ملک میں پولیو وائرس کے مزید دو نئے کیسز سامنے آگئے
اشاعت کی تاریخ: 27th, February 2025 GMT
اسلام آباد:
پاکستان میں نئے سال 2025 کے مزید دو نئے پولیو کیسز سامنے آگئے۔
نیشنل پولیو لیبارٹری نے سندھ اور پنجاب سے مزید دو نئے کیسز کی تصدیق کر دی ہے، جس کے مطابق ایک پولیو کیس سندھ کے ضلع قمبر اور دوسرا پولیو کیس پنجاب کے منڈی بہاؤالدین سے رپورٹ ہوا ہے۔
رپورٹ کے مطابق دونوں کیسز 2025 کے ہیں، جس کے بعد رواں سال سے اب تک مجموعی طور پر پولیس کے 5 کیسز رپورٹ ہوئے ہیں۔
اس سے قبل ایک کیس خیبرپختونخوا کے ضلع ڈی اسماعیل خان، تین کیسز سندھ سے رپورٹ ہوئے، جن میں ایک ضلع بدین، دوسرا لاڑکانہ، تیسرا قمبر اور ایک پنجاب کے ضلع منڈی بہاؤالدین سے رپورٹ ہوا ہے۔
اسی طرح گزشتہ سال 2024 میں پولیو کے کل 74 کیسز رپورٹ ہوئے تھے، ان میں سے 27 کا تعلق بلوچستان، 22 کا خیبرپختونخوا، 23 کا سندھ اور ایک،ایک بالترتیب پنجاب اور اسلام آباد میں سامنے آیا تھا۔
.ذریعہ: Express News
پڑھیں:
صدر زرداری سے اراکین پنجاب اسمبلی کی ملاقات، اندرونی کہانی سامنے آگئی
لاہور (ڈیلی پاکستان آن لائن )صدر آصف زرداری کی لاہور میں اراکین پنجاب اسمبلی سے ملاقات کی اندرونی کہانی سامنے آگئی۔
روز نامہ جنگ کے مطابق ارکان اسمبلی نے صدر کو بتایا کہ بیورو کریسی ہماری بات نہیں سنتی، ایک ایڈیشنل سیکرٹری دیا گیا ہے جس کی کوئی سنتا ہی نہیں، متعلقہ ضلع کا ڈپٹی کمشنر تو کیا، اسسٹنٹ کمشنر بھی ایڈیشنل سیکرٹری کی بات نہیں سنتا۔
صدر زرداری نے کہا کہ بلدیاتی الیکشن کی تیاری کریں، ہمیں بھرپور کامیابی حاصل کرنا ہوگی، پنجاب میں بلدیاتی الیکشن میں تاخیر نہیں ہونی چاہئے۔انھوں نے کہا کہ بلدیاتی الیکشن کا ہونا بہت ضروری ہے عوامی مسائل کاحل بلدیاتی الیکشن ہے۔ صدر آصف زرداری نے مزید کہا کہ ہم عوامی لوگ ہیں اور ہمیں عوام کی جنگ لڑنی ہے۔
صدر آصف زرداری نے اس موقع پر سوال کیا کہ جنوبی پنجاب میں بجلی اور گیس کی قلت کہاں پر ہے؟ انھوں نے کہا کہ پانی کا بہت بڑا مسئلہ ہے، سندھ اور بلوچستان کے مسائل حل نہیں ہو رہے۔
ارکان اسمبلی نے صدر کو بتایا کہ مسلم لیگ ن کے کام فوری ہوتے ہیں، انہیں تبادلوں سمیت ہر کام کے فوری آرڈر دیے جاتے ہیں۔
ارکان اسمبلی نے شکایت کی کہ اربوں کا بجٹ لاہور پر لگا دیا، باقی پنجاب ایک طرف ہے، یہ کونسا میرٹ ہے؟ ماضی کی طرح ایک ضلع کو پروموٹ کیا جا رہا ہے، باقی اضلاع میں احساس محرومی ہے۔پیپلز پارٹی کے ارکان اسمبلی کے ذرائع نے بتایا کہ صرف لاہور کے عوام کے لئے اربوں روپے لگا کر ہارس اینڈ کیٹل شو کا انعقاد کیا گیا، پنجاب میں کسانوں کا کوئی پرسان حال نہیں، ہر جگہ کسان پس رہا ہے۔
ارکان کا کہنا تھا کہ ہم جیت کر ایوان میں آئے لیکن ہمارے کام نہیں ہوتے۔ ہمارے ہی حلقے میں ن لیگ کے لوگوں کے کام ہو رہے ہیں۔
ذرائع نے صدر آصف زرداری کے حوالے سے بتایا کہ انھوں نے کہاکہ آپ سب کے تحفظات جائز ہیں، ہم ان کو جلد حل کروائیں گے، ہم نے ہمیشہ ملک وعوام کی جنگ لڑی ہے۔صدر نے کہا کہ ہمیں پانی کے مسئلے کو سنجیدہ لینا ہوگا، ہر فورم پر اس کی نشاندہی کرچکا ہوں، بلاول اور میں خود پنجاب میں بیٹھیں گے۔انھوں نے کہا کہ گورنر پنجاب سردار سلیم حیدر کی کارکردگی متاثر کن ہے، وہ بہترین کام کر رہے ہیں، سلیم حیدر کا کام غلطی کی نشاندہی اور ایکشن لینا ہے۔
صدر آصف زرداری نے کہا کہ کسانوں کے ساتھ کھڑے ہیں، انہیں سہولیات فراہم کرنے کی ہر ممکن کوشش کرینگے۔
ایلون مسک کی کینیڈین شہریت ختم کرو، مہم چل پڑی، لاکھوں لوگوں نے دستخط کردیے
مزید :
معروف بھارتی کرکٹر اور اہلیہ کے درمیان طلاق ہوگئی