وفاقی کابینہ میں شامل نئے اراکین نے حلف اٹھالیا
اشاعت کی تاریخ: 27th, February 2025 GMT
وفاقی کابینہ میں نئے وزراء کو شامل کرلیا گیا، اراکین نے حلف اٹھا لیا۔
حلف برداری کی تقریب ایوان صدر میں منعقد ہوئی، صدر مملکت آصف علی زرداری نے نئے اراکین سے حلف لیا۔
تقریب میں حلف برداری کی تقریب میں وزیراعظم شہباز شریف، چیئرمین سینیٹ یوسف رضا گیلانی، خاتون اول آصفہ بھٹو زرداری بھی موجود ہیں۔
وفاقی وزیر بحری امور قیصر شیخ نے کابینہ ارکان کی تنخواہ اور مراعات سے متعلق بڑا انکشاف کردیا۔
حنیف عباسی، معین وٹو، مصطفیٰ کمال، سردار یوسف، اورنگزیب کچھی، رانا مبشر، رضا حیات ہراج اور طارق فضل چوہدری نے بطور وفاقی وزیر حلف اٹھایا۔
انکے علاوہ علی پرویز ملک، شزا فاطمہ، جنید انور، خالد مگسی اور پیر عمران شاہ نے بھی بطور وفاقی وزیر حلف اٹھالیا۔
طلال چوہدری، بیرسٹر عقیل ملک، ملک رشید، ارمغان سبحانی، کھیئل داس کوہستانی، عبدالرحمان کانجو، بلال اظہر کیانی اور مختار بھرت نے بطور وزیر مملکت حلف اٹھایا۔
انکے علاوہ شزرا منصب، عون چوہدری، وجیہہ قمر نے بھی بطور وزیر مملکت حلف اٹھالیا۔
.ذریعہ: Jang News
پڑھیں:
وفاقی کابینہ کی توسیع، مسلم لیگ نون کی حکومت نے کابینہ مکمل ہکرنے میں ایک سال لگایا
سٹی42:وزیراعظم شباز شریف نے اپنی وفاقی کابینہ میں بیک وقت دو درجن نئے وزیروں کو شامل کر کے سب کو حیران کر دیا۔ ایک سال پہلے جب شہباز شریف نے وزیراعظم کا منصب سنبھالا تھا تو انہوں نے 19 ارکان پر مشتمل کابینہ تشکیل دی تھی جن میں 18 وفاقی وزیر تھے اور ایک سوبائی وزیر تھا۔ اب اس کابینہ کا حجم دو گنا سے بھی زیادہ برھ گیا ہے۔ آج شامل ہونے والوں میں سے 12 کو وفاقی وزیر کا عہدہ ملا ہے، 9 کو ویزرِ مملکت بنایا گیا ہے اور تین ارکان کو مشیر کی حیثیت سے کابینہ کا حصہ بنایا گیا ہے۔
زرمبادلہ کے ذخائر میں اضافہ
وفاقی کابینہ میں 2 درجن سے زائد نئے ارکان نے ایوان صدر میں جمعرات کو اپنے عہدوں کا حلف لیا۔صدر مملکت آصف علی زرداری نے نئے وزرا سے حلف لیا۔حلف برداری کی تقریب میں وزیراعظم شہبازشریف اور چیئرمین سینیٹ یوسف رضا گیلانی بھی موجود تھے۔
آج 12 وفاقی وزرا اور 9 وزرائے مملکت نے حلف اٹھایا ہے۔ وفاقی کابینہ میں نئے تین مشیر بھی شامل کیےگئے ہیں۔
جمعرات کے روز حلف لینے والے وزرا میں راولپنڈی سے حنیف عباسی، کراچی سےمصطفیٰ کمال، اوکاڑہ سے معین وٹو، مانسہرہ سے سردار یوسف، میلسی سے اورنگزیب کچھی، لاہور سے رانا مبشر، جھنگ سےرضا حیات ہراج، اسلام آباد سےطارق فضل چوہدری، لاہور سے علی پرویزملک،شزا فاطمہ،جنید انور اور جھل مگسی بلوچستان سےخالد مگسی نے بھی وفاقی وزیر کی حیثیت سےحلف لیا۔
پنجاب کے بعد سندھ حکومت کا بھی پنک بائیک دینے کا اعلان
