یو ایس ایڈ کے تحت دنیا بھر میںچلنے والے 90 فیصد سے زائد معاہدے ‘ امداد اور منصوبے ختم کردیئے گئے
اشاعت کی تاریخ: 27th, February 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔27 فروری ۔2025 )امریکا کی ٹرمپ حکومت نے امریکی غیر ملکی امداد میں نمایاں کمی کا اعلان کیا ہے جس کے تحت یو ایس ایڈ کے 90 فیصد سے زائد معاہدے اور کل 60 ارب ڈالر کی امداد ختم کر دی گئی ہے امریکی جریدے کے مطابق ان کٹوتیوں کے نتیجے میں بیشتر ترقیاتی اور انسانی ہمدردی کے منصوبے ختم ہو جائیں گے.
(جاری ہے)
ٹرمپ انتظامیہ نے ان کٹوتیوں کو فضول اخراجات ختم کرنے اور امداد کو امریکی مفادات کے مطابق ڈھالنے کے اقدام کے طور پر پیش کیا ہے صدر ٹرمپ اور ایلون مسک نے غیر ملکی امداد کو ایک لبرل ایجنڈا قرار دیتے ہوئے سختی سے نشانہ بنایا ہے اور اسے ٹیکس دہندگان کے پیسے کا ضیاع کہا ہے 20 جنوری کوٹرمپ نے تمام امدادی پروگراموں کے 90 دن کے جائزے کا حکم دیا اور فوری طور پر فنڈنگ روک دی جس سے ہزاروں امریکی امداد سے چلنے والے منصوبے بند ہو گئے. یو ایس ایڈ اور سٹیٹ ڈیپارٹمنٹ کے عملے کو ہٹا دیا گیا اور معاہدوں کو غیر معمولی تیزی سے ختم کر دیا گیا یو ایس ایڈ سے مالی ادائیگی کے منتظر غیر سرکاری اداروں نے ٹرمپ اور مسک کی ٹیموں پر معاہدے بغیر مناسب جانچ کے ختم کرنے کا الزام لگایا. یو ایس ایڈ کے ایک اہلکار کی لیک ہونے والی ای میل نے مزید معاہدوں کے خاتمے کی پیش گوئی کی ہے ٹھیکیداروں نے بڑے پیمانے پر کی جانے والی منسوخیوں کو عدالت کے فنڈنگ فریز کے خاتمے کے حکم سے بچنے کی ایک چال قرار دیا ہے. سینیٹر کرس مرفی نے انتظامیہ کے اس اقدام کو کانگریس اور عدالتوں کو بائی پاس کرنے کی کوشش قرار دیا امریکی گلوبل لیڈرشپ کولیشن نے خبردار کیا کہ اس فیصلے سے انسداد دہشت گردی، عالمی صحت اور خوراک کی حفاظت جیسے شعبے متاثر ہوں گے امریکی سٹیٹ ڈیپارٹمنٹ نے تصدیق کی کہ وزیرخارجہ مارکو روبیو نے معاہدوں کی منسوخی کا جائزہ لیاہے. انتظامیہ نے 6ہزار2سو میں سے 5ہزار8سو یو ایس ایڈ معاہدے ختم کرنے کا منصوبہ بنایا جس سے 54 ارب ڈالر کی کٹوتی ہوگی اور 9ہزار ایک سو میں سے 4ہزارایک سو سٹیٹ ڈیپارٹمنٹ گرانٹس ختم کی جائیں گی جس سے 4اعشاریہ4 ارب ڈالر کم ہوں گے . یہ منسوخیاں مبینہ طور پر عدالت کے امداد جاری کرنے کے حکم کے بعد تیزی سے کی گئیں ایک وفاقی جج کی وارننگ کے بعد انتظامیہ نے واجب الادا ادائیگیاں شروع کیں تاہم ڈسٹرکٹ جج امیر ایچ علی کا فیصلہ جس نے اربوں ڈالر کے فنڈز جاری کرنے کا حکم دیا تھا فی الحال سپریم کورٹ کے نظرثانی کے فیصلے تک معطل رہے گاجس کی قیادت چیف جسٹس جان رابرٹس کر رہے ہیں مدعیان کو جمعہ دوپہر تک جواب دینا ہوگا. ٹرمپ انتظامیہ نے ایک اور معاملے میں بھی سپریم کورٹ میں اپیل دائر کی ہے جس میں ایک وفاقی نگران ادارے کے سربراہ کو دوبارہ بحال کرنے کے نچلی عدالت کے فیصلے کو چیلنج کیا گیا ہے، جنہیں ٹرمپ نے برطرف کر دیا تھا.
ذریعہ: UrduPoint
کلیدی لفظ: تلاش کیجئے انتظامیہ نے یو ایس ایڈ کی امداد
پڑھیں:
ٹرمپ ٹیرف، بٹ کوائن 90 ہزار ڈالر سے کتنا نیچے گرا؟
25 فروری کو بٹ کوائن 90 ہزار ڈالر سے نیچے گر گیا اور نیو یارک میں دوپہر تک 86 ہزار 805 ڈالر کی سطح پر پہنچ گیا جو نومبر 2024 کے وسط کے بعد کی سب سے کم سطح ہے۔ کرپٹو کرنسی دن بھر میں 8.5 فیصد گری اور جنوری میں ٹرمپ کی حلف برداری کے بعد سے قریباً 20 فیصد نیچے آئی ہے۔
امریکی میڈیا رپورٹس کے مطابق دیگر بڑی کرپٹو کرنسیز، بشمول ایتھر، ایکس آر پی اور سولانا بھی گر گئیں۔ ایک اہم ڈیجیٹل ٹوکن انڈیکس نے اگست 2024 کے بعد سے اپنی سب سے بڑی گراوٹ ریکارڈ کی۔ مارکیٹ کے تجزیہ کار اس گراوٹ کو میکرو اقتصادی خدشات اور ٹرمپ انتظامیہ کے نئے ٹیرف سے جوڑتے ہیں۔
مزید پڑھیں: ٹرمپ کا اسٹیل اور ایلومونیم درآمدات پر 25 فیصد ٹیرف عائد کرنے کا فیصلہ
بٹ کوائن ای ٹی ایف کے بارے میں سرمایہ کاروں کا رویہ منفی ہو چکا ہے، اور iShares Bitcoin Trust (IBIT) ای ٹی ایف نے 24 فروری کو 158 ملین ڈالر کا نقصان اٹھایا جبکہ نیو یارک میں لسٹڈ بٹ کوائن ای ٹی ایف نے فروری میں ریکارڈ 956 ملین ڈالر کی اڑان دیکھی۔
دو دنوں میں 1.6 ارب ڈالر کے زائد فائدہ مند طویل پوزیشن کے نقصانات ہوئے، جبکہ مستقل فیوچرز کے تاجروں کو غیر ملکی سرمایہ کاروں کی جارحانہ پوزیشننگ کی وجہ سے اتار چڑھاؤ کا سامنا ہے۔ صنعتی مسائل بھی اس گراوٹ کو مزید بڑھا رہے ہیں۔
بائی بٹ پر ڈیڑھ ارب ڈالر کی ہیکنگ کی رپورٹ، جو شمالی کوریائی ہیکرز سے منسلک تھی، نے مزید منفی اثر ڈالا، ادھر ٹرمپ کے شروع کردہ میم کوائنز بھی مشکلات کا شکار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایتھر کوائن بٹ کوائن ٹرمپ ٹیرف ڈالرز
قصور: وین نالے میں جا گری، 8 افراد جاں بحق 2 شدید زخمی