فرح خان کیس پر راکھی ساونت نے ہندوستانی بھاؤ کو کھری کھری سنادیں
اشاعت کی تاریخ: 28th, February 2025 GMT
بالی ووڈ کی متنازع اداکارہ راکھی ساونت نے ایک بار پھر سوشل میڈیا پر ہلچل مچا دی ہے۔ انہوں نے معروف کری ایٹر وکاس پھاٹک، جو ہندوستانی بھاؤ کے نام سے مشہور ہیں، کو ان کے متنازعہ رویے پر کھری کھری سنادیں۔
یہ معاملہ فرح خان کے خلاف درج کی گئی شکایت کے بعد سامنے آیا، جس میں فرح پر ہولی کے تہوار کے بارے میں توہین آمیز تبصرہ کرنے کا الزام لگایا گیا ہے۔
فرح خان، جو بالی وڈ کی نامور کوریوگرافر اور فلم ساز ہیں، حال ہی میں رئیلٹی شو ’ماسٹر شیف‘ کی ایک قسط میں ہولی کے تہوار کے بارے میں ایک تبصرہ کرنے پر تنقید کا نشانہ بنیں۔ انہوں نے کہا تھا، ’’ہولی تمام چھپڑی لوگوں کا پسندیدہ تہوار ہے۔‘‘
فرح خان کے اس بیان کو ہندوستانی بھاؤ نے ہندو برادری کے جذبات کو ٹھیس پہنچانے کے مترادف قرار دیا اور ان کے خلاف پولیس اسٹیشن میں شکایت درج کرائی۔
راکھی ساونت نے اس معاملے پر اپنی رائے کا اظہار کرتے ہوئے ہندوستانی بھاؤ کو انسٹاگرام پر براہ راست نشانہ بنایا۔
View this post on InstagramA post shared by Rakhi Sawant (@rakhisawant2511)
راکھی نے اپنے ویڈیو پیغام میں کہا، ’’ہندوستانی بھاؤ، جو اپنی ویڈیوز میں نامناسب الفاظ اور گالم گلوچ کرتا ہے، کیا یہ سمجھتا ہے کہ ممبئی پولیس اور سائبر سیل اس کے ماتحت کام کرتے ہیں؟ کیا اسے لگتا ہے کہ گالیاں دینے کا حق صرف اسے حاصل ہے؟‘‘
راکھی نے مزید کہا، ’’فرح خان پر ایف آئی آر درج کرنے سے پہلے حکام کو ہندوستانی بھاؤ کا کانٹینٹ دیکھنا چاہیے، جہاں وہ خود نامناسب الفاظ استعمال کرکے پبلسٹی حاصل کرتا ہے۔‘‘
انہوں نے ہندوستانی بھاؤ کو مخاطب کرتے ہوئے کہا، ’’فرح خان کو گالی دینے سے پہلے سوچ لو، کیونکہ تم خود دودھ کے دھلے نہیں ہو۔‘‘
راکھی نے سائبر کرائم سیل پر بھی سوال اٹھایا۔ انہوں نے کہا، ’’مجھے سمجھ نہیں آتا کہ جب ایسے لوگ سرعام گالیاں دیتے ہیں، تو سائبر کرائم سیل کہاں ہوتا ہے؟ پہلے ایسے لوگوں کے خلاف کارروائی کریں جو معاشرے میں بدنظمی پیدا کرتے ہیں، پھر بالی وڈ سلیبریٹیز کے خلاف اقدام اٹھائیں۔‘‘
راکھی کی یہ ویڈیو دیکھتے ہی دیکھتے وائرل ہوگئی، اور ان کے مداحوں نے کمنٹس میں ان کی بات سے اتفاق کیا۔ بہت سے صارفین نے ہندوستانی بھاؤ کے رویے پر تنقید کی اور راکھی کے حق میں آواز بلند کی۔
