دیر قانون گاوں کا روشن ستارہ
اشاعت کی تاریخ: 27th, February 2025 GMT
اسلام ٹائمز: یہ سرزمین سید ہاشم صفی الدین کی یادیں لیے ہوئے ہے۔ جنوبی لبنان کا ایک گاوں جو آج ایسے مرد سے الوداع کے مناظر پیش کر رہا ہے جو نہ صرف حزب اللہ لبنان بلکہ پورے اسلامی مزاحمتی بلاک میں ایک تھم کی حیثیت رکھتا تھا۔ سید ہاشم کا زرد رنگ کا تابوت عوام کے سمندر میں بہتا جا رہا ہے۔ چہرے غمگین ہیں لیکن ان کا دکھ سرتسلیم خم کرنے والا نہیں ہے۔ یہاں آنسووں کا مطلب اختتام نہیں بلکہ ایک قسم کی بیعت ہے۔ ایسا عہد جو شہداء کے خون سے باندھا گیا ہے۔ دیر قانون النہر ایسے مرد کی جائے پیدائش ہے جو کئی سالوں سے حزب اللہ کی پہلی صف میں کھڑا رہا۔ وہی عوام جو جنگوں اور محاصروں میں اسلامی مزاحمت کے ساتھ تھے اب اس کے ایک کمانڈر کے سوگ میں اس کا ساتھ دے رہے ہیں۔ ان لمحات میں دیر قانون کے کوچوں میں لبیک یا حسین کی صدائیں گونجنے لگتی ہیں۔ تحریر: عبدالرضا ہادی زادہ
کل صبح ہم جنوبی لبنان کی جانب روانہ ہوئے، ایسی سرزمین جس کا چپہ چپہ مزاحمت کی خوشبو دیتا ہے، وہ جگہ جہاں کچھ عرصہ پہلے اسرائیل کی آمدورفت جاری تھی لیکن آج اسے وہاں سے قریب آنے کی جرات بھی نہیں ہے۔ جنوب کی بل کھاتی سڑکیں ایسی کہانی لیے ہوئے ہیں جن کا ذکر کتابوں میں کم ہوا ہے۔ ایسی سرزمین کی کہانی جو 1980ء کے عشرے میں اسرائیلی مرکاوا ٹینکوں کی آماج گاہ بنی ہوئی تھی لیکن آج اسلامی مزاحمت کی طاقت کی برکت سے سرحدی علاقے دشمنوں کے خوف اور اور ناامنی کی علامت بن چکے ہیں۔ راستے میں جگہ جگہ شہداء، سید حسن نصراللہ، سید ہاشم صفی الدین اور سید عباس موسوی سے لے کر عماد مغنیہ اور ایسے شہداء کی تصاویر لگی تھیں جنہیں آسمانے والے زمین والوں سے کہیں زیادہ بہتر پہچانتے ہیں۔
یہاں اسلامی مزاحمت محض ایک سیاسی تصور یا فوجی گروہ کا نام نہیں بلکہ ایسی ثقافت کا نام ہے جو عوام کی رگوں میں جاری و ساری ہے۔ چھوٹے دیہاتوں سے لے کر اسٹریٹجک اہمیت کے حامل شہروں جیسے بنت جبیل اور مارون الراس تک آپ جسے بھی دیکھیں گے وہ گویا جنگ کی ایک یاد، مزاحمت کا ایک قصہ اور تاریخ سے ایک درس اپنے دل میں سمویا ہو گا۔ ہم مقبوضہ فلسطین کی سرحد کے قریب مارون الراس والے علاقے میں پہنچتے ہیں، یہ وہ جگہ ہے جو ایران پارک کے نام سے معروف ہے۔ ہم نے مقبوضہ فلسطین کی سرحد کے قریب ایران کا نام اور پرچم دیکھ کر فخر کا احساس کیا۔ یہ احساس بھی امام خمینی رح کی وحدت بخش آواز کے باعث تھا جس میں انہوں نے کہا: "اے رسول اللہ کے فرزندو، کیا آپس میں متحد ہونے کا وقت نہیں آیا؟"
