سوناکشی سنہا، ظہیر سے شادی کےلیے اسلام قبول کرنے والی تھیں؟ اداکارہ کا انکشاف
اشاعت کی تاریخ: 28th, February 2025 GMT
بالی ووڈ اداکارہ سوناکشی سنہا نے حال ہی میں اپنی شادی کے حوالے سے ہونے والی قیاس آرائیوں اور افواہوں پر روشنی ڈالتے ہوئے اسلام قبول کرنے کے مطالبے سے متعلق آگاہ کیا ہے۔
اداکارہ نے ظہیر اقبال سے شادی کےلیے ان کی جانب سے اسلام قبول کرنے کے مطالبے کے حوالے بات چیت کرتے ہوئے بتایا کہ انہیں ظہیر کے خاندان کی طرف سے کبھی بھی اسلام قبول کرنے کےلیے دباؤ کا سامنا نہیں کرنا پڑا۔
سوناکشی نے ایک انٹرویو میں کہا کہ ان کے والد، مشہور اداکار شتروگھن سنہا، ان کی شادی کے حامی تھے، لیکن انہوں نے اپنے بھائیوں کی شادی میں عدم موجودگی پر تفصیلات دینے سے گریز کیا۔ انہوں نے یہ بھی واضح کیا کہ ان کےلیے مذہب کبھی مسئلہ نہیں رہا۔
سوناکشی نے کہا، ’’ظہیر اور میں مذہب پر توجہ نہیں دے رہے تھے۔ ہم دو ایسے لوگ ہیں جو ایک دوسرے سے محبت کرتے ہیں اور ایک دوسرے سے شادی کرنا چاہتے تھے۔ انہوں نے مجھ پر اپنا مذہب نہیں تھوپا، اور میں نے بھی ان پر اپنا مذہب نہیں تھوپا۔ یہ بات ہمارے درمیان زیرِ بحث تک نہیں آئی۔‘‘
انہوں نے مزید بتایا کہ وہ دونوں ایک دوسرے کی ثقافتوں کا احترام کرتے ہیں۔ ’’ہم ایک دوسرے کی ثقافتوں کو سمجھتے اور سراہتے ہیں۔ ان کے گھر میں کچھ روایات ہیں، میرے گھر میں کچھ۔ وہ میری دیوالی پوجا میں حصہ لیتے ہیں، اور میں ان کے رسم و رواج میں۔ اور بس یہی اہم ہے۔‘‘
سوناکشی نے اسپیشل میرج ایکٹ کے بارے میں بھی بات کی، جو ان کی شادی کےلیے بہترین حل تھا۔ ’’حالات کے پیش نظر، شادی کا بہترین طریقہ اسپیشل میرج ایکٹ تھا، جس کے تحت میں، ایک ہندو عورت کے طور پر اپنا مذہب تبدیل کرنے کی پابند نہیں تھی، اور وہ ایک مسلمان مرد کے طور پر، اپنے مذہب پر قائم رہ سکتے تھے۔ یہ اتنا ہی آسان تھا۔‘‘
اداکارہ نے واضح کیا کہ ’’مجھ سے کبھی نہیں پوچھا گیا، ’کیا آپ مذہب تبدیل کریں گی؟‘ ہم ایک دوسرے سے محبت کرتے ہیں، اور ہم نے شادی کرلی۔‘‘
آن لائن افواہوں اور منفی تبصروں کے بارے میں سوناکشی نے بتایا کہ انہوں نے اور ظہیر کے انسٹاگرام کمنٹس کو بند کر دیا تھا تاکہ غیر ضروری تناؤ سے بچا جاسکے۔ انھوں نے کہا ’’اپنے بڑے دن پر، میں یہ فضول باتیں دیکھنا ہی نہیں چاہتی تھی‘‘۔
یاد رہے کہ سوناکشی سنہا اور ظہیر اقبال نے گزشتہ سال 23 جون کو شادی کی تھی۔ اس سے پہلے وہ تقریباً سات سال تک ڈیٹنگ کرتے رہے تھے۔
۔۔۔۔۔۔۔۔۔۔۔
TagsShowbiz News Urdu.
ذریعہ: Al Qamar Online
کلیدی لفظ: اسلام قبول کرنے سوناکشی نے ایک دوسرے انہوں نے شادی کے
پڑھیں:
گولیوں اور جیلوں سے ڈرنے والے کارکنان گھروں پر بیٹھ جائیں، صدر پی ٹی آئی کے پی
پاکستان تحریک انصاف خیبرپختونخوا کے صدر جنید اکبر نے کہا ہے کہ گولیوں اور جیلوں سے ڈرنے والے کارکنان گھر چلے جائیں، پارٹی میں گروپ بندی ہے مگر اس سے کوئی فرق نہیں پڑتا۔
ایکسپریس نیوز کے مطابق کرک میں جنوبی ریجن کنونشن میں پارٹی کارکنان سے خطاب کرتے ہوئے جنید اکبر نے کہا کہ مجھے بانی سے جیل میں ملنے نہیں دیا جارہا، اگر وہ آج باہر ہوتے تو صوبائی صدارت کو قبول نہیں کرتا۔
انہوں نے کہا کہ گولیوں اور جیلوں سے ڈرنے والے کارکن گھروں میں بیٹھ جائیں اور نہ ڈرنے والے ہی نکلیں، پارٹی میں پارلیمنٹرین اور تنظیمی عہدیدار الگ الگ ہونے چاہییں، آج اگر بانی پی ٹی آئی جیل میں نہ ہوتے تو صوبائی صدارت کسی صورت قبول نہ کرتا۔
انہوں نے کہا کہ بانی پی ٹی آئی کے بغیر میں یونین کونسل کا ممبر بھی نہیں بن سکتا، آج جو وزیر، ایم این ایز اور ایم پی ایز بنے ہیں اُن سب کو بانی کے نام پر ووٹ ملے ہیں، پارٹی میں گروپ بندی ضرور ہے مگر ہم سیاسی غلام نہیں، کوئی چاہے کتنے ہی دھڑے کیوں نہ بنائیں پی ٹی آئی کو فرق نہیں پڑے گا۔
اُن کا کہنا تھا کہ پارٹی میں جو بھی کرپشن کرے گا، چاہے وہ کتنا ہی طاقتور کیوں نہ ہو اس کا راستہ روکوں گا۔
بیرسٹر گوہر نے پارٹی رہنماؤں کو صلح کیلئے منا لیا