دنیا کے سب سے بڑے مسافر بردار جہاز کو اڑانے والی ترکی کی پہلی خاتون
اشاعت کی تاریخ: 28th, February 2025 GMT
کبریٰ یلدرم دنیا کے سب سے بڑے مسافر بردار طیارے ایئربس A380 کی کپتان پائلٹ بننے والی ترکی کی پہلی خاتون بن گئی ہیں۔
کبریٰ جو A380 پر فرسٹ آفیسر کے طور پر خدمات انجام دے رہی تھیں، اب کپتان کی نشست سنبھال چکی ہیں۔
انہوں نے اپنے ایوی ایشن کیریئر کا آغاز ترکش ایئر لائنز کی ہوائی جہاز کی دیکھ بھال کرنے والی کمپنی ٹی ایچ آئی ٹیکنیک میں انٹرنشپ کے ساتھ کیا۔
اپنی ٹریننگ کے بعد انہوں نے ترکش ایئر لائنز کے ایئربس فلیٹ میں فرسٹ آفیسر کے طور پر شمولیت اختیار کی۔
دبئی میں ایک ایئر لائن میں اپنے کیریئر کو جاری رکھتے ہوئے، کبریٰ نے کپتان کے عہدے کو حاصل کرنے سے پہلے کئی سالوں تک ایک فرسٹ آفیسر کے طور پر A380 کو اڑایا۔
اپنے سوشل میڈیا اکاؤنٹ پر اس خبر کا اعلان کرتے ہوئے کبریٰ نے اپنے فخر اور تشکر کا اظہار کرتے ہوئے کہا کہ یہ سفر جو میں نے تقریباً 12 سال قبل شروع کیا تھا، آج اس نے مجھے کپتان کی مسند پر پہنچا دیا ہے۔
انہوں نے مزید کہا کہ ہر قدم، ہر چیلنج اور ہر کامیابی نے مجھے نئے سرے سے تشکیل دیا ہے۔ یہ پیشہ صرف نوکری نہیں بلکہ میری زندگی کا حصہ ہے۔ میں ہر اس شخص کی تہہ دل سے مشکور ہوں جنہوں نے میرا ساتھ دیا۔ میں اب باضابطہ طور پر ایئربس A380 کی کپتان ہوں۔
ذریعہ: Express News
پڑھیں:
لندن میں مسلسل تیسری بار ’رمضان کی روشنیاں‘ جگمگانے لگیں، دنیا کے لیے مثال قائم
لندن: برطانیہ کے دارالحکومت لندن میں مسلسل تیسرے سال رمضان کی خصوصی روشنیاں لگائی گئی ہیں، جن کا افتتاح لندن کے میئر صادق خان نے کیا۔
اس طرح لندن مغربی دنیا کا پہلا شہر بن گیا ہے جہاں رمضان کے موقع پر روشنیوں کی تنصیب ایک روایت بن چکی ہے۔
تقریب سے خطاب کرتے ہوئے صادق خان نے کہا کہ رمضان لائٹس لگانے کی روایت لندن کی ثقافتی ہم آہنگی اور تنوع کو ظاہر کرتی ہے۔ انہوں نے کہا"یہ ہمارے لیے باعث فخر ہے کہ ہم رمضان کی یہ خوبصورت روشنیاں لگا کر تمام مذاہب کے احترام اور تسلیم کرنے کا عزم ظاہر کر رہے ہیں"۔
انہوں نے اسلامو فوبیا کے خلاف بات کرتے ہوئے کہا کہ بعض لوگ مسلمانوں کے خلاف غلط معلومات پھیلاتے ہیں، لیکن ہمیں حقیقی اسلام کو اجاگر کرنا چاہیے، جو عبادت، خیرات اور بین المذاہب ہم آہنگی کی تعلیم دیتا ہے۔
صادق خان نے مزید کہا "یہ وہی اسلام ہے جس میں لوگ نماز پڑھتے ہیں، دوسروں کی مدد کرتے ہیں اور غیر مسلموں کے ساتھ روزہ افطار بھی کرتے ہیں"۔
View this post on InstagramA post shared by Mayor of London, Sadiq Khan (@mayorofldn)
دوسری جانب، صادق خان نے چیمپئنز ٹرافی 2025 پر تبصرہ کرتے ہوئے انگلینڈ اور پاکستان کے ایونٹ سے باہر ہونے پر مایوسی کا اظہار کیا۔ تاہم، انہوں نے اس ٹورنامنٹ کو پاکستان کے لیے ایک بہترین موقع قرار دیا کہ وہ دنیا کو یہ پیغام دے کہ پاکستان بین الاقوامی کرکٹ کے لیے ایک محفوظ اور مثالی ملک ہے۔
خاتون یرغمالی کی جگہ کسی اور کی لاش دینے کا الزام؛ حماس نے حقیقت بتا دی