میانمار کے اسکام سینٹرز سے 14 پاکستانی بازیاب، رمضان سے پہلے وطن واپسی کی منتظر
اشاعت کی تاریخ: 28th, February 2025 GMT
میواڈی: میانمار کے سرحدی علاقے میواڈی میں ہزاروں نوجوان سخت گرمی اور مچھروں سے بھرے کھلے حراستی مراکز میں پھنسے ہوئے ہیں، جہاں وہ اپنے ملک واپس جانے کے منتظر ہیں۔
رپورٹس کے مطابق، میانمار کے مختلف اسکام سینٹرز سے 7,000 سے زائد افراد کو بازیاب کرایا گیا ہے، جن میں 14 پاکستانی بھی شامل ہیں۔ تاہم، ان افراد کی واپسی کے عمل میں تاخیر ہو رہی ہے، جس پر متاثرین شدید مایوس ہیں۔
ایک پاکستانی نوجوان، جو رمضان سے پہلے پاکستان واپس آنا چاہتا ہے، نے کہا، "ہم جانتے ہیں کہ اب ہم محفوظ ہیں، لیکن آٹھ دن گزر چکے ہیں، ہمیں ابھی تک تھائی لینڈ کیوں نہیں بھیجا جا رہا؟"
حراستی مرکز میں حالات انتہائی خراب ہیں، جہاں نہ تو صفائی کا مناسب انتظام ہے اور نہ ہی بنیادی سہولیات موجود ہیں۔ ایک 18 سالہ ملائیشین نوجوان نے بتایا کہ یہاں کے واش روم اور غسل خانے اتنے گندے ہیں کہ ان کا استعمال ناممکن ہو چکا ہے۔
چین سے تعلق رکھنے والے ایک قیدی وانگ نے کہا، "مجھے خوشی ہے کہ میں آخر کار اس جہنم سے نکلنے والا ہوں.
میانمار کے قانون سے آزاد سرحدی علاقوں میں یہ اسکام سینٹرز ایک منظم مجرمانہ صنعت کا حصہ ہیں، جہاں ہزاروں غیر ملکی ملازمین کو زبردستی کام پر مجبور کیا جاتا ہے۔ یہ ملازمین سوشل میڈیا کے ذریعے لوگوں کو دھوکہ دے کر پیسہ لوٹنے کے مختلف ہتھکنڈے آزماتے ہیں، جن میں رومانوی اور سرمایہ کاری کے جعلی منصوبے شامل ہیں۔
چین کی سخت دباؤ کے بعد میانمار کی فوجی حکومت اور اس کے اتحادی ملیشیا گروپس نے اسکام سینٹرز کے خلاف کریک ڈاؤن شروع کیا ہے۔ تاہم، رہا کیے گئے افراد کی واپسی کا عمل سست روی کا شکار ہے، جس کی وجہ سے وہ بےیقینی اور مشکل حالات میں زندگی گزارنے پر مجبور ہیں۔
ذریعہ: Express News
کلیدی لفظ: اسکام سینٹرز میانمار کے
پڑھیں:
استقبالِ رمضان، اے آئی سافٹ وئیر جو پاکستانی خواتین کو کھانا بنانے کی بے شمار تراکیب بتاتے ہیں
رمضان کی آمد کے ساتھ ہی جہاں عبادات کی محفلیں سجتی ہیں، وہیں ہر گھر میں دسترخوان پر طرح طرح کے پکوانوں کی رونق لگ جاتی ہے۔ویسے تو ہر گھر میں معمول کے مطابق صرف 1 سے 2 ڈشز بنتی ہیں لیکن رمضان المبارک میں دستر خوان پر ان ڈشز کی تعداد دوگنا سے بھی زیادہ ہو جاتی ہے۔ یوں ہر گھر کا دسترخوان گھر والوں کی استطاعت کے مطابق رمضان کے پکوانوں سے فوڈ فیسٹول کا سا سماں پیش کر رہا ہوتا ہے۔
تاہم قابل غور بات یہ ہے کہ رمضان المبارک میں سحری اور خاص طور پر افطار میں سب سے مشکل کام یہی ہوتا ہے کہ آخر آج کیا کچھ بنایا جائے۔ کیونکہ زیادہ تر وہی ڈشز بن رہی ہوتی ہیں جو رمضان میں روزانہ بنتی ہیں۔ان ڈشز کو شروع کے روزوں میں تو روزانہ کی بنیاد پر شوق سے کھا لیا جاتا ہے مگر چند روزوں کے بعد یکسانیت کے سے تنگ آکر روزہ دار کچھ منفرد اور مزید مزے دار کھانا چاہتے ہیں۔
یہ بھی پڑھیےعالمی ذائقہ: رمضان میں تیار کیے جانے والے مزیدار روایتی پکوان
رمضان المبارک ایک ایسا مہینہ ہے جس میں روزے رکھنے اور عبادات کے ساتھ ساتھ کھانا پکانے کے کام میں بھی بہت محنت لگتی ہے۔ خواتین کے لیے جو اس ماہ میں دیگر گھریلو ذمہ داریوں کو بھی بخوبی نبھاتی رہی ہوتی ہیں، کھانا بنانے کا عمل بعض اوقات تھکا دینے والا ہو سکتا ہے۔ تاہم ٹیکنالوجی کی مدد سے یہ عمل کافی آسان اور خوشگوار بنایا جا سکتا ہے۔ اب مختلف سافٹ ویئرز اور موبائل ایپس موجود ہیں جو خواتین کی رمضان کے دوران کھانا پکانے کی فکرمندی کو کم کر سکتی ہیں۔