سرحد کے اس پار اسرائیل کے واچ ٹاور صاف دکھائی دے رہے تھے۔ ایک دن وہ بھی تھا جب اسی جگہ اسرائیلی فوجی آسانی سے آمدورفت کرتے نظر آتے تھے۔ لیکن آج حتی اپنے فوجی اڈوں میں بھی بہت زیادہ احتیاط سے آتے جاتے ہیں۔ وہ اسرائیل جو خود کو خطے کی طاقتور ترین فوج کا مالک گردانتا تھا اس وقت اسلامی مزاحمت کے مجاہدین کے سامنے کھڑے ہونے کی طاقت نہیں رکھتا، وہ بھی ایسے وقت جب اسلامی مزاحمت کے اہم مرکزی رہنما شہید ہو چکے ہیں۔ اسرائیلی فوج اپنے مورچوں تک پیچھے ہٹ گئی ہے۔ یہ کہنا درست ہو گا کہ سرحدی علاقے کی صورتحال تقریباً غزہ کی صورتحال جیسی ہو گئی ہے۔ رہائشی عمارتیں اور دیگر انفرااسٹرکچر پوری طرح تباہ ہو گیا ہے اور مٹی کا ڈھیر بن گیا ہے۔ اگرچہ تباہ شدہ علاقے اپنی وسعت کے لحاظ سے غزہ سے قابل موازنہ نہیں ہیں۔
سرحد سے کچھ ہی فاصلے پر تباہی کے مناظر میں بہت حد تک کمی آ جاتی ہے۔ حزب اللہ لبنان کے ذرائع کے بقول ابھی 80 شہداء کے جنازے ملبے تلے دبے ہوئے ہیں۔ جنوبی لبنان ایک حقیقت ثابت کرنے کی حقیقی تجربہ گاہ ہے اور وہ حقیقت یہ ہے کہ سازباز ہر گز راہ حل نہیں ہے اور آئندہ بھی نہیں ہو گا۔ مزاحمت ہی صرف وہ زبان ہے جسے اسرائیل سمجھتا ہے۔ وہ جو ایک دن "زمین کے بدلے صلح" کا نعرہ لگاتے تھے آج لبنان کے تجربے پر اس حقیقت کا اعتراف کرتے دکھائی دیتے ہیں کہ اسرائیل صرف اس صورت میں پیچھے ہٹتا ہے جب اپنے سے برتر طاقت اس کے مقابلے میں اترتی ہے۔ 2000ء میں جب اسرائیلی فوجیوں نے کسی معاہدے کے بغیر لبنان سے فرار کیا سے لے کر 2006ء کی جنگ تک اسرائیل حتی ایک فوجی کامیابی بھی حاصل نہیں کر پایا ہے۔
ابھی چند دن پہلے ہی انہوں نے فرار کرنے کو مقابلہ کرنے پر ترجیح دی ہے اور یہ حقیقت اب تک بارہا دہرائی جا چکی ہے۔ جنوبی لبنان میں زندگی جاری و ساری ہے لیکن خوف و ہراس کے سائے تلے نہیں بلکہ اقتدار کی سائے تلے۔ عوام شاید اقتصادی لحاظ سے مشکلات کا شکار ہوں لیکن سلامتی اور عزت کے ساتھ ان کے پاس کسی چیز کی کمی نہیں ہے۔ اس سرزمین کے بچے مقبوضہ فلسطین میں اپنے ہم عمر بچوں کے برعکس ایسے اسکول جا کر تعلیم حاصل کرتے ہیں جو اسرائیل کے زیر کنٹرول نہیں بلکہ آزاد شدہ سرزمین میں واقع ہیں۔ جنوبی لبنان نے ثابت کر دیا ہے کہ آزادی دی نہیں جاتی بلکہ اسے جنگ کے ذریعے حاصل کیا جاتا ہے۔ یہ حقیقت وہ دو خواتین اور ایک مرد بیان کر رہے ہیں جو اپنا تباہ شدہ گھر دیکھنے کے لیے مارون الراس آئے ہوئے ہیں۔
ہم سردی سے بچنے کے لیے ویگن میں پناہ حاصل کرتے ہیں تاکہ اسلامی دنیا کے ایک معروف ہیرو کی جائے پیدائش کا سفر کر سکیں۔ یہ سرزمین سید ہاشم صفی الدین کی یادیں لیے ہوئے ہے۔ جنوبی لبنان کا ایک گاوں جو آج ایسے مرد سے الوداع کے مناظر پیش کر رہا ہے جو نہ صرف حزب اللہ لبنان بلکہ پورے اسلامی مزاحمتی بلاک میں ایک تھم کی حیثیت رکھتا تھا۔ سید ہاشم کا زرد رنگ کا تابوت عوام کے سمندر میں بہتا جا رہا ہے۔ چہرے غمگین ہیں لیکن ان کا دکھ سرتسلیم خم کرنے والا نہیں ہے۔ یہاں آنسووں کا مطلب اختتام نہیں بلکہ ایک قسم کی بیعت ہے۔ ایسا عہد جو شہداء کے خون سے باندھا گیا ہے۔ دیر قانون النہر ایسے مرد کی جائے پیدائش ہے جو کئی سالوں سے حزب اللہ کی پہلی صف میں کھڑا رہا۔ وہی عوام جو جنگوں اور محاصروں میں اسلامی مزاحمت کے ساتھ تھے اب اس کے ایک کمانڈر کے سوگ میں اس کا ساتھ دے رہے ہیں۔ ان لمحات میں دیر قانون کے کوچوں میں لبیک یا حسین کی صدائیں گونجنے لگتی ہیں۔
ذریعہ: Islam Times
کلیدی لفظ: اسلامی مزاحمت کے نہیں بلکہ ایسے مرد سید ہاشم حزب اللہ نہیں ہے گیا ہے رہا ہے ہے اور
پڑھیں:
ایران اور امریکہ کے درمیان مذاکرات کا پس منظر، طاقت یا مجبوری؟
اسلام ٹائمز: اب مذاکرات ایران کے لیے کمزوری نہیں بلکہ اپنی شرائط منوانے کا ایک ذریعہ بن چکے ہیں۔ ایران نہ صرف عسکری طور پر مستحکم ہوا ہے بلکہ اس نے خطے میں ایک نظریاتی بلاک قائم کر دیا ہے جو امریکی و اسرائیلی منصوبوں کو چیلنج کر رہا ہے۔ "شیطانِ اکبر" کو اب ہر قدم پھونک پھونک کر رکھنا پڑتا ہے کیونکہ سامنے صرف ایک ملک نہیں، ایک مضبوط اور باعقیدہ مزاحمتی بلاک کھڑا ہے۔ ایران مذاکرات اس لیے نہیں کر رہا کہ وہ امریکہ سے خوفزدہ ہے بلکہ اس لیے کہ وہ اب امریکہ سے آگے بڑھ چکا ہے۔ امریکہ اس لیے مذاکرات پر آمادہ ہوا ہے کیونکہ وہ ایران کو شکست نہیں دے سکا۔ تحریر: سیدہ نقوی
دنیا کی سیاسی بساط پر جب بھی طاقت کے توازن میں تبدیلی آتی ہے، اس کے اثرات نہ صرف سفارتی تعلقات پر بلکہ عالمی بیانیے پر بھی واضح ہو جاتے ہیں۔ ایران اور امریکہ کے درمیان ہونے والے حالیہ مذاکرات اسی تغیر پذیر عالمی توازن کا مظہر ہیں۔ یہ مذاکرات دو بنیادی سوالات کو جنم دیتے ہیں:
1۔ امریکہ نے "محورِ شر" سے مذاکرات کیوں قبول کئے؟
2۔ ایران نے "شیطانِ اکبر" سے مذاکرات کیوں کئے؟
امریکہ اور محورِ شر: شکست کے اعتراف سے مذاکرات تک
وہی امریکہ جو کبھی غرور سے "محورِ شر" کا نعرہ لگا کر ایران، شمالی کوریا اور دیگر اقوام کو دھمکاتا تھا، آج انہی کے ساتھ ایک میز پر بیٹھنے پر مجبور ہوگیا ہے۔ یہ تبدیلی کسی اخلاقی یا اصولی پالیسی کا نتیجہ نہیں بلکہ ناکامیوں کے ایک طویل سلسلے کا انجام ہے۔ پابندیاں، اقتصادی جنگیں، میڈیا پروپیگنڈا، حتیٰ کہ ٹارگٹ کلنگز بھی امریکہ کو اس کے مقاصد میں کامیاب نہ کر سکیں۔ ایران نہ صرف قائم رہا بلکہ اس نے اپنے دفاعی، ایٹمی اور ٹیکنالوجی کے شعبوں میں خود کو مزید مستحکم کرلیا۔ شمالی کوریا نے کھلے عام امریکہ کو چیلنج کیا اور ایٹمی قوت حاصل کی اور امریکہ خاموشی سے تماشائی بن گیا۔ عراق میں شکست، افغانستان سے ذلت آمیز انخلا، یوکرین میں الجھن اور امریکہ کی داخلی معاشی و سیاسی ابتری نے اسے مجبور کر دیا کہ وہ اب دھمکیوں کے بجائے مذاکرات کی راہ اختیار کرے۔
