ایوان صدر میں 13وزرا اور 11وزرائے مملکت نے حلف اٹھالیا، 3 مشیر بھی شامل
اشاعت کی تاریخ: 27th, February 2025 GMT
اسلام آباد:
وفاقی کابینہ میں شامل ہونے والے مزید نئے وزرا نے حلف اٹھالیا۔
ایوان صدر میں نئے وفاقی وزرا کی حلف برداری کی تقریب ہوئی جہاں صدر مملکت آصف علی زرداری نے نئے وفاقی وزرا سے حلف لیا۔
تقریب میں وزیراعظم شہباز شریف اور دیگر وفاقی وزرا موجود تھے۔
وفاقی کابینہ میں مزید 13 وزرا اور 11 وزرائے مملکت کی شمولیت ہوئی ہے، جس کے بعد وفاقی کابینہ کی مجموعی تعداد 31 ہوگئی ہے۔
حلف اٹھانے والے وفاقی وزرا میں حنیف عباسی، ڈاکٹر طارق فضل چوہدری، معین وٹو، مصطفیٰ کمال، سردار یوسف، علی پرویز، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر، رضا حیات ہراج شامل ہیں۔
حلف اٹھانے والے وزرائے مملکت میں بیرسٹر عقیل ملک، ملک رشید، ارمغان سبحانی، طلال چوہدری، کھیئل داس، رحمان کانجو، بلال کیانی، مختار بھرت، شذرہ منصب، انور چوہدری، وجیہہ قمر شامل ہیں۔
اس کے علاوہ توقیر شاہ اور محمد علی سمیت وزیر اعظم کے 3 مشیروں نے بھی عہدے کا حلف اٹھالیا۔
.ذریعہ: Express News
کلیدی لفظ: وفاقی وزرا
پڑھیں:
وفاقی کابینہ میں کون کون سے نئے وزرا شامل ہو رہے ہیں؟
پاکستان کی وفاقی کابینہ میں کم ازکم 4 نئے وزرا شامل ہو رہے ہیں جن میں پنجاب سے 2 اور صوبہ بلوچستان اور سندھ سے ایک ایک وزرا کی شمولیت یقینی ہے۔
یہ بھی پڑھیں:وفاقی کابینہ میں توسیع کا امکان، سب سے نمایاں چہرہ کون سا ہوگا؟
ذرائع کے مطابق نئے وزرا کی تقریب حلف برداری اگلے چند گھنٹوں میں منعقد ہونے کا امکان ہے۔
نئے وفاقی وزرا، وزرائے مملکت کی حلف برداری کی تقریب کچھ دیر میں ہوگی۔صدر مملکت نو منتخب وزراسے ایوان صدر میں 5 بجے حلف لیں گے۔
وزیراعظم شہباز شریف اور کابینہ ارکان تقریب حلف برداری میں شرکت کرینگے۔وزیراعظم شہباز شریف معاونین خصوصی کا نوٹیفکیشن جاری کرینگے۔کابینہ میں نئے آنیوالے مشیروں کے بھی نوٹیفکیشن متوقع ہے
پاکستان مسلم لیگ ن نے سیاسی میدان میں مزید متحرک ہونے کے ساتھ ساتھ وفاقی کابینہ میں توسیع کرنے کا فیصلہ کیا ہے۔ زرائع کے مطابق اسلام آباد اور راولپنڈی سے طارق فضل چوہدری اور حنیف عباسی کی کابینہ میں شمولیت ہو گی جبکہ سندھ سے ایم کیو ایم رہنما مصطفی کمال اور بلوچستان سے خالد مگسی بھی وفاقی کابینہ میں شامل ہو رہے ہیں۔
ذرائع کے مطابق حنیف عباسی کو ریلوے کی وزارت کا قلمدان دیا جائے گا جبکہ طارق فضل چوہدری کو صحت جبکہ مصطفی کمال کو میری ٹائم وزارت دئیے جانے کا امکان ہے۔۔ اس سلسلے میں حنیف عباسی چند دن قبل لاہور میں رہلوے حکام کے ساتھ ایک اجلاس میں بھی شرکت کر چکے ہیں۔
ذرائع کے مطابق نواز شریف نے وفاق کے بعد پنجاب کی صوبائی کابینہ کی توسیع کی ہدایت کی ہے جس کے نتیجے میں سابق وفاقی وزیر آئی ٹی انوشہ رحمان کو بھی اہم حکومتی زمہ داری ملنے کا امکان ہے۔
جمعرات کو سابق وزیراعظم اور مسلم لیگ ن کے صدر میاں محمد نواز شریف نے ماڈل ٹاؤن لاہور میں اہم ملاقاتیں کی ہیں۔
پارٹی ذرائع کے مطابق مسلم لیگ ن کے سربراہ سے پارٹی کے سیکرٹری جنرل احسن اقبال، انجئینر امیر مقام، انوشہ رحمان، کیپٹن ریٹائرڈ صفدر کی ملاقاتیں بھی ہوئی ہیں۔ ان ملاقاتوں میں گلگت بلتستان انتخابات میں پارٹی پوزیشن پر تبادلہ خیال ہوا۔ مسلم لیگ ن خیبر پختونخوا تنظیم کے صدر نے گلگت بلتستان انتخابات کے بارے میں بریفنگ دی۔
خیبر پختونخوا سے تعلق رکھنے والے پارٹی رہنماؤں نے نواز شریف کو صوبے کے اضلاع کا دورہ کرنے کا مشورہ دیا۔ ملاقات میں میاں نوازشریف نے گلگت بلتستان انتخابات کرنے کے لیے تنظیمی عہدیداروں کو ہدایت کی جبکہ پارٹی کو فعال کرنے کے لیے عوامی رابطہ مہم تیز کرنے کا حکم دیا۔
نواز شریف نے کہا کہ مسلم لیگ ن کی ایک سالہ کارکردگی کو عوام کے سامنے رکھا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پوپ فرانسس کی حالت میں کچھ بہتری آرہی ہے، ویٹیکن