یاد رہے کہ فرح خان کے خلاف درج کی گئی شکایت میں کہا گیا ہے کہ ان کے تبصرے سے ہندوؤں کے مذہبی جذبات کو ٹھیس پہنچی ہے۔ شکایت میں تعزیرات ہند کی دفعہ 196، 299، 302 اور 353 کے تحت کارروائی کا مطالبہ کیا گیا ہے۔
ہندوستانی بھاؤ کے وکیل کا کہنا ہے کہ ’’کسی بھی مقدس تہوار کو بیان کرنے کےلیے ’چھپڑی‘ جیسے الفاظ کا استعمال انتہائی نامناسب ہے اور اس سے فرقہ وارانہ کشیدگی پیدا ہونے کا خطرہ ہے‘‘۔
.ذریعہ: Express News
کلیدی لفظ: ہندوستانی بھاؤ انہوں نے کے خلاف
پڑھیں:
چیمپئنز ٹرافی 2025: افغانستان کا ٹاس جیت کر آسٹریلیا کے خلاف بیٹنگ کا فیصلہ
آئی سی سی چیمپئنز ٹرافی 2025 کا 10ویں میچ لاہور کے قذافی اسٹیڈیم میں کھیلا جارہا ہے۔ گروپ بی کے اہم میچ میں افغانستان نے ٹاس جیت کر آسٹریلیا کے خلاف بیٹنگ کا فیصلہ کیا ہے۔ آج کے میچ کا فاتح سیمی فائنل کا ٹکٹ کٹا لے گا۔
اسٹیو اسمتھ کی قیادت میں آسٹریلیا کی ٹیم سیمی فائنل میں جگہ بنانے کے لیے میدان میں اترے گی جبکہ افغانستان کے کپتان حشمت اللہ شاہدی بھی سیمی فائنل میں پہنچنے کے لیے پر اعتماد ہیں۔
بارش کے باعث میچ نہ ہو سکا تو افغانستان ایونٹ سے باہر ہو جائے گا کیونکہ افغانستان کے تین پوائنٹ ہوں گے جبکہ آسٹریلیا کے 4 پوائنٹ ہو جائیں گے۔ میچ نتیجہ خیز ہونے کی صورت میں جو ٹیم کامیابی حاصل کرے گی وہ سیمی فائنل میں بھارت اور نیوزی لینڈ کے ساتھ شامل ہو جائے گی۔
افغانستان کے کپتان حشمت اللہ شاہدی نے کہا ہے کہ ان کی ٹیم آسٹریلیا کے خلاف جیتنے کے لیے پرعزم ہے۔ اگر ہم انگلینڈ کو ہرا سکتے ہیں تو آسٹریلیا کو بھی شکست دے سکتے ہیں۔ ہماری ٹیم کا مورال بلند ہے، اور ہم ایک سادہ مگر مؤثر حکمت عملی کے ساتھ میدان میں اتریں گے۔
حشمت اللہ شاہدی نے مزید کہا کہ ان کی ٹیم صرف گلین میکسویل پر نہیں بلکہ پوری آسٹریلوی ٹیم پر حکمت عملی کے تحت کام کر رہی ہے۔ ہم کسی ایک کھلاڑی کے خلاف نہیں، بلکہ آسٹریلیا کی پوری ٹیم کے خلاف کھیل رہے ہیں۔ ہمارے پاس معیاری اسپن باؤلرز موجود ہیں، جو کسی بھی ٹیم کے خلاف مؤثر ثابت ہو سکتے ہیں۔
انگلینڈ کے خلاف اہم فتح کے بعد، قوی امکان ہے کہ افغانستان تیسرے مسلسل میچ کے لیے اپنے ٹیم میں کوئی تبدیلی نہ کرے اور ایشیائی حالات میں اپنی اسپن کی طاقت کو قائم رکھیں۔ راشد خان، محمد نبی اور نور احمد کا تڑکا آسٹریلوی ٹیم کے لیے بڑی مشکلات پیدا کر سکتا ہے۔