جڑانوالہ فیصل آباد سے طلال چوہدری، اسلام آباد سے بیرسٹرعقیل ملک، قصور سے ملک رشید،سندھ سے ہندو اقلیتی کمینٹی کے نمائندہ مسلم لیگی کھیئل داس کوہستانی، کہروڑ پکا لودھراں سے عبدالرحمان کانجو، نیشنل پارلیمانی ٹاسک فورس کے صدر بلال اظہرکیانی، پنجاب کے سابق وزیر مختاربھرت، لاہور سے استحکام پاکستانی پارٹی کے ایم این اےعون چوہدری، ننکانہ صاحب سے شذرہ منصب علی اور سیال کوٹ سے ارمغان سبحانی ن اور وجیہہ قمر نے بھی وزیرمملکت کے عہدہ کا حلف لیا۔
مردوں کے بینک اکاونٹس زیادہ ہیں یا خواتین کے ،گورنر اسٹیٹ بینک نے بتا دیا
حلف برداری کی تقریب میں وفاقی وزرا اور نو منتخب ارکان کابینہ کے اہل خانہ اور نئے وزرا کے قریبی رشتہ داروں نے بھی شرکت کی۔
ایک وفاقی وزیر اور 2 وزرائے مملکت آج حلف نہیں اٹھاسکے، اسلام آباد میں ٹریفک جام ہونے کی وجہ سے تینوں وزرا وقت پرنہ پہنچ سکے۔
عمران شاہ نے آج وفاقی وزیر کا حلف لینا تھا جب کہ شذرہ منصب اور ارمغان سبحانی نے بطور وزیرمملکت حلف اٹھانا تھا۔
وفاقی کابینہ میں وزیراعظم شہباز شریف کے نئے تین مشیر بھی شامل کیےگئے ہیں۔
کرکٹ کا اہم ایونٹ بھارت میں نہیں ہو گا، نیوٹرل وینیو کی تلاش
نئے مشیروں میں سابق وزیر دفاع اور خیبر پختونخوا کے سابق وزیراعلی پرویز خٹک، توقیر شاہ اور محمد علی شامل ہیں۔
طلال چوہدری کی کابینہ میں واپسی
مسلم لیگ نون کے رہنما اور سابق وزیر مملکت برائے اطلاعات طلال چوہدی کی وفاقی کابینہ میں آج کابینہ کی توسیع کا سب سے خوشگوار سرپرائز ہے۔ طلال چوہدری کو سابق چیف جسٹس گلزار کی سربراہی میں سپریم کورٹ کے ایک بنچ نے نام نہاد توہین عدالت کے جرم میں عدالت برخاست ہونے تک قید کی سزا، سنا دی تھی۔ اس سزا کا ظالمانہ کمپوننٹ عوامی نمائندہ کو پانچ سال کے لیے نااہل قرار دینا تھا۔ طلال چوہدری نے سابق وزیراعظم میاں نواز شریف کے خلاف کچھ طالع آزما ججوں کی سازش کو لے کر جڑانوالہ میں ایک بہت بڑے جلسہ مین میاں نواز شریف کی موجودگی میں تقریر کی تو میاں نواز شریف کو مخاطب کرتے ہوئے کہا تھا کہ پاکستان کی اعلی عدلیہ میں فوجی آمر کے عبوری آئینی حکم نامے پر حلف لینے والے 'بت' بیٹھے ہوئے ہیں، ان کو باہر نکالا جائے ورنہ یہ اسی طرح ناانصافیاں کرتے رہیں گے۔(حوالہ بی بی سی اردو مطبوعہ 2 اگست 2018)
طلال چوہدری پر فرد جرم 15 مارچ 2018 کو عائد کی گئی تھی اور سپریم کورٹ کے تین رکنی بینچ نے 63 ون جی کے تحت طلال چوہدری کو توہین عدالت کا مرتکب قرار دیا تھا۔ اس عدالتی فیصلہ نے مسلم لیگ نون کے پنجاب میں مقبول ترین نوجوان رہنما کو عملاً مین سٹریم سیاست سے باہر لا پٹخا تھا۔ اس کے بعد وفاق میں مسلم لیگ نون کی حکومت تو بن گئی لیکن طلال چوہدری کو کابینہ میں جگہ نہیں ملی۔ گزشتہ سال الیکشن کے بعد مسلم لیگ نون کی حکومت دوبارہ بنی تو طلال چوہدری کی کابینہ میں واپسی آج ہوئی ہے۔
Waseem Azmet
پوپ فرانسس کی حالت میں کچھ بہتری آرہی ہے، ویٹیکن