اس کا مطلب یہ ہے کہ امریکہ نے نہ چاہتے ہوئے بھی اُن اقوام کو تسلیم کر لیا ہے، جنہیں وہ کبھی ختم کرنا چاہتا تھا۔ یہ مذاکرات دراصل طاقت کے اعتراف ہیں، نہ کہ کسی امریکی احسان کا نتیجہ۔ دنیا کا توازن بدل چکا ہے، اب امریکہ تنہا سپر پاور نہیں رہا۔ چین، روس اور ایران کی قیادت میں ابھرنے والا مزاحمتی بلاک نئی عالمی حقیقت بن چکا ہے جو نہ دھمکیوں سے ڈرتا ہے، نہ امداد پر جیتا ہے۔ امریکہ نے "محورِ شر" کا بیانیہ مجبوری میں چھوڑا اور انہی اقوام کے سامنے مذاکرات کی میز پر بیٹھا جنہیں وہ ختم کرنا چاہتا تھا۔ کیا یہ امریکہ کی فتح ہے؟ یا پھر اس کی عالمی ناکامیوں کا کھلا اعتراف؟
ایران اور شیطانِ اکبر: مزاحمت سے مذاکرات تک
جہاں امریکہ کی جانب سے مذاکرات کا فیصلہ شکست کا مظہر ہے، وہیں ایران کا مذاکرات میں شامل ہونا ایک حکمتِ عملی کا حصہ ہے، نہ کہ کسی دباؤ کا نتیجہ۔ ایران نے چالیس سالہ پابندیوں، بین الاقوامی دباؤ، پراکسی جنگوں اور ہر قسم کی رکاوٹوں کے باوجود اپنی خودمختاری برقرار رکھی۔ اس نے نہ صرف اپنی بقاء کو یقینی بنایا بلکہ لبنان، شام، عراق اور یمن میں اپنے اتحادیوں کی حمایت جاری رکھی اور ایک منظم مزاحمتی نظام تشکیل دیا۔ ایران کے ایٹمی پروگرام کو دبانے کی ہر کوشش ناکام ہوئی اور آج وہ ایٹمی دہلیز کے قریب پہنچ چکا ہے۔ یہ وہ مقام ہے جہاں امریکہ کے لیے ایران کو نظرانداز کرنا ممکن نہیں رہا۔
اب مذاکرات ایران کے لیے کمزوری نہیں بلکہ اپنی شرائط منوانے کا ایک ذریعہ بن چکے ہیں۔ ایران نہ صرف عسکری طور پر مستحکم ہوا ہے بلکہ اس نے خطے میں ایک نظریاتی بلاک قائم کر دیا ہے جو امریکی و اسرائیلی منصوبوں کو چیلنج کر رہا ہے۔ "شیطانِ اکبر" کو اب ہر قدم پھونک پھونک کر رکھنا پڑتا ہے کیونکہ سامنے صرف ایک ملک نہیں، ایک مضبوط اور باعقیدہ مزاحمتی بلاک کھڑا ہے۔ ایران مذاکرات اس لیے نہیں کر رہا کہ وہ امریکہ سے خوفزدہ ہے بلکہ اس لیے کہ وہ اب امریکہ سے آگے بڑھ چکا ہے۔ امریکہ اس لیے مذاکرات پر آمادہ ہوا ہے کیونکہ وہ ایران کو شکست نہیں دے سکا۔
ایران کو نظرانداز کرنے کا مطلب مشرقِ وسطیٰ میں مزید پسپائی ہے اور یہ امریکہ اب مزید برداشت نہیں کر سکتا۔ ایران اور امریکہ کے درمیان مذاکرات درحقیقت طاقت کے نئے عالمی توازن کی ایک علامت ہیں۔ امریکہ کا جھکاؤ مجبوری ہے جبکہ ایران کی شرکت تدبیر۔ جنہیں کبھی "محورِ شر" کہا گیا، وہ آج عالمی پالیسیوں کے تعین میں اہم کردار ادا کر رہے ہیں اور جو کبھی "شیطانِ اکبر" کہلاتا تھا، وہ آج مزاحمتی بلاک کے سامنے شرائط سننے پر مجبور ہے۔
کامیڈی کنگ کا نیا روپ: کپل شرما کے وزن میں غیر معمولی کمی، مداح حیران