افغانستان اسکواڈ (ممکنہ):
1۔ ابراہیم زادران، 2۔ رحمان اللہ گرباز (وکٹ کیپر)، 3۔ صدیق اللہ اٹل، 4۔ رحمت شاہ، 5۔ حشمت اللہ شاہدی (کپتان)، 6۔ عظمت اللہ عمرزئی، 7۔ محمد نبی، 8۔ گلبدین نائب، 9۔ راشد خان، 10۔ نور احمد، 11۔ فضلِ حق فاروقی
آسٹریلیا کی لائن اپ کی پیش گوئی کرنا کچھ مشکل ہوگا لیکن وہ اپنے بولنگ اٹیک میں تبدیلی کرنے کی خواہش رکھتے ہیں جس نے انگلینڈ کے خلاف 351 رنز دیے تھے۔ بولنگ آل راؤنڈر شان ایبٹ کو بھی منتخب کیا جاسکتا ہے، جو بیٹنگ کو مضبوط کرتا ہے، اور لیگ اسپنر تنویر سنگھا کو بھی منتخب کیا جا سکتا ہے۔
آسٹریلیا اسکواڈ (ممکنہ):
1۔ میتھیو شارٹ، 2۔ ٹریوس ہیڈ، 3۔ اسٹیون اسمتھ (کپتان)، 4۔ مارنس لابشینے، 5۔ جاش انگلش (وکٹ کیپر)، 6۔ ایلکس کیری، 7۔ گلین میکسویل، 8۔ شان ایبٹ/اسپینسر جانسن، 9۔ بین ڈوارشس، 10۔ نیتھن ایلس، 11۔ ایڈم زامپا
پچ کی صورتحال:
دونوں ٹیمیں لاہور کے حالات سے بخوبی واقف ہیں، جہاں پچ زیادہ تر بیٹنگ کے لیے سازگار رہی جبکہ تیز گیند بازوں کے لیے زیادہ مشکل رہی ہے۔
اعداد و شمار اور ممکنہ ریکارڈ
میکسویل 4000 ون ڈے رنز سے 17 رنز دور ہیں۔ ان کا اسٹرائیک ریٹ 126.68 ہے، جو ون ڈے کرکٹ کی تاریخ میں بہترین ہے (کم از کم 500 گیندوں کا سامنا)۔
راشد خان ایک وکٹ کے فاصلے پر ہیں تاکہ وہ 200 ون ڈے وکٹیں لینے والے افغانستان کے پہلے گیند باز بن جائیں۔ ان کا بولنگ ایوریج 20.4 ہے، جو ون ڈے تاریخ میں 9واں بہترین ہے (کم از کم 1000 گیندوں کا سامنا)۔
رحمت شاہ کو 37 رنز درکار ہیں تاکہ وہ 4000 ون ڈے رنز بنانے والے افغانستان کے پہلے بلے باز بن سکیں۔
آسٹریلیا نے افغانستان کے خلاف اپنے چاروں ون ڈے میچز جیتے ہیں۔
ہم میچ جیتنا اور گروپ میں ٹاپ پر ختم کرنا چاہیں گے، مارنس لابشینے
آسٹریلیا کے بلے باز مارنس لابشینے نے ممکنہ بارش کے اثرات پر بات کرتے ہوئے کہا ہے کہ اگر میچ بارش کی وجہ سے منسوخ ہو جاتا ہے تو ہم سیمی فائنلز میں پہنچ جائیں گے، لیکن ظاہر ہے کہ ہم میچ جیتنا چاہیں گے اور گروپ میں ٹاپ پر ختم کرنا چاہیں گے۔
آخری 5 ایک روزہ میچز:
افغانستان: W.L.W.W.W
آسٹریلیا: W.L.L.L.L
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپئنز ٹرافی 2025 آئی سی سی آسٹریلیا آسٹریلیا بمقابلہ افغانستان افغانستان چیمپئنز ٹرافی 2025 لاہور
آفاق احمد کی 2 مقدمات میں ضمانت؛ رہائی پھر بھی نہ ملی