لکی ایرانی سرکس کا کلچر کیوں غیر مقبول ہو رہا ہے؟
اشاعت کی تاریخ: 28th, February 2025 GMT
لکی ایرانی سرکس پاکستان کے قدیم ترین سرکس میں سے ہے، جو تقریباً 1969 سے پاکستانیوں کو تفریح مہیا کررہا یے، اس سرکس میں لائیو شو پرفارم کیے جاتے ہیں لیکن حکومت کی عدم توجہ اور سختیوں کی وجہ سے پاکستان میں سرکس ٹرینڈ دن بہ دن معدوم ہو رہا ہے، جس سے نہ صرف یہ کلچر ختم ہو رہا ہے بلکہ اس سے جڑے درجنوں افراد کا روزگار بھی شدید متاثر ہورہا ہے۔
اس سرکس سے جڑے افراد کا وی نیوز سے بات کرتے ہوئے کہنا تھا کہ حکومت کو چاہیے کہ وہ اس کلچر کو محفوظ رکھنے کے لیے سنجیدگی سے کچھ اقدامات کرے، کیونکہ یہ ہماری ثقافت کا حصہ ہے، نوجوان نسل کا اس ثقافت سے آگاہ ہونا بہت ضروری ہے تاکہ وہ اپنے کلچر اور ثقافت کو جان سکے۔
ان کا کہنا تھا کہ اس سے ہمارے روزگار جڑے ہیں اور وقت گزرنے کے ساتھ ان میلوں پر پابندیوں یا سختیوں نے ان کے روزگار کو تقریبا ختم کردیا ہے۔
لکی ایرانی سرکس سے جڑے فنکاروں کا یہ بھی کہنا تھا کہ بیشک ٹی وی اور سوشل میڈیا آگیا ہے جہاں لوگ بہت کچھ ایک کلک سے دیکھ سکتے ہیں، لیکن لائیو پروگرام کی جگہ کوئی نہیں لے سکتا۔
لکی ایرانی سرکس میں تفریح کے لیے آئے لوگوں کا کہنا تھا کہ اس طرح کے میلے لگنے چاہیے، کیونکہ یہ تفریح کا ایک بہترین ذریعہ ہے۔ پہلے پہل تو گاؤں دیہاتوں میں اس طرح کے میلے نظر آجایا کرتے تھے مگر اب وہاں بھی یہ روایت ختم ہو رہی ہے۔
اسلام آباد جیسے شہر میں یہ سرکس دیکھ کر بہت اچھا لگ رہا یے اور یقینا ایسی تقریبات بڑھنی چاہئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد پاکستان تفریح حکومت پاکستان فنکار لکی ایرانی سرکس میلے.ذریعہ: WE News
کلیدی لفظ: اسلام اباد پاکستان تفریح حکومت پاکستان فنکار لکی ایرانی سرکس میلے لکی ایرانی سرکس کہنا تھا کہ رہا ہے
پڑھیں:
ایران کے صوبے سیستان و بلوچستان میں فائرنگ، 8 پاکستانی شہری جاں بحق
ایران کے صوبے سیستان و بلوچستان میں 8 پاکستانی کار مکینکس کو فائرنگ کرکے قتل کردیا گیا ہے۔
یہ بھی پڑھیں: تربت: نامعلوم افراد کی فائرنگ سے 6 مزدور جاں بحق اور 2 زخمی ہو گئے
ایرانی میڈیا کے مطابق ایران کے صوبے سیستان و بلوچستان میں افغان بارڈر کے قریب مسلح افراد نے ورکشاپ میں گھس کر فائرنگ کی جس سے 8 پاکستانی کار مکینکس جاں بحق ہوگئے۔
مقتول 8 پاکستانی سیستان کے علاقے مہرستان میں ورکشاپ میں کام کرتے تھے اور ایرانی حکام واقعے کی تحقیقات کررہے ہیں، جاں بحق پاکستانیوں کا تعلق پنجاب سے ہے۔
یہ بھی پڑھیں: پاکستان کا ایرانی حملے پر دیا گیا جواب کتنا موثر ہے؟
سفارتی ذرائع کے کہنا ہے کہ قانونی کارروائی کے بعد جاں بحق پاکستانیوں کی لاشیں پاکستان بھجوانے کے اقدامات کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایران پاکستان فائرنگ مزدور جاں بحق میکینکس ورکشاپ
خلیل الرحمان ہنی ٹریپ کیس کی سماعت کل تک ملتوی