 16 سے 18 اپریل تک گرمی کی لہر کا امکان ہے۔ اس کے علاوہ راجستھان میں 18 اپریل تک گرمی کی لہر جاری رہ سکتی ہے۔ گرمی کی ان لہروں کی وجہ سے درجہ حرارت بڑھ سکتا ہے اور لوگوں کو پریشانی کا سامنا کرنا پڑ سکتا ہے۔
آئی ایم ڈی کی اس پیشین گوئی کو لے کر پاکستان کے میٹ ڈیپارٹمنٹ نے بھی پاکستانی پنجاب اور سندھ میں ہیٹ ویو Heat Wave کی فورکاسٹ کی۔ اس ہی پیشگوئی کے مطابق آج اسلام آباد میں ژالہ پرا۔ پاکستان کے میٹ ڈیپارٹمنٹ نے کل اسلام آباد کا نام لے کر ژالہ پڑنے کی فور کاسٹ کی تھی لیکن اس ایونٹ کی گریویٹی کی نشان دہی نہیں کی تھی۔

شدید مغربی ڈسٹربنس
آئی ایم ڈی کے مطابق 16 سے 20 اپریل تک مغربی ہمالیائی خطے میں شدید مغربی ڈسٹربنس کے سرگرم ہونے کا امکان ہے۔ 18 اور 19 اپریل کو اس کی شدت عروج پر ہوگی جس کی وجہ سے بعض علاقوں میں تیز بارش ہوسکتی ہے۔ ویسٹرن ڈسٹربنس کے اثر کے باعث 18 اور 19 اپریل کو جموں و کشمیر، لداخ، گلگت بلٹستان اور مظفرآباد میں ژالہ باری کا امکان ہے۔ ہماچل پردیش اور اتراکھنڈ میں بھی اس دوران تیز ہواؤں اور بجلی گرنے کے ساتھ بارش کا امکان ہے۔ شمال مغربی ہندوستان کے میدانی علاقوں میں 18 اور 20 اپریل کے درمیان گرج چمک، بجلی اور تیز ہوائیں چل سکتی ہیں۔

جنوبی انڈیا میں تیز بارشیں

جنوبی ہندوستان میں بھی ان ہی دنوں میں موسم کا مزاج بدل جائے گا۔ اگلے پانچ دنوں کے دوران تمل ناڈو، پڈوچیری، کرائیکل، ساحلی آندھرا پردیش، یانم، رائلسیما، تلنگانہ اور اندرونی کرناٹک میں 30-40 کلومیٹر فی گھنٹہ کی رفتار سے آندھی چلنے تیز بارش کا امکان ہے۔ کیرالہ میں اگلے تین دنوں تک ہلکی سے درمیانی بارش، آسمانی بجلی اور تیز ہوائیں 40-50 کلومیٹر فی گھنٹہ کی رفتار سے چل سکتی ہیں۔
مزیدپڑھیں:راولپنڈی: فاسٹ فوڈ ریسٹورنٹ میں ہنگامہ آرائی کرنے والے 14 ملزمان گرفتار