پاکستانی گھریلو خواتین کے ان مسائل کو دور کرنے کے لیے چند ایسے اے آئی سافٹ وئیر ہیں جہاں نہ وہ صرف کھانے کی نئی ترکیبیں دیکھ سکتی ہیں بلکہ کچھ سافٹ ویئرز میں اگر وہ اپنے کچن میں موجود اشیائے خورونوش کی فہرست سافٹ ویئر کو بتائیں تو وہ ان چیزوں کی بنیاد پر مختلف ڈشز اور ان کی تراکیب تجویز کرتا ہے۔
ایزی ریسیپیز (Easy Recipes)
آسان ریسیپیز ایک سادہ اور آسان ایپ ہے جو مختلف قسم کے کھانوں کی ترکیبیں فراہم کرتی ہے۔ اس میں خاص طور پر رمضان کے لیے سادہ اور صحت مند پکوانوں کی ترکیبیں شامل ہیں جو کم وقت میں بنائی جا سکتی ہیں۔ اس میں تصاویر اور ویڈیوز کے ذریعے ترکیبوں کی وضاحت کی جاتی ہے، تاکہ خواتین کسی بھی پیچیدہ ترکیب کو آسانی سے بنا سکیں۔
ترکیب ڈاٹ کام (Tarkib.com)
پاکستانی خواتین کے لیے ’ترکیب ڈاٹ کام‘ ایک مشہور ویب سائٹ ہے جو مختلف کھانوں کی ترکیبوں کا مجموعہ فراہم کرتی ہے۔ اس ویب سائٹ پر رمضان کے دوران افطار، سحری، اور کھانے کے لیے بہت ساری آسان اور کم وقت میں تیار ہونے والی ترکیبیں پیش کی جاتی ہیں۔ خواتین اپنے موبائل پر اس ویب سائٹ کا استعمال کر کے فوری طور پر کھانے کی ترکیبیں تلاش کر سکتی ہیں۔ اس میں انہیں مکمل رہنمائی مل سکتی ہے۔
ڈنر ٹائم ایپ (Dinner Time)
ڈنر ٹائم ایپ ایک اور ایسی ایپ ہے جو مخصوص طور پر افطار اور سحری کے کھانوں کے لیے بہترین آئیڈیاز فراہم کرتی ہے۔ اس ایپ میں آپ کو کھانے کی ترکیبیں، اجزاء اور تیاری کے طریقے اس طرح ملیں گے کہ آپ کم وقت میں ذائقہ دار کھانے بنا سکیں۔ اس کے علاوہ، یہ ایپ آپ کو روزانہ کی خریداری کی فہرست بھی فراہم کرتی ہے تاکہ آپ ضروری اشیا کو نہ بھولیں۔
(AllRecipes)آل ریسیپیز
آل ریسپیز ایک اور مفید ایپ ہے جس میں پاکستانی کھانوں سمیت دنیا بھر کی مختلف اقسام کی ریسیپیز موجود ہیں۔ اس ایپ میں صارفین اپنی پسند کے کھانے کے اجزاء یا کیٹیگریز کو سرچ کر کے آسانی سے ریسیپیز حاصل کر سکتے ہیں۔
(ChefBot)شیف بوٹ
شیف بوٹ ایک چیٹ بوٹ ایپ ہے جو آپ سے بات کر کے آپ کے لیے مختلف ریسیپیز تجویز کرتی ہے۔ یہ ایپ آپ کی پسندیدہ اجزاء یا کھانے کی نوعیت کے مطابق آپ کو مخصوص ریسیپیز فراہم کرتی ہے، جو رمضان میں کھانے بنانے کے عمل کو مزید سہل بنا سکتی ہے۔
میز کچن ایپ (Miz Kitchen App)
میز کچن ایپ ایک اور نیا سافٹ ویئر ہے جو خواتین کو خاص طور پر کھانا پکانے کے عمل کو آسان بناتا ہے۔ اس میں رمضان کے دوران افطار کے لیے تیار کیے جانے والے پکوانوں کی تفصیل، ترکیب اور تیاری کے طریقے شامل ہیں۔ اس ایپ کی سب سے بڑی خصوصیت یہ ہے کہ یہ آپ کو کھانے کی ترکیب کے علاوہ اس کے غذائی فوائد کے بارے میں بھی آگاہ کرتی ہے۔
یہ بھی دیکھیےرمضان اسپیشل: چکن ویجیٹیبل سینڈوچ بنانے کا آسان طریقہ
اس بات میں کوئی دو رائے نہیں ہے کہ ٹیکنالوجی کی دنیا میں متعدد سافٹ ویئرز اور ایپس موجود ہیں جو رمضان کے دوران خواتین کو کھانا پکانے میں آسانی فراہم کر سکتی ہیں۔ چاہے آپ کو وقت کی کمی ہو یا نیا کچھ بنانے کا ارادہ ہو، ان سافٹ ویئرز کی مدد سے کھانا پکانا نہ صرف آسان بلکہ مزیدار بھی بن سکتا ہے۔ ان ایپس کی مدد سے خواتین نہ صرف وقت بچا سکتی ہیں بلکہ رمضان میں صحت مند اور لذیذ کھانوں کی تیاری بھی کر سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افطار پکوان رمضان المبارک سحر کھانے کی تراکیب
بھارت سے مقابلے کو عام میچ کی طرح دیکھیں گے، کوئی دباؤ نہیں، حارث رؤف