وزیرخزانہ سے میوچل فنڈ انڈسٹری وفدکی ملاقات ، مستحکم مالیاتی پالیسی تجاویز پر تبادلہ خیال
اشاعت کی تاریخ: 28th, February 2025 GMT
اسلام آباد (نمائندہ خصوصی) اسلام آباد میں وفاقی وزیر برائے خزانہ سینیٹر محمد اورنگزیب سے عالیہ مبیّد کی قیادت میں جیفریز انویسٹرز کے وفد نے ملاقات کی۔ وفد میں ایچ بی کے انویسٹمنٹ مینجمنٹ کے مسٹر واسیِل نکولوف، بارنگز کے مسٹر خالد سلامی، ایشمور کے مسٹر ژن ژو، فِڈیلٹی کے مسٹر سلمان احمد، جیفریز کے مسٹر خرم شیخ اور کے ٹریڈ سکیورٹیز کے مسٹر محمود علی شاہ بخاری شامل تھے۔ ملاقات میں پاکستان کی مجموعی معاشی صورتحال، سرمایہ کاری کے ماحول اور جاری اقتصادی اصلاحات پر تبادلہ خیال کیا گیا۔ وفد نے وزیر خزانہ کو مئی 2025 میں لندن میں ہونے والے پاکستانی انویسٹرز ڈے میں شرکت کی دعوت دی۔ سینیٹر محمد اورنگزیب نے پاکستان کی معاشی استحکام کی صورتحال پر روشنی ڈالتے ہوئے حکومت کی ٹیکس، توانائی، سرکاری اداروں اور نجکاری سے متعلق ساختی اصلاحات کے عزم کو اجاگر کیا۔ انہوں نے کہا کہ معیشت اب مستحکم ہو چکی ہے اور حکومت مالی نظم و ضبط، محصولات میں اضافے اور سرمایہ کاری کے فروغ کے لیے فعال حکمت عملی اپنا رہی ہے۔ وزیر خزانہ نے ٹیکس اصلاحات پر وفد کو آگاہ کیا۔ انہوں نے بتایا کہ ہول سیل، ریٹیل اور رئیل اسٹیٹ سیکٹرز کو باضابطہ طور پر ٹیکس نیٹ میں شامل کیا جا رہا ہے۔ اس کے علاوہ، زرعی انکم ٹیکس چاروں صوبے میں یکم جولائی 2025 سے نافذ العمل ہوگا۔ وزیر خزانہ نے وفد کو بتایا کہ ہم پانڈا بانڈ مذاکرات مین مصروف ہیں۔ علاوہ ازیں محمد اورنگزیب سے میوچل فنڈز ایسوسی ایشن آف پاکستان کے وفد نے ملاقات کی۔ وفد کی قیادت آزاد ڈائریکٹر مسٹر آفتاب دیوان نے کی۔ وفد نے پاکستان کی میوچل فنڈ انڈسٹری کا تفصیلی جائزہ پیش کیا۔ انہوں نے نشاندہی کی کہ پاکستان کی مجموعی بچت کی شرح جی ڈی پی کے 13 فیصد کے برابر ہے، جو کہ بھارت جیسے علاقائی ممالک کی 30 فیصد شرح کے مقابلے میں نمایاں طور پر کم ہے۔ ملاقات میں مالیاتی شعبے کو مستحکم کرنے کے لیے پالیسی تجاویز پر تبادلہ خیال کیا گیا۔ وفد نے انفراسٹرکچر فنڈز کی ترقی پر زور، کنٹری بیوٹری پنشن سکیم میں اصلاحات کی تجویز پیش کی تاکہ وفاقی سطح پر منظم ریٹائرمنٹ سیونگز کو فروغ دیا جا سکے۔ گورنمنٹ اجارہ سکوک متعارف کرانے کی تجاویزپیش کیں۔ چھوٹے سرمایہ کاروں کی حوصلہ افزائی کے لیے میوچل فنڈ سرمایہ کاری پر ٹیکس کریڈٹ کی بحالی کی تجویز دی۔ انہوں نے پاکستان ہائر ایجوکیشن سیونگز فنڈ کے قیام کی تجویز دی، جو عالمی سطح پر کامیاب تعلیمی سیونگز پلانز کی طرز پر ہوگا اور خاندانوں کو بچوں کی تعلیم کے لیے مالی منصوبہ بندی میں مدد فراہم کرے گا۔
.ذریعہ: Nawaiwaqt
کلیدی لفظ: پاکستان کی انہوں نے کے مسٹر کے لیے وفد نے
پڑھیں:
سربراہ جے یو آئی مولانا فضل الرحمان کی قطر میں حماس رہنماوں سے ملاقات، فلسطین کی صورتحال پر تبادلہ خیال
سربراہ جے یو آئی مولانا فضل الرحمان کی قطر میں حماس رہنماوں سے ملاقات، فلسطین کی صورتحال پر تبادلہ خیال WhatsAppFacebookTwitter 0 25 February, 2025 سب نیوز
دوحا(آئی پی ایس )سربراہ جمعیت علمائے اسلام مولانا فضل الرحمان وفد کے ہمراہ قطر پہنچ گئے جہاں انہوں نے فلسطینی مزاحمتی تنظیم حماس کے رہنماوں سے ملاقات کی۔ترجمان جے یو آئی کے مطابق وفد نے حماس کی مجلس شوری سے ملاقات کی، ملاقات میں غزہ و فلسطین کی تازہ صورتحال پر تبادلہ خیال۔ترجمان کے مطابق مولانا فضل الرحمان نے حماس رہنماوں کو ہر قسم کے تعاون کی یقین دہانی کروائی۔
مولانا فضل الرحمان نے کہا کہ فلسطین آزاد ریاست ہے، اسرائیلی قبضے کی حمایت نہیں کی جاسکتی، مسجد اقصی اور فلسطین کی آزادی کے لیے فلسطینی عوام کی جدوجہد کی حمایت کرتے ہیں۔حماس کی مجلس شوری کے سربراہ ابوعمر نے کہا کہ مولانا فضل الرحمان اور جے یو آئی امت مسلمہ کی طرف سے فرض کفایہ ادا کررہے ہیں۔ابو عمر نے کہا کہ گھروں کی تعمیر، خیموں، دواوں اور سحر و افطار میں پاکستانی عوام اور امت مسلمہ سے تعاون کی اپیل کرتے ہیں۔مولانا فضل الرحمان نے کہا کہ پاکستانی عوام سے اپیل کرتے ہیں کہ وہ اپنے فلسطینی بھائیوں کے ساتھ بھرپور تعاون کریں۔
مملکت کے معاملات چلانے کے لیے ہمیں پیسے ادھار لینے پڑتے ہیں:وزیر